Ezikɛl 2:9 - EBƆRƐ BE KAWƆL

⁹ Ndoŋ nna nɛ ŋ keni nseŋ wu enɔ nɛ kawɔl sibɛso ko bɔɔ to a wɔ enɔ na to nɛ k teŋi n shoŋi ma.

Ezikɛl 2:9 ပူးပေါင်းရင်းမြစ်များ

Jɛremaya 1:9

Kede be kaman nɛ Enyɛnpe Ebɔrɛ na teŋi mbe enɔ m beta ma kɔnɔpurbi nseŋ kaŋɛ ma le: “Nu nfe! Mee sa fo mmalga nɛ feeŋ baa malga nna na.

Jɛremaya 36:2

“Ta kawɔl n sibɛ asɔ kama nɛ ŋ kaŋɛ fo a laŋɛ Israɛl nɛ Juda nɛ efuliana na kikɛ be kaplɛa so na n wɔtɔ kumo to. Sibɛ asɔ kama nɛ ŋ kaŋɛ fo, yili kachɛ nɛ n fara a malga fo kutɔ na, fɔŋfɔŋ jemanɛ nɛ Josaya fara mbe kuwurji m ba fo mbre na, kikɛ n wɔtɔ kawɔl na to.

Jɛremaya 36:4

Ndoŋ nna nɛ n tre Neriya pibinyɛn, Baruk fanɛ e ba chɛ ma to. Ŋ kaa bee kute asɔ nɛ Enyɛnpe Ebɔrɛ na kaŋɛ ma na kikɛ nɛ mo alɛ bee sibɛ amo a nase kawɔl to.

Ezikɛl 3:1

Ndoŋ nna nɛ Enyɛnpe Ebɔrɛ na naŋ kaŋɛ ma le: “Dimɛdi pibi, Ezikɛl, ta kawɔl sibɛso ere n ji fanɛ ajibi nseŋ yɔ n ya malga Israɛl be basa na kutɔ.”

Ezikɛl 8:3

Nɛ k teŋi kusɔ ko to fanɛ enɔ na m pɛ ma emin to. Ndoŋ nna nɛ Ebɔrɛ be Kiyoyu maŋ ma so awɔlto ashi bɔrɛdare to n ta ma n yɔ Jerusalɛm to n ya yili bɔrɛlambu na be epunto be kelɔnɛ na be kabuna nɛ k bee laŋɛ kelargato be esoso be kaba so be kakpa nɛ basa na ta kegbir nɛ k bee shin nɛ Ebɔrɛ be kagbene bee kaa ga na n yili na.

Danɛl 10:10

Ndoŋ nna nɛ enɔ ko pɛ ma to m maŋ so nɛ ŋ gbir ma amuli so nɛ ma enɔ yirgi kasawule so nɛ mee chicha.

Danɛl 5:5

Epul to nɛ dimɛdi be enɔ lar m ba kaa sibɛ kusɔ ko a deŋi ewura be lambu na be egbal na be kakpa nɛ b la nɛ efitila bee fulto a yuu kumo so na so. Ewura na gbagba daŋ wu enɔ na ka bee sibɛ.

Zakareya 5:1

Kede be kaman nɛ n naŋ to kenishi ŋ keni n wu kawɔl sibɛso ko ka bee firgi afu to.

Zakareya 5:3

Ndoŋ nna nɛ malaika na kaŋɛ ma: “B sibɛ kɔnɔsho nɛ k beeŋ ba durnya be kasawule so kikɛ nna n wɔtɔ kumo to. Kawɔl sibɛso na be kaba ko so bee kute kananɛ baaŋ lara eyu kikɛ ashi kasawule so nna, nɛ kaba nyɔsopo malɛ bee kute kananɛ baaŋ ju esa kama nɛ e bee bɔ ntaŋ a ku efɛ be asheŋ nna.

Hibruwebi 10:7

Ade so nɛ n daŋ kaŋɛ fo le na: ‘Ebɔrɛ, ma nde nɛ n wora fo aparsheŋ fanɛ kananɛ b sibɛ abɔrɛsibɛ na to a kaŋɛ ma asheŋ na.’ ”