Ezikɛl 2:4 - EBƆRƐ BE KAWƆL

⁴ Basa nɛ mee shuŋi fo bumo kutɔ ere la ŋgbene kpakpaso nɛ kusoe kpakpa be basa nɛ b maa sa ma bunyaŋ nna. Ya kaŋɛ bumo kusɔ nɛ ma, Enyɛnpetale Ebɔrɛ na kaŋɛ.

Ezikɛl 2:4 ပူးပေါင်းရင်းမြစ်များ

1 Bewura 22:14

Ama le nɛ anebi Mikaya daŋ kaŋɛ: “Kusɔ nɛ Enyɛnpe Ebɔrɛ nɛ e wɔ ŋkpa to na kaŋɛ ma nɛ meeŋ kaŋɛ!”

2 Kronikɛls 30:8

Menyi ere e sa maŋ wora amu kpakpaso fanɛ kananɛ men nananyɛnana daŋ wora na, ama men baa nu a sa Enyɛnpe Ebɔrɛ na. Men ba men Nyɛnpe Ebɔrɛ be bɔrɛlambu cheembi nɛ k wɔ Jerusalɛm na to m ba bunyaŋ mo saŋɛ na so e maaŋ naŋ nya agbo n wɔtɔ menyi.

2 Kronikɛls 36:13

Ewura Zɛdikaya daŋ kini kenu n sa ewura Nebukadneeza nɛ e daŋ tintiŋ mo nɛ e bɔ Ebɔrɛ fanɛ e beeŋ bugi kagbene a shuŋ mo na nna. E daa kɔ kumu kpakpaso nna nseŋ kini kechɛrga m bɛta m ba Enyɛnpe Israɛl be Ebɔrɛ na kutɔ.

Nshɛ 95:8

men sa maŋ wora menyi be ŋgbene kpakpa, fanɛ kananɛ men nanaana daŋ wora ashi mboŋ nɛ baa tre Mɛriba nɛ Maasa ashi keshishɛrsawule so na.

Aŋasa 21:29

Kenyɛn nɛ belubiworapo kɔ a wora asheŋ, ama basa nɛ baa wora asheŋ niŋiso bre bee fɛ nfɛra nna pɔɛŋ nsaa wora asheŋ.

Aizaaya 48:4

N nyi menyi ka la amu kpakpaso wuraana, menyi be amu du kpakpa nna fanɛ abɛlso, nɛ menyi be nsɔto malɛ du kpakpa fanɛ danyaŋ.

Jɛremaya 1:7

Ama kusɔ nɛ Enyɛnpe Ebɔrɛ na kaŋɛ ma e la fanɛ: “Sa maŋ kaŋɛ fanɛ fo la kebifɔlbi gbagba nna, ama yɔ basa nɛ n shuŋi fo bumo kutɔ na n ya kaŋɛ bumo kusɔ kama nɛ ŋ kaŋɛ fo kenishipereso.

Jɛremaya 3:3

Amoso nɛ ewule bee yili nɛ bɔrɛ maa ba na. Ama kananɛ sakaleche maŋ kɔ nyɔmɔ na nɛ menyi alɛ gba maŋ kɔ nyɔmɔ a laŋɛ kusɔ nɛ men wora na be kaplɛa so.

Jɛremaya 36:21

Ndoŋ nna nɛ ewura shuŋi Jehudi fanɛ e ya bar kawɔl na. Nɛ e ya ta kawɔl na ashi Elishama be ebu to m ba kraŋ n sa ewura na nɛ benimuana nɛ b yil ŋ kulti mo na.

Jɛremaya 5:3

Kashenteŋto, kashenteŋji nɛ Enyɛnpe Ebɔrɛ na bee keni a fin ashi men kutɔ. Mo e daŋ gberge menyi kusoe, ama men maŋ wɔtɔ lakel; e daŋ tintiŋ menyi nɛ men wora kusɔ nɛ k daga, ama men kini kekoya kusɔ ko kumo to. Men daŋ wora menyi be ŋgbene kpakpa nna nseŋ kini kelar menyi be alubi to.

Jɛremaya 6:15

Ekishisheŋ nɛ baa wora na maa keta bumo nyɔmɔ. Kashenteŋto, anishinyɔr maŋ kɔ bumo gba; bumo alɛ be anishiakpa maa chɛrga a ŋini fanɛ kusɔ nɛ baa wora na be asheŋ tir bumo. Ŋkpal loŋ so, jemanɛ nɛ meeŋ gberge bumo kusoe na kaŋ fo, bumo alɛ gba beeŋ tɔr n wu fanɛ kananɛ beko daŋ tɔr n wu na. Bumo be ekar e naaŋ baa la na.”

Jɛremaya 8:12

Ma basa, anishinyɔr daŋ pɛ menyi nna ŋkpal men ka wora ekishisheŋ ere so a? Anishinyɔr daŋ maŋ pɛ menyi. Menyi maŋ kɔ nyɔmɔ gba kuraa. Ŋkpal loŋ so, menyi alɛ gba beeŋ tɔr fanɛ kananɛ beko daŋ tɔr na. Jemanɛ nɛ meeŋ gberge menyi kusoe na nɛ menyi be kusɔ kama beeŋ fo ekar. Ma, Enyɛnpe Ebɔrɛ e kaŋɛ na.

Ezikɛl 3:11

To, yɔ fo kurgepoana nɛ b pɛ menyi kikɛ n yɔ Babilɔn be efuli so na kutɔ n ya kaŋɛ bumo kusɔ nɛ ma, Enyɛnpetale Ebɔrɛ na kaŋɛ. Baaŋ nu ŋko b maaŋ nu, fo ere e ya kaŋɛ bumo.”

Ezikɛl 3:27

Ama kachɛ nɛ meeŋ malga fo kutɔ na kaŋ fo, meeŋ bugi fo kɔnɔ nɛ fo malga bumo kutɔ saŋɛ na so feeŋ kaŋɛ bumo kusɔ nɛ ma, Enyɛnpetale Ebɔrɛ na kaŋɛ. Beko beeŋ nu nɛ beko malɛ e kini kenu, ŋkpal manɛ so, b la basa nɛ b kini ma nseŋ pal kaman n sa ma nna.”

Ezikɛl 3:4

Ndoŋ nna nɛ Enyɛnpe Ebɔrɛ na naŋ kaŋɛ ma: “Dimɛdi pibi, naniere yɔ Israɛl be basa na kutɔ n ya kaŋɛ bumo kusɔ kama nɛ meeŋ kaŋɛ fo.

Ezikɛl 3:7

Ama Israɛl be basa ere maŋ wora shiriya nɛ b nu n sa fo, ŋkpal manɛ so b maŋ wora shiriya nɛ b nu n sa ma so. Bumo kikɛ la kusoe kpakpaso nɛ kumu kpakpaso be basa nna.

Eemɔs 7:15

Ama Enyɛnpe Ebɔrɛ na e lara ma ashi mbolpɔ be kebaa kpa be kushuŋ to ŋ kaŋɛ fanɛ m baa malga mbe asheŋ a sa mbe basa Israɛlebi.

Zakareya 7:12

nseŋ wora bumo be ŋgbene kpakpa fanɛ awarabi nsaa maa kaŋ asoe a nu mmalga nɛ ma, Enyɛnpetale Ebɔrɛ na be Kiyoyu bɔla anebi juŋkparsoana so n ta n sa bumo na ŋko a bɛ ma mbra so. Amoso n daŋ nya agbo nna ga n wɔtɔ bumo.

Matiu 10:16

Kede be kaman nɛ e naŋ kaŋɛ: “Kashenteŋto, mee shuŋi menyi nna nɛ menyi nɛ durnya ere to ebi e ya kaa wɔtɔ fanɛ mbolpɔ kaa wɔ ekuntuŋ to na. Men baa nyi asheŋ, a de men be amu so fanɛ awɔ nsaa du boeŋ fanɛ ali.

Ditɛronɔmi 10:16

Amoso yili kabre a yɔ, men baa wora Enyɛnpe Ebɔrɛ na kasonu nseŋ yige menyi be ŋkpensheŋ na.

Ditɛronɔmi 31:27

N nyi kananɛ bumo be amu nɛ ŋgbene du kpakpa. Jemanɛ nɛ n wɔ bumo to gba, b lar Enyɛnpe Ebɔrɛ na kaman. Ma luwu be kaman bre baaŋ wora kumo nɛ k chɔ loŋ.