Ezikɛl 21:3 - EBƆRƐ BE KAWƆL

³ nseŋ kaŋɛ bumo fanɛ ma, Enyɛnpe Ebɔrɛ na bee kaŋɛ fanɛ b ki ndoŋana nna. Amoso meeŋ pee ma tokobi kumo be efar to m mɔ bumo to be basa lela nɛ belubi kikɛ.

Ezikɛl 21:3 ပူးပေါင်းရင်းမြစ်များ

Job be kawɔl 9:22

Ŋkpal manɛ so, Ebɔrɛ bee mur basa nɛ b wora n da so nɛ bumo nɛ b maŋ wora n da so kikɛ nna.

Nshɛ 17:13

Enyɛnpe Ebɔrɛ koso ŋ kɔ m pɔɔ bumo so. Ta fo tokobi m mɔlga ma ashi amu kpakpasowuraana be enɔ to.

Nshɛ 80:17

Chɛ esa nɛ e chena fo enɔ jisa so na to. Mo e la nyiŋgbasa pibinyɛn nɛ fo bela mo n sa fo kumu na.

Nshɛ 83:15

aloŋ a daga fanɛ fo ta bɔrɛfugboŋ n ju bumo n lɛ, nseŋ shin nɛ afugboŋ a funti bumo nɛ b baa chicha.

Ɛksodɔs 15:9

Edompo na daŋ ji njɔŋ nna ŋ kaŋɛ: ‘Meeŋ ju m buu bumo so n ya pɛ bumo nseŋ barga bumo be asɔ to n ta amo nɛ mee sha kikɛ. Meeŋ pee ma tokobi m mɔ bumo.’

Kaŋinichiŋgeliŋ 9:2

Kelamba koŋwule e dese n sa basa niŋiso nɛ kumukpakpasowuraana; basa lela nɛ basa lubi kikɛ. Kusɔ koŋwule e naaŋ wora basa nɛ baa ŋana Ebɔrɛ nsaa sa mo bunyaŋ nɛ bumo nɛ b maa ŋana mo kikɛ. Kusɔ nɛ k beeŋ wora basa nɛ baa lara esarga a sa Ebɔrɛ na, kumo e naŋ wora bumo nɛ b maa bɛ bumo be nnɔ naseso so na gba.

Aizaaya 10:5

Ndoŋ nna nɛ Enyɛnpe Ebɔrɛ na kaŋɛ: “N ta Asiriya fanɛ kaprɛ nna nɛ ŋ gberge basa nɛ n nya agbo n wɔtɔ na kusoe.

Aizaaya 34:5

Enyɛnpe Ebɔrɛ na kaŋ ta mbe tokobi n wora awɔlpa so be asɔ kusɔ nɛ e bee sha n loge, k beeŋ gbelge efuli nɛ baa tre Edɔm na be basa nɛ Enyɛnpe Ebɔrɛ na yili kumo fanɛ baaŋ mur na so.

Aizaaya 57:1

Basa niŋiso bee wu nɛ ekama malɛ be shɛŋ maŋ wɔtɔ bumo to. Ama nɛ b baŋ wu malɛ b maŋ naa luri alubi to.

Jɛremaya 17:27

Ama a daga fanɛ b baa wora ma kasonu nsaa ta ma kewushiachɛ na fanɛ kachɛ cheembi nsaa maa sulɔ asɔ a bɔla Jerusalɛm be mbunagboŋana na to a luri a lar loŋ be kachɛ na. Nɛ b kini nseŋ wora loŋ, meeŋ shin nɛ Jerusalɛm be mbunagboŋana na e ji edɛ. Jerusalɛm to be ewurkpaana beeŋ ji edɛ n tɔr nɛ esa kikɛ maaŋ tiŋ n duŋ edɛ na.”

Jɛremaya 21:13

Menyi Jerusalɛm be basa ka chena kebee so nsaa keni ataŋɛ to so, menyee fɛ fanɛ shɛŋ maaŋ tiŋ n wora menyi nna. Ama ma, Enyɛnpe Ebɔrɛ na nya agbo n wora menyi nna na.

Jɛremaya 21:14

Meeŋ gberge menyi kusoe ŋkpal kusɔ nɛ menyee wora so. Meeŋ shin nɛ edɛ e ji menyi be ewurkpa nseŋ chɔɔ kusɔ kama nɛ k kulti kumo na m mur. Ma, Enyɛnpe Ebɔrɛ e kaŋɛ na.”

Jɛremaya 50:31

“Kamoowu e baŋ bɔlɔ Babilɔn be efuli so be basa to, amoso, ma, Enyɛnpetale Ebɔrɛ na maaŋ yige bumo kikɛ. Jemanɛ fo nɛ b nya bumo be kasogberge.

Jɛremaya 51:20

Enyɛnpe Ebɔrɛ na yɛ: “Babilɔn, fo e la ma kena to be guluŋgu. Fo nɛ mee ta a biri efuliana a pechɛto, nsaa ta fo a mur kuwurgboŋana.

Jɛremaya 51:25

Babilɔn, fo du fanɛ kebee nna a kɔ eleŋ ga a mur durnya kikɛ, ama ma, Enyɛnpe Ebɔrɛ na ki fo doŋ nna na. Meeŋ to m pɛ fo to ŋ gberge fo n lɛ kasawule nɛ fo bure to ŋ ki fanɛ ebirkesi ka bure to n deŋi abar so na.

Ezikɛl 13:8

To, kusɔ nɛ Enyɛnpetale Ebɔrɛ na kaŋɛ bumo nde: “Menyi be mmalga la kafule nna nɛ menyi be ebɔrɛdare malɛ la efɛ. Amoso m maaŋ yige menyi kikɛ.

Ezikɛl 14:17

Ŋko nɛ fanɛ n shin nɛ bedoŋ kre kena n ya kɔ efuli nɛ kumo so be basa wora alubi nseŋ mɔ basa na nɛ bumo be asɔbɔya kikɛ gba,

Ezikɛl 14:21

Ŋkpal ade kikɛ so, kusɔ nɛ ma Enyɛnpetale Ebɔrɛ na bee kaŋɛ e la fanɛ ekpa nɛ meeŋ bɔla kumo so ŋ gberge Jerusalɛm to be basa kusoe kenishipere so nde: “Meeŋ shin nɛ kena nɛ akoŋgboŋ nɛ asɔbɔya lubi nɛ kulɔ mɔso e ba mɔ basa nɛ asɔbɔya kikɛ.

Ezikɛl 21:19

E yɛ: “Dimɛdi pibi, ŋini ekpa anyɔ nɛ Babilɔn be efuli so be ewura beeŋ ta mbe tokobi na m bɔla so m ba. Ekpa anyɔ na daga fanɛ a fara efuli koŋwule so nna. Dulgi kakpa nɛ ekpa na barga to anyɔ na,

Ezikɛl 24:9

Ade be kaman kusɔ nɛ Enyɛnpetale Ebɔrɛ na bee kaŋɛ e la fanɛ; “Asheŋ maaŋ nyalɛ n sa kadegboŋ nɛ baa mɔ basa kumo to na. Ŋ gbagba e naŋ ber ndibi damta n wɔtɔ edɛ na to.

Ezikɛl 26:3

Kusɔ nɛ ma, Enyɛnpetale Ebɔrɛ na bee kaŋɛ e la fanɛ menyi Tayɛ be basa ki n doŋana nna na, nɛ meeŋ shin nɛ efuli damtaana e kre kena m ba kɔ menyi fanɛ kananɛ teku so bee ku atili a ba kaa gbuŋ teku be kɔnɔ na.

Ezikɛl 29:10

fo nɛ Nail kikɛ ki n doŋ nna na. Amoso meeŋ shin nɛ Ijipt be efuli na a ki kasawule jiga nɛ shɛŋ maaŋ naa wɔ kumo so, yili kadegboŋ nɛ baa tre Migdɔl nɛ k wɔ kelargato be esoso na n ya fo kumo nɛ baa tre Aswan ashi kelargato be kaseto na, hale ŋ keta m ba choŋ menyi nɛ Kush be efuli so be egbaŋ to.

Ezikɛl 5:12

Menyi to be ntuŋ asa to be katuŋ koŋwule beeŋ wu ŋkpal alɔ nɛ akoŋ so ashi Jerusalɛm to, nɛ katuŋ nyɔsopo e wu kena to. Katuŋ sasopo malɛ beeŋ pesaŋ to n sɔ kaplɛkama a shile nɛ n ta tokobi m bɛ bumo so a mɔ.

Ezikɛl 5:8

Amoso, ma Enyɛnpetale Ebɔrɛ na e kaŋɛ menyi na fanɛ ŋ ki menyi, Jerusalɛm to be basa, be edoŋ nna na. Meeŋ gberge menyi kusoe nɛ efuliana na kikɛ e wu kumo.

Levitikɔs 26:25

Meeŋ shin bedoŋ e kɔ menyi kena ŋ gberge menyi kusoe ŋkpal men ka wora n da ma nɛ menyi be kɔnɔkoŋwule be ŋkre na so, nseŋ gama abar so ashi menyi be ndegboŋana to a fin kumɔlga menyi be amu so. Ma alɛ beeŋ naaŋ shin nɛ alɔ nɛ a maŋ kɔ kechɛ e tɔr menyi so n nyaŋ menyi nɛ men gbagba a ta menyi be amu m bɔɔ men doŋana enɔ.

Levitikɔs 26:33

Meeŋ bar kena menyi so n shin nɛ men pesaŋ to n yɔ efuli pɔtɛana so. Menyi be kasawule beeŋ dese fuloŋ nɛ menyi be ndegboŋ a ki alambure.

Eemɔs 5:6

Men bɛta n yɔ Enyɛnpe Ebɔrɛ na kutɔ nseŋ nya ŋkpa. Men baa maŋ ba mo kutɔ, e beeŋ ta edɛ m mur menyi. Menyi Bɛtɛl be basa e naaŋ chɔɔ. Esa kama malɛ maaŋ tiŋ m mɔlga menyi kikɛ.

Eemɔs 7:4

Bɔrɛdare ere to Enyɛnpetale daŋ kaŋɛ nna fanɛ mbe demuji beeŋ ba mbe basa so, nɛ edɛ e ba chɔɔ kusɔ kama ashi kasawule ere so n ta tekugboŋ na gba n tiso.

Nahum 2:13

Nɛ Enyɛnpetale Ebɔrɛ na kaŋɛ: “Ninɛveebi, men ki ma doŋana nna na, meeŋ chɔɔ menyi be egbaŋɛturko nseŋ shin nɛ b mɔ menyi be benapo kena to. Ma alɛ beeŋ naŋ shin nɛ b sɔ asɔ nɛ men suge beko kutɔ na, ekama malɛ maaŋ tuge menyi be mbɔ kikɛ.”

Nahum 3:5

Ade be kaman nɛ Enyɛnpetale Ebɔrɛ na kaŋɛ: “Ŋ ki fo, Ninɛve, mo doŋ nna na. Meeŋ delge fo so nɛ efuli pɔtɛana na e wu fo kesaria nɛ nyɔmɔ e pɛ fo.

Zefanaiya 2:12

Enyɛnpe Ebɔrɛ na be tokobi na beeŋ mɔ Itiopia be basa gba.

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.