Ezikɛl 22:4 - EBƆRƐ BE KAWƆL

⁴ Basa be kemɔ na shin nɛ fo basa wora n jija nɛ agbirana nɛ b lɔŋɛ a shuŋ na malɛ shin nɛ b jija bumo be amu. Basa be kasogberge be kachɛ taga to nna na. Amoso nɛ n shin nɛ efuli pɔtɛana be basa bee wora fo basa eyurto nsaa malga mmalga jiga a gbiti bumo na.

Ezikɛl 22:4 ပူးပေါင်းရင်းမြစ်များ

1 Bewura 9:7

kumo ere meeŋ lara ma basa Israɛlebi ashi kasawule nɛ n ta n sa bumo ere so, nseŋ lar bɔrɛlambu nɛ n nɛfa ŋ kaŋɛ fanɛ meeŋ baa wɔ ndoŋ nɛ b baa bunyaŋ ma na to. Saŋɛ na so basa kikɛ beeŋ ba fɛl Israɛlebi nsaa keni bumo jiga.

2 Bewura 21:16

Ewura Manase daŋ mɔ basa damta nɛ b maŋ wora shɛŋ nna nɛ bumo be ŋklaŋ teŋi n sɔ Jerusalɛm be kubɔrbi so kikɛ. Ade kikɛ be kaman nɛ e naŋ shin nɛ Juda be efuli so be basa gba luri kagbirshuŋ to nseŋ wora kulubi ŋ gbiti Enyɛnpe Ebɔrɛ na.

2 Kronikɛls 7:20

kumo ere meeŋ lara menyi ashi kasawule nɛ n ta n sa menyi ere so nseŋ lar bɔrɛlambu nɛ n nɛfa ŋ kaŋɛ fanɛ meeŋ baa wɔ ndoŋ nɛ men baa bunyaŋ ma na to nɛ basa kikɛ e ta kumo fanɛ epel be kakpa nsaa keni kumo jiga.

Nshɛ 79:4

Efuliana nɛ a kulti anyi na be basa bee mushe nsaa wora anyi eyurto nna.

Jɛremaya 18:16

B shin nɛ kasawule na ki kufugboŋ be kakpa nna nɛ ekama ta kumo fanɛ kusɔ fuloŋ a keni kumo jiga. Asɔ nɛ basa nɛ baa bɔla kumo so bee wu na bee chinchiŋ bumo nna nɛ baa fifi amu.

Jɛremaya 24:9

Meeŋ shin nɛ jɛrbi gboŋgboŋi e ba bumo so nɛ kufugboŋ e tɔr durnya to be efuli pɔtɛana be basa so nɛ b baa chicha. Basa beeŋ baa mushe nsaa wora bumo eyurto nseŋ naa ta bumo be ketre a shoduu ashi kaplɛkama nɛ baaŋ pesaŋ to n yɔ na.

Jɛremaya 44:8

Manɛ nna nɛ menyee bunyaŋ agbirana nsaa lara esarga a sa amo ashi Ijipt a wɔtɔ ma agbo to? Menyee wora le nna nɛ men mur menyi be amu, saŋɛ na so durnya to be efuli kama so be basa beeŋ baa keni menyi jiga nsaa ta menyi be ketre a sho basa kɔnɔ a?

Ezikɛl 16:57

kumo be pɔɛŋ nɛ ekama wu fo da lubi na. Naniere fo ki kemɔmɔshia be kusɔ nna n sa Edɔmebi nɛ Filistiebi nɛ efuliana nɛ a kulti fo na kikɛ nɛ baa keni fo jiga.

Ezikɛl 21:28

Ama fo, dimɛdi pibi, kaŋɛ fanɛ kusɔ nɛ Enyɛnpetale Ebɔrɛ na bee kaŋɛ a laŋɛ Ammɔn be basa nɛ baa tege Israɛl na be kaplɛa so e la fanɛ b gberge tokobi m pe, n wora shiriya nɛ b mɔ; b fifɛa kumo so nna m bela ase nɛ b ta kumo m mɔ. K bee kpa edɛ fanɛ bɔrɛ ka nyɛkpɛ nna!

Ezikɛl 22:2

“Dimɛdi pibi, Ezikɛl, fo wora shiriya nɛ fo kaŋɛ Jerusalɛm nɛ k la kadegboŋ nɛ basa nɛ baa mɔ basa bɔlɔ kumo to na fanɛ k maŋ wora n nyalɛ a? Kumo ere shin nɛ basa na e pin bumo be ekishisheŋ nɛ b wora na be asheŋ.

Ezikɛl 23:32

Ade kikɛ be kaman, nɛ Enyɛnpetale Ebɔrɛ na kaŋɛ fanɛ “Kurwa nɛ fo da nuu to na nɛ fo alɛ gba beeŋ nuu to, k la kurwa nɛ k shi nsaa du chuŋguluŋ nna. Ekama beeŋ keni fo jiga nseŋ wora fo eyur to, ŋkpal manɛ so, ma agbogboŋ e bɔlɔ kurwa na to.

Ezikɛl 23:7

Asiriya be efuli so be benimu nɛ e daa tu a ji kesakalea nɛ mbe kayɛlga lubi na shin nɛ e tu bumo a shuŋ bumo be agbirana nseŋ jija mbe kumu.

Ezikɛl 24:7

Jerusalɛm to be basa mɔ basa nɛ b maŋ wora shɛŋ ashi kadegboŋ na to, ama b maŋ wora ania nɛ b wora eshishɛr m buu bumo be ŋklaŋ nɛ a wurge kefalta so gba.

Ezikɛl 24:8

Ndoŋ nna nɛ ma alɛ gba yige ŋklaŋ na kefalta na so, kakpa nɛ a maaŋ tiŋ ŋ ŋana. Nɛ amo alɛ bee fin fanɛ ŋ kɔ n sa amo.”

Ezikɛl 36:15

Kumo be kaman, menyi maaŋ naŋ bugi asoe a nu mmalga jiga nɛ efuliana na bee malga a gbiti menyi. Meni alɛ maaŋ naŋ keni n wu basa ka bee wora menyi eyurto. Kasawule na maaŋ naŋ shin nɛ men paŋ menyi be mbia. Ma, Enyɛnpetale Ebɔrɛ na, e kaŋɛ na.”

Danɛl 9:16

Dra na kikɛ nɛ fo kɔ n sa anyi, amoso sa maŋ nya agbo n wɔtɔ Jerusalɛm n chɛr ŋkpal manɛ so k la fo kadegboŋ nna ashi fo kebeegboŋ cheembi na so. Efuliana nɛ anyi nɛ bumo chena m mata abar na kikɛ bee keni Jerusalɛm nɛ fo basa jiga nna ŋkpal anyi nɛ an nananyɛnana be alubi so.

Levitikɔs 26:32

Meeŋ mur kusɔ kama menyi be kasawule na so nɛ kechinchiŋ men doŋana nɛ b wɔ ndoŋ na gba.

Nɔmbɛs 32:14

Kusɔ nɛ men nananyɛnana daŋ wora na nɛ menyi Rubenebi nɛ Gadebi gba bee wora naniere a shin nɛ Enyɛnpe Ebɔrɛ be agbo bee kaa Israɛlebi so.

Ditɛronɔmi 28:37

Men be asheŋ beeŋ chinchiŋ efuli kama nɛ Enyɛnpe Ebɔrɛ na beeŋ pesaŋ menyi to n yɔ na so be basa kikɛ, ŋkpal kusɔ nɛ k beeŋ wora menyi na so. Ama bumo alɛ kraa beeŋ wora menyi eyurto nseŋ mushe menyi.

Ditɛronɔmi 29:24

Efuli pɔtɛana so be basa kikɛ beeŋ bishi le: “Manɛ nna nɛ Enyɛnpe Ebɔrɛ na wora bumo be kasawule loŋ? Manɛ e bar mbe kanya agbo?”

1 Tɛsalɔnikaebi 2:16

Kumɔlga be kubɔya nɛ an daŋ bar nnyamase na gba, Juwebi na daa maa sha an ka bɔ kumo n sa nnyamase na. Loŋ so, bumo be asheŋ lubi daa ti so nna saŋkama. Naniere malɛ Ebɔrɛ be agbo kaa bumo so.