Ezikɛl 2:3 - EBƆRƐ BE KAWƆL

³ “Dimɛdi pibi, mee shuŋi fo Israɛl be basa kutɔ nna. Ŋkpal manɛ so, kananɛ bumo tutoana kikɛ daŋ pal kaman n sa ma nseŋ kini kenu n sa ma na nɛ bumo alɛ gba bee wora hale nɛ mbre na.

Ezikɛl 2:3 ပူးပေါင်းရင်းမြစ်များ

2 Bewura 17:14

Amo nɛ amo kikɛ Israɛlebi na daa maŋ wora kasonu n sa Enyɛnpe Ebɔrɛ na. Bumo alɛ gba daa kɔ asoe kpakpaso nna fanɛ bumo nananyɛnana nɛ b daŋ kini keshuŋ Enyɛnpe bumo be Ebɔrɛ na.

2 Bewura 17:15

B daa maa bɛ Enyɛnpe Ebɔrɛ na be keŋini so, nseŋ kini kebɛ kɔnɔkoŋwule be ŋkre nɛ mo nɛ bumo nananyɛnana daŋ kre na gba so. B daa maŋ ta mbe kasokpele na gba n tre shɛŋ. B daa wɔtɔ nna a shuŋ agbir fuloŋ nseŋ ki basa fuloŋ. Efuli pɔtɛana nɛ a kulti bumo na be edaŋkaresheŋ nɛ Ebɔrɛ maa sha na nɛ b daa bɛ so.

Ɛzra 9:7

Baŋ yili an nananyɛnana be jemanɛ so m ba fo kabre, anyi be alubi baa shi ga nna. Ŋkpal alubi na so, anyi nɛ anyi be bewura nɛ anyi be bɔrɛmatapoana kikɛ ki anya nna n sa efuli pɔtɛ so ebi nɛ baa mɔ anyi nsaa suge anyi be asɔ nseŋ naa pɛ anyi a yɔ kenyaya to. K shin nɛ an ji anishinyɔr ga nseŋ kra ji kumo kabre.

Nehemaya 9:26

Ade kikɛ be kaman b kraŋ lar fo kaman nseŋ kini kewora fo mbra kasonu. B daŋ mɔ fo anebiana nɛ b daŋ kpele bumo kusoe fanɛ b bɛta m ba fo kutɔ na nna. Kumo be kaman nɛ b shoduu fo ketre.

Nshɛ 106:28

Ebɔrɛ be basa na be beko daŋ ya kaa bɛ kegbir nɛ baa tre Baal Piyɔɔ na so nna, nseŋ daa ji agbir be nlɔŋɛjibi.

Aizaaya 30:1

Enyɛnpe Ebɔrɛ na yɛ: “Asheŋ maaŋ nyalɛ n sa basa nɛ baa ji kuwura Juda be efuli so na ŋkpal b ka lar ma kaman a maa nu a sa ma so. Baa bɛ ŋkre nɛ m maŋ wora so nna nseŋ shin nɛ bumo nɛ efuli ko so ebi bee wora kɔnɔkoŋwule be ŋkre nɛ m maa sha kumo be loŋ. B wɔtɔ nna a wora alubi a deŋi abar so.

Jɛremaya 1:7

Ama kusɔ nɛ Enyɛnpe Ebɔrɛ na kaŋɛ ma e la fanɛ: “Sa maŋ kaŋɛ fanɛ fo la kebifɔlbi gbagba nna, ama yɔ basa nɛ n shuŋi fo bumo kutɔ na n ya kaŋɛ bumo kusɔ kama nɛ ŋ kaŋɛ fo kenishipereso.

Jɛremaya 3:25

Amoso men shin nɛ an ta anishinyɔr n dese nɛ anyi be ŋaba e baa buu anyi so. Anyi nɛ an nananyɛnana kikɛ wora alubi ŋ gbiti Enyɛnpe anyi be Ebɔrɛ na. Anyi alɛ maŋ bɛ mbe mmalga naseso so.”

Jɛremaya 36:2

“Ta kawɔl n sibɛ asɔ kama nɛ ŋ kaŋɛ fo a laŋɛ Israɛl nɛ Juda nɛ efuliana na kikɛ be kaplɛa so na n wɔtɔ kumo to. Sibɛ asɔ kama nɛ ŋ kaŋɛ fo, yili kachɛ nɛ n fara a malga fo kutɔ na, fɔŋfɔŋ jemanɛ nɛ Josaya fara mbe kuwurji m ba fo mbre na, kikɛ n wɔtɔ kawɔl na to.

Jɛremaya 44:20

Ndoŋ nna nɛ ma alɛ kaŋɛ jimaŋ na le:

Jɛremaya 44:21

“Enyɛnpe Ebɔrɛ na daa nyi esarga nɛ menyi nɛ men nananyɛnana nɛ menyi be bewuraana nɛ bejuŋkparpoana na nɛ kasawule na so be basa kikɛ daa lara ashi Juda be ndeana to nɛ Jerusalɛm be agbembi so na be asheŋ.

Ezikɛl 17:12

“Bishi Israɛl be basa nɛ b pal kaman n sa ma ere fanɛ b pin keŋasa ere be kefito a? Kaŋɛ bumo fanɛ Babilɔn be efuli so be ewurgboŋ e ba Jerusalɛm to m ba pɛ Juda be ewura nɛ mbe benimuana m bɛta n yɔ Babilɔn be efuli so.

Ezikɛl 24:3

Amoso bɔ keŋasa ere ŋ kaŋɛ ma basa nɛ b pal kaman n sa ma na. Kaŋɛ bumo fanɛ kusɔ nɛ Enyɛnpetale Ebɔrɛ na bee kaŋɛ e la fanɛ Wɔtɔ nchu kadaŋɛ na to, n ta kumo m bɛ edɛ so.

Ezikɛl 40:4

Kumo be kaman nɛ kanyɛn na kaŋɛ ma le: “Dimɛdi pibi, bugi anishi nɛ asoe ŋ keni nseŋ nu kusɔ nɛ mee sha keŋini fo ere nɛnɛ, ŋkpal manɛ so, loŋ so nɛ m bar fo nfe. Feeŋ kaŋɛ Israɛl be basa na kusɔ kama nɛ fo wu.”

Eemɔs 7:15

Ama Enyɛnpe Ebɔrɛ na e lara ma ashi mbolpɔ be kebaa kpa be kushuŋ to ŋ kaŋɛ fanɛ m baa malga mbe asheŋ a sa mbe basa Israɛlebi.

Malakai 3:7

Men nananyɛnana be jemanɛ so kikɛ nɛ men kplaŋ ma mbra so hale kabre. Men bɛta m ba ŋ kutɔ nɛ ma alɛ gba e bɛta m ba menyi kutɔ. Ama kusɔ nɛ menyee bishi e la fanɛ, ‘Nuso nɛ anyeeŋ wora m ba fo kutɔ?’

Nɔmbɛs 20:10

Nɛ mo nɛ Ɛɛrɔn shin nɛ basa na kikɛ shɛr kefalta na be anishito nɛ Mosis kaŋɛ bumo le: “Menyi basa nɛ men maa nu a sa kusɔ nɛ baa kaŋɛ menyi ere, men nu nfe! Menyee sha an ka shin nɛ nchu e lar kefalta ere to nna n sa menyi a?”

Ashuŋ Shunso 7:51

Men kɔ amu kpakpaso ga. Menyi be ŋgbene du fanɛ nnyamase peya nna, men maŋ kɔ Ebɔrɛ be kubɔya na be asoe. Menyi nɛ men nanaana baa la kukoŋwule nna. Menyi alɛ gba maa nu a sa Kiyoyu Cheeŋ na.

Romebi 10:15

Nɛ nuso malɛ nɛ baaŋ wora m bɔ kubɔya na nɛ Ebɔrɛ baa maŋ shuŋi bumo? Loŋ malɛ nɛ abɔrɛsibɛ na bee kaŋɛ na fanɛ: “K la mamachi be kesheŋ nna n sa basa nɛ b kɔ kubɔya na nna a ba.”

Ditɛronɔmi 9:24

Ma ere ka baa nyi menyi kikɛ, men baa la basa nɛ menyee lar Enyɛnpe Ebɔrɛ kaman nna.

Ditɛronɔmi 9:27

Baa nyiŋi Eebraham nɛ Aizek nɛ Jeekɔb nɛ b daa la fo nyɛrbi dra dra na be asheŋ, nsaa maŋ keni basa ere be ŋkpensheŋ nɛ kumukpakpaso nɛ kulubi nɛ b wora.