Ezikɛl 22:9 - EBƆRƐ BE KAWƆL

⁹ Fo basa na be beko bee ku efɛ nna a deŋi beko a fin bumo be kamɔ. Beko malɛ bee ji agbirjibi nna nɛ beko malɛ wɔtɔ a wora kusɔjiya be asheŋ.

Ezikɛl 22:9 ပူးပေါင်းရင်းမြစ်များ

Nshɛ 101:5

M maaŋ sa ekama nɛ e bee nite a ji basa be asheŋ ekpa nɛ e baa wora loŋ. Ma alɛ maaŋ sa kamoowuwura ŋko keŋkenshiwura kashuli kikɛ nɛ b baa du loŋ.

Nshɛ 106:28

Ebɔrɛ be basa na be beko daŋ ya kaa bɛ kegbir nɛ baa tre Baal Piyɔɔ na so nna, nseŋ daa ji agbir be nlɔŋɛjibi.

Nshɛ 50:20

Men tase nna a kuli men kurgepoana nsaa jija men niopibiana gbagba be atre.

Ɛksodɔs 20:16

Men sa maa ji efɛ be shɛda a gbiti men braana.

Ɛksodɔs 23:1

Men sa maa bɔ efɛ be baru, ŋko a ji efɛ be shɛda a chɛ belubiworapo to.

Aŋasa 10:18

Esa kama nɛ kekishi wɔ mo to la efɛpo nna. Ewulpo e naa ta b yɛ b yɛ a shuŋ.

Aŋasa 18:8

Ŋkuli wɔ ebel ga; nɛ basa bee sha kumo.

Aŋasa 26:22

Ŋkuli wɔ ebel ga nɛ basa bee sha kumo.

Jɛremaya 6:28

Bumo kikɛ la ŋgbene kpakpaso wuraana nɛ b maa shuli fanɛ esa e baa wɔ bumo nna. Bumo be ŋgbene du kpakpa nna fanɛ danyaŋ ŋko kenyembi. Eda lubi nɛ bumo kikɛ kɔ a wɔtɔ a ku efɛ a kulti.

Jɛremaya 9:4

A daga fanɛ ekama e baa de mo teriana be asheŋ woraso so, nsaa maŋ yirda mo kurgepoana be asheŋ woraso gba. Ŋkpal manɛ so, bekurgepoana na be ekama maa ji kashenteŋ fanɛ men nananyɛn Jeekɔb; ekama malɛ wɔtɔ nna a ku efɛ a jija mo teriana be atre.

Ezikɛl 11:6

Men mɔ basa damta Jerusalɛm to hale nɛ bubuni sɔ kumo be agbembi kikɛ so.”

Ezikɛl 16:43

Fo teŋ so kananɛ ŋ keta fo jemanɛ nɛ fo daa la kebia fɔlbi na nna nseŋ wora ekishisheŋ nɛ agbo pɛ ma ga. Fo daŋ wora amo nɛ a chɔ loŋ gba nseŋ ki sakaleche gba kuraa. Fo daga kasogberge!” Ma, Enyɛnpe Ebɔrɛ e kaŋɛ na.

Ezikɛl 18:11

asheŋ nɛ mo tuto bre maaŋ wora na. Ebi na bee ji agbirjibi nsaa di mo braana be beche.

Ezikɛl 18:15

nsaa maa ji agbirjibi ŋko a shuŋ Israɛl be agbirana, mo alɛ maaŋ di mo barkasa be eche.

Ezikɛl 18:6

E maa ji agbirjibi ŋko a shuŋ Israɛl be basa be agbirana na. Mo alɛ maa sha mo barkasa be eche ŋko a di eche jemanɛ nɛ e bee lar ntamaŋ.

Ezikɛl 23:29

Ŋkpal b ka kishi fo so, baaŋ suge asɔ kama nɛ fo gben n nya kikɛ n yɔ ŋ ka fo kesaria. Saŋɛ na so nɛ ekama e wu fanɛ sakaleche e la fo kashenteŋto. Fo gbagba be kayɛlga lubi nɛ kesakalea

Ezikɛl 24:13

Naniere fo, Jerusalɛm, be kusɔ jigaya be kebaawɔtɔ e shin nɛ fo wora eyurpi. Ŋkpal ŋ ka wora ania nɛ n fɔr fo so nɛ fo nyalɛ so nɛ fo kraa kini nsaa wɔ fo eyurpi to so, fo maaŋ naŋ nyalɛ so kikɛ n ya fo fanɛ ma agbo gboŋ ka beeŋ ba fo so.

Hoziya 4:10

Menyee ji ajibi ga, ama menyi alɛ maa moɛ kikɛ. Menyee yɔ agbir to n ya kaa fin mbia, ama menyi alɛ maa nya bumo kikɛ. Ŋkpal manɛ so, men kini ma nna nseŋ ya kaa bɛ agbir so.”

Hoziya 4:14

Ama m maaŋ kpal loŋ so ŋ gberge bumo kusoe, ŋkpal manɛ so men gbagba bee ya ka sha agbirlambu to be esakaleche nna nɛ menyi nɛ bumo bee lara esarga a sa agbirana na. Ama le nɛ keŋasa ko bee kaŋɛ: ‘Esa nɛ e maŋ nyi asheŋ kikɛ la esa mur so nna.’ ”

Hoziya 4:2

Baa nase nnɔ nna nsaa maa bɛ amo so. B wɔtɔ nna a ku efɛ, a mɔ basa, nsaa yuri nseŋ naa ji kesakalea. Bumo be asheŋ lubi malɛ baa ti so nna nɛ b wɔtɔ a mɔ abar saŋkama.

Hoziya 6:9

Bɔrɛmatapoana ki fanɛ besugepo nɛ baa pugi kupuŋ to a jo basa a suge bumo be asɔ nna. Baa mɔ basa Shɛkɛm gba be ekpa to. Bumo alɛ bee kute nna a shuŋ le be ashuŋ lubi ere!

Hoziya 7:4

B la basa nɛ esa maaŋ tiŋ n yirda nna nɛ bumo be yurkishi du fanɛ ebu nɛ baa tɔ bodobodo kumo to na be edɛ nɛ b baga amo to nɛ a suse yeŋyeŋyeŋ na.

Levitikɔs 19:16

Men sa maa nite a ji basa be asheŋ a ku efɛ a deŋi bumo. Nɛ baa ji esa demu nɛ k beeŋ tiŋ n shin nɛ e paŋ mbe ŋkpa nɛ feeŋ tiŋ n ji shɛda n chɛ mo to, fo wora loŋ. Ma e la Enyɛnpe Ebɔrɛ na.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Matiu 26:59

Bɔrɛmatapowuraana na nɛ Sanhedrinebi na kikɛ daa fin efɛ be eshɛdajipo mo nɛ baaŋ malga ŋ gbiti Yesu nɛ b tiŋ n nya mo m mɔ nna.

Ashuŋ Shunso 24:13

Bumo alɛ maŋ kɔ shɛŋ nɛ b ta ŋ ŋini fo fanɛ asheŋ nɛ baa malga ere la kashenteŋ nna.

Ashuŋ Shunso 24:5

An wu fanɛ kanyɛn ere la esa lubi nɛ kabɔlarwura nna. E wɔtɔ nna a yɔ kaplɛkama n ya kaa ta Juwebi a wɔtɔ kebagato to nseŋ naa la basa nɛ baa tre bumo be amu Nazarinebi be katuŋ na to be enimu.

Demujipoana 20:6

Ŋkpal b ka wora le be kesheŋ lubi nɛ k maŋ daga ere so nɛ ŋ kuya n jipoche na be kebuni to n ta kumo n chise Israɛl be eyiri kudu anyɔ na. Nɛ yiri kama nya mbe eblaŋ na be kuko.

1 Samuɛl 24:10

Fo gbagba wu fanɛ Enyɛnpe Ebɔrɛ daŋ ta fo nna m bɔɔ ma enɔ ashi kebeelaŋ ere to kabre. Ma basa ko kaŋɛ ma fanɛ m mɔ fo, ama ma ere yige fo nseŋ kaŋɛ bumo fanɛ, k maŋ daga fanɛ n wora fo kulubi kikɛ, ŋkpal manɛ so, fo nɛ Enyɛnpe Ebɔrɛ lara fanɛ fo ba la ewura.