Ezikɛl 2:7 - EBƆRƐ BE KAWƆL

⁷ Ma mmalga a daga fanɛ fo malga n sa bumo. Baaŋ nu ŋko b maaŋ nu, fo ere e malga n sa bumo. Baa nyiŋi fanɛ b la basa nɛ b kini ma nseŋ pal kaman n sa ma nna.

Ezikɛl 2:7 ပူးပေါင်းရင်းမြစ်များ

Ɛksodɔs 6:29

le nɛ e kaŋɛ: “Ma e la Enyɛnpe Ebɔrɛ na. Amoso, kaŋɛ Ijipt be ewura Fɛɛro asheŋ nɛ ŋ kaŋɛ fo ere kikɛ.”

Jɛremaya 1:17

Jɛremaya, wora shiriya n ya kaŋɛ basa na kusɔ kama nɛ ŋ kaŋɛ fo kenishipereso na. Sa maa ŋana bumo, nɛ mannɛ aloŋ meeŋ shin nɛ kufu nɛ k chɔ loŋ a pɛ fo jemanɛ nɛ feeŋ baa wɔ bumo to na.

Jɛremaya 1:7

Ama kusɔ nɛ Enyɛnpe Ebɔrɛ na kaŋɛ ma e la fanɛ: “Sa maŋ kaŋɛ fanɛ fo la kebifɔlbi gbagba nna, ama yɔ basa nɛ n shuŋi fo bumo kutɔ na n ya kaŋɛ bumo kusɔ kama nɛ ŋ kaŋɛ fo kenishipereso.

Jɛremaya 17:20

Kaŋɛ Juda be basa nɛ bewuraana nɛ bekama nɛ b wɔ Jerusalɛm to nsaa bɔla mbunagboŋana na to a luri a lar na fanɛ b nu kusɔ nɛ mee kaŋɛ ere.

Jɛremaya 23:28

Anebi kama nɛ e ku edare, e kaŋɛ fanɛ edare nɛ e ku. Anebi kama malɛ nɛ e nu ma kubɔya, e bɔ kubɔya na kashenteŋ be ekpa so. Ŋkpal manɛ so, kananɛ amimi kɔr ayu to na aloŋ nɛ edimɛdi be edare kɔr Ebɔrɛ be kubɔya to.

Jɛremaya 26:2

E yɛ: “Jɛremaya, ŋ kɔ kubɔya ko a sa ekama fanɛ Juda be ndeana to be basa e ba kaa shuŋ ma ashi ma bɔrɛlambu to. Yɔ bɔrɛlambu na be kelɔnɛ so n ya kaŋɛ kusɔ kama nɛ meeŋ kaŋɛ fo fanɛ fo malga. Sa maŋ kaŋ yige kamalga na kusɔ kama n lɛ.

Jɛremaya 34:6

Ndoŋ nna nɛ n ta kubɔya na n ya sa ewura Zɛdikaya ashi Jerusalɛm to.

Jɛremaya 36:14

Kumo be kaman nɛ benimuana na shuŋi Jehudi nɛ e la Netaniya pibinyɛn nɛ mo alɛ la Kushi pibinyɛn nɛ Shelemaya mo nanabi, fanɛ e ya kaŋɛ Baruk fanɛ e ta kawɔl nɛ e kraŋ n sa basa na m ba. Nɛ Baruk ta kawɔl na n ya sa bumo.

Jɛremaya 42:21

Naniere ŋ kaŋɛ menyi kusɔ nɛ e kaŋɛ, ama menyi alɛ kini kewora kusɔ nɛ Enyɛnpe, menyi be Ebɔrɛ na shuŋi ma fanɛ m ba kaŋɛ menyi na kasonu.

Jɛremaya 44:20

Ndoŋ nna nɛ ma alɛ kaŋɛ jimaŋ na le:

Jɛremaya 6:28

Bumo kikɛ la ŋgbene kpakpaso wuraana nɛ b maa shuli fanɛ esa e baa wɔ bumo nna. Bumo be ŋgbene du kpakpa nna fanɛ danyaŋ ŋko kenyembi. Eda lubi nɛ bumo kikɛ kɔ a wɔtɔ a ku efɛ a kulti.

Jɛremaya 7:27

Ŋkpal loŋ so, Jɛremaya, fo kaŋɛ ma basa mmalga ere kikɛ gba, b maaŋ nu n sa fo. Fo tre bumo gba, b maaŋ shuli so.

Ezikɛl 11:25

nɛ ŋ kute kusɔ nɛ Enyɛnpe Ebɔrɛ na lara ŋ ŋini ma na kikɛ n sa bumo.

Ezikɛl 12:2

“Dimɛdi pibi, Ezikɛl, fo nɛ basa nɛ b pal kaman n sa ma e wɔtɔ. B kɔ anishi, bumo alɛ kini kewu asɔ nɛ mee ŋini bumo. B kɔ asoe, bumo alɛ kini kenu ma mmalga. Ŋkpal manɛ so b pal kaman nna n sa ma.

Ezikɛl 2:5

B kaŋ nu n sa fo ŋko ŋ kini kenu n sa fo ŋkpal b ka la ŋgbene kpakpaso be basa so gba baaŋ pin fanɛ anebi ko ba bumo kutɔ m ba malga bre.

Ezikɛl 20:27

Amoso, dimɛdi pibi, Ezikɛl, kaŋɛ Israɛlebi na fanɛ, kusɔ nɛ Enyɛnpetale Ebɔrɛ na kaŋɛ e la fanɛ kananɛ bumo tutoana daŋ kini ma nseŋ tege ma nna na.

Ezikɛl 3:10

Kede be kaman nɛ Enyɛnpe Ebɔrɛ na naŋ kaŋɛ: “Dimɛdi pibi, kaŋ kusoe n nu kusɔ nɛ mee kaŋɛ fo ere nɛnɛ nseŋ fɛ kumo be nfɛra.

Ezikɛl 3:17

“Dimɛdi pibi, n lara fo nna nɛ fo baa keni Israɛl be basa so. Amoso nu kamalga nɛ ŋ kɔ nɛ n sa bumo ere nseŋ fɛa bumo so.

Ezikɛl 3:4

Ndoŋ nna nɛ Enyɛnpe Ebɔrɛ na naŋ kaŋɛ ma: “Dimɛdi pibi, naniere yɔ Israɛl be basa na kutɔ n ya kaŋɛ bumo kusɔ kama nɛ meeŋ kaŋɛ fo.

Ezikɛl 33:7

Dimɛdi pibi, naniere mee lara fo nna nɛ fo baa la esa nɛ e beeŋ baa wu asheŋ nsaa kaŋɛ Israɛl be basa. A daga fanɛ fo shin nɛ b nu kefiɛso be kubɔya kama nɛ meeŋ sa fo fanɛ fo ta n sa bumo na.

Ezikɛl 40:4

Kumo be kaman nɛ kanyɛn na kaŋɛ ma le: “Dimɛdi pibi, bugi anishi nɛ asoe ŋ keni nseŋ nu kusɔ nɛ mee sha keŋini fo ere nɛnɛ, ŋkpal manɛ so, loŋ so nɛ m bar fo nfe. Feeŋ kaŋɛ Israɛl be basa na kusɔ kama nɛ fo wu.”

Eemɔs 3:13

Enyɛnpetale na yɛ: “Kaŋ kusoe n nu nfe, nseŋ kpele Israɛlebi nɛ b la Jeekɔb be kaman to ebi na kusoe.”

Jona 3:2

“Yɔ kadegboŋ nɛ baa tre Ninɛve na to n ya bɔ kubɔya nɛ n sa fo na n sa ndoŋebi.”

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”