Ezikɛl 2:8 - EBƆRƐ BE KAWƆL

⁸ Ama fo ere, dimɛdi pibi, nu kusɔ nɛ mee kaŋɛ fo ere, nsaa maŋ kini ma m pal kaman n sa ma fanɛ bumo. Amoso bugi kɔnɔ n sɔ kusɔ nɛ mee sa fo ere n ji fanɛ ajibi.”

Ezikɛl 2:8 ပူးပေါင်းရင်းမြစ်များ

Nshɛ 105:28

Ebɔrɛ daŋ shin nɛ tentembiri ba buu efuli na kikɛ so nna, ama Ijiptebi na daa maŋ nu n sa Ebɔrɛ.

Aizaaya 50:5

Enyɛnpe Ebɔrɛ na e shin nɛ m pin asheŋ to a maŋ lar mo kaman ŋko n shile mo na.

Aizaaya 8:11

Kumo be kaman nɛ Enyɛnpe Ebɔrɛ na bɔla mbe eleŋgboŋ so n fiɛ ma so fanɛ n sa maa wora asheŋ fanɛ kananɛ basa na bee wora na.

Jɛremaya 13:2

Ndoŋ nna nɛ n tɔ dɔkɔri n dela.

Jɛremaya 15:16

Fo daŋ malga ma kutɔ nɛ n nu fo kamalga na kikɛ. Enyɛnpetale Ebɔrɛ, n la fo kenya nna nɛ fo mmalga malɛ shin nɛ ma kagbene fuli n wushi ma ga.

Ezikɛl 12:2

“Dimɛdi pibi, Ezikɛl, fo nɛ basa nɛ b pal kaman n sa ma e wɔtɔ. B kɔ anishi, bumo alɛ kini kewu asɔ nɛ mee ŋini bumo. B kɔ asoe, bumo alɛ kini kenu ma mmalga. Ŋkpal manɛ so b pal kaman nna n sa ma.

Ezikɛl 12:7

Nɛ n wora kananɛ Enyɛnpe Ebɔrɛ kaŋɛ ma na. Epeŋi ka ya ka tɔr nɛ m bela ma adiiku nseŋ wora keyɔ efuli pɔtɛ so be shiriya. Kaase ka fo nɛ n ta enɔ ŋ kur n futi ma laŋ to be egbal nseŋ ta ma adiiku n di keba m bɔla ndoŋ n lar jemanɛ nɛ ekama bee keni ma na n choŋ.

Ezikɛl 3:10

Kede be kaman nɛ Enyɛnpe Ebɔrɛ na naŋ kaŋɛ: “Dimɛdi pibi, kaŋ kusoe n nu kusɔ nɛ mee kaŋɛ fo ere nɛnɛ nseŋ fɛ kumo be nfɛra.

Ezikɛl 33:7

Dimɛdi pibi, naniere mee lara fo nna nɛ fo baa la esa nɛ e beeŋ baa wu asheŋ nsaa kaŋɛ Israɛl be basa. A daga fanɛ fo shin nɛ b nu kefiɛso be kubɔya kama nɛ meeŋ sa fo fanɛ fo ta n sa bumo na.

Ezikɛl 40:4

Kumo be kaman nɛ kanyɛn na kaŋɛ ma le: “Dimɛdi pibi, bugi anishi nɛ asoe ŋ keni nseŋ nu kusɔ nɛ mee sha keŋini fo ere nɛnɛ, ŋkpal manɛ so, loŋ so nɛ m bar fo nfe. Feeŋ kaŋɛ Israɛl be basa na kusɔ kama nɛ fo wu.”

Levitikɔs 10:3

Ndoŋ nna nɛ Mosis kaŋɛ Ɛɛrɔn: “Kusɔ nɛ Enyɛnpe Ebɔrɛ na daa de saŋɛ nɛ e daa malga fanɛ, bekama nɛ baa shuŋ mo daga b bɔla mbe kecheembiya so n sa mo bunyaŋ. Mo alɛ beeŋ shin nɛ mbe kemaŋkura a dii efuli ashi mbe basa to nɛ b bunyaŋ mo.” Ama Ɛɛrɔn daa maŋ kaŋɛ shɛŋ.

Jona 1:3

Nɛ Jona kini nseŋ shile Enyɛnpe Ebɔrɛ na. E daŋ yɔ kade ko nɛ baa tre Jɔpa nna n ya luri nchu so be kuloŋgboŋ ko nɛ k bee yɔ kadegboŋ ko nɛ baa tre Tashish ashi Speen be efuli so na to.

Nɔmbɛs 20:24

“Ɛɛrɔn be keya maaŋ cha kasawule nɛ n nase kɔnɔ fanɛ meeŋ ta n sa Israɛlebi na so. Ŋkpal menyi benyɔ ka kini kenu n sa ma ashi Mɛriba na so, meeŋ shin nɛ e wu.

1 Pita 5:3

Men sa maa ŋini bumo nɛ Ebɔrɛ ta m bɔɔ menyi enɔ na kenimu, men baa la basa nɛ mbolpɔbi na beeŋ tiŋ ŋ keni so n wora asheŋ.

Kelaraŋŋini 10:9

Nɛ n yɔ malaika na kutɔ n ya kaŋɛ mo fanɛ e ta kawɔl sibɛsobi na n sa ma nɛ e kaŋɛ ma: “Ta kumo n we. K beeŋ ki kerkra fo epun to, ama fo kɔnɔ to bre, k beeŋ wora ebel fanɛ mushoŋ.”