Ezikɛl 2:1 - EBƆRƐ BE KAWƆL

¹ Ndoŋ nna nɛ ebɔl na kaŋɛ ma le: “Dimɛdi pibi, Ezikɛl, koso n yili. Mee sha kemalga fo kutɔ nna.”

Ezikɛl 2:1 ပူးပေါင်းရင်းမြစ်များ

Nshɛ 8:4

kusɔ nɛ mee bishi e la fanɛ: “Manɛ bre e baa la dimɛdi nɛ mbe asheŋ tir fo, nɛ fee fɛ mbe asheŋ loŋ?”

Ezikɛl 1:28

fanɛ kananɛ bɔrɛ bee mɔl nɛ kabɔrɛnyaŋgelambi bee lar kuwɔlpa so a fulto na. Ndoŋ nna nɛ m pin fanɛ Enyɛnpe Ebɔrɛ na be kemaŋkura nɛ n wu na nseŋ ta enɔ m buu anishi so epul na to ŋ tɔr epun so. Kumo be kaman nɛ n nu ebɔl ko ka bee malga ma kutɔ.

Ezikɛl 12:3

Amoso, dimɛdi pibi, bela fo adiiku nseŋ wora fanɛ b ka nyaŋ fo a yɔ efuli pɔtɛ wɔfɔ so. Wora le pɔɛŋ nɛ epeŋi e tɔr. Kumo be kaman nɛ fo yɔ kakpa nɛ ekama beeŋ wu fo n ya kaa nite a yɔ a ba. B kaŋ wu fo kaa bee wora loŋ, ashere baaŋ pin fanɛ b la basa nɛ b pal kaman n sa ma nna.

Ezikɛl 13:2

“Dimɛdi pibi, malga ŋ gbiti Israɛl to be anebiana nɛ baa ta bumo gbagba be mmalga fanɛ kewuŋkaŋɛ na nɛ ekama e pin. Kaŋɛ bumo fanɛ b baa kaŋ kusoe a nu Enyɛnpe Ebɔrɛ na be kubɔya.”

Ezikɛl 14:13

“Dimɛdi pibi, nɛ efuli ko so be basa wora alubi n da ma so nsaa maŋ ji kashenteŋ n sa ma, nɛ n shin nɛ bumo be adɔjibi jija nɛ akoŋ tɔr m mɔ basa na nɛ bumo be asɔbɔya kikɛ,

Ezikɛl 14:3

“Dimɛdi pibi, Ezikɛl, basa ere ta bumo be ŋgbene nna n wɔtɔ kagbirshuŋ to n shin nɛ k bee yɛr bumo kulubi to. A daga ŋ ka tuge bumo a?

Ezikɛl 15:2

“Dimɛdi pibi, Ezikɛl, nuso nɛ baa ta kefeelebi a ber kedibi? Kefeelebi be keyabi nɛ kupuŋ to be kedibi be keyabi be kumo e kɔ tɔnɔ?

Ezikɛl 16:2

“Dimɛdi pibi, Ezikɛl, shin nɛ Jerusalɛm be basa e pin ekishisheŋ nɛ baa wora na be asheŋ,

Ezikɛl 17:2

“Dimɛdi pibi, Ezikɛl, bɔ Israɛl be basa na keŋasa

Ezikɛl 2:3

“Dimɛdi pibi, mee shuŋi fo Israɛl be basa kutɔ nna. Ŋkpal manɛ so, kananɛ bumo tutoana kikɛ daŋ pal kaman n sa ma nseŋ kini kenu n sa ma na nɛ bumo alɛ gba bee wora hale nɛ mbre na.

Ezikɛl 2:6

Ama fo ere, dimɛdi pibi, sa maa ŋana bumo ŋko bumo be mmalga. Sa maa lɔ kufu ŋkpal b ka beeŋ kplaŋ fo so nseŋ wora fo yɛryɛrbi so. K beeŋ baa du fanɛ fo ka wɔ ewi to ŋko nna to nna. Ama sa maa ŋana basa nɛ b kini ma nseŋ pal kaman n sa ma na ŋko n shin nɛ b baa ta kufu a da fo.

Ezikɛl 2:8

Ama fo ere, dimɛdi pibi, nu kusɔ nɛ mee kaŋɛ fo ere, nsaa maŋ kini ma m pal kaman n sa ma fanɛ bumo. Amoso bugi kɔnɔ n sɔ kusɔ nɛ mee sa fo ere n ji fanɛ ajibi.”

Ezikɛl 20:3

fanɛ ŋ kaŋɛ Israɛl be benimuana na fanɛ kusɔ nɛ Enyɛnpetale Ebɔrɛ na kaŋɛ nde: “Men ba nna nɛ men ba pin kusɔ nɛ mee sha fanɛ men wora a? Ŋ ka baa la Enyɛnpetale Ebɔrɛ nɛ e bee sa ŋkpa ere, m maaŋ shin nɛ men pin kusɔ nɛ mee sha fanɛ men wora.

Ezikɛl 3:1

Ndoŋ nna nɛ Enyɛnpe Ebɔrɛ na naŋ kaŋɛ ma le: “Dimɛdi pibi, Ezikɛl, ta kawɔl sibɛso ere n ji fanɛ ajibi nseŋ yɔ n ya malga Israɛl be basa na kutɔ.”

Ezikɛl 3:10

Kede be kaman nɛ Enyɛnpe Ebɔrɛ na naŋ kaŋɛ: “Dimɛdi pibi, kaŋ kusoe n nu kusɔ nɛ mee kaŋɛ fo ere nɛnɛ nseŋ fɛ kumo be nfɛra.

Ezikɛl 3:17

“Dimɛdi pibi, n lara fo nna nɛ fo baa keni Israɛl be basa so. Amoso nu kamalga nɛ ŋ kɔ nɛ n sa bumo ere nseŋ fɛa bumo so.

Ezikɛl 3:4

Ndoŋ nna nɛ Enyɛnpe Ebɔrɛ na naŋ kaŋɛ ma: “Dimɛdi pibi, naniere yɔ Israɛl be basa na kutɔ n ya kaŋɛ bumo kusɔ kama nɛ meeŋ kaŋɛ fo.

Ezikɛl 37:3

Nɛ e bishi ma: “Dimɛdi pibi, Ezikɛl, awibi ere beeŋ naŋ tiŋ m ba ŋkpa to a?” Nɛ ma alɛ kaŋɛ: “Enyɛnpetale Ebɔrɛ, fo nawule e naŋ tiŋ m pin kumo be loŋ!”

Ezikɛl 4:1

Nɛ Ebɔrɛ kaŋɛ le: “Dimɛdi pibi Ezikɛl, ta ebɔ be kuboo paŋgelambi n nase fo anishito nseŋ wora kadegboŋ nɛ baa tre Jerusalɛm na be foto n deŋi kumo so.

Ezikɛl 40:4

Kumo be kaman nɛ kanyɛn na kaŋɛ ma le: “Dimɛdi pibi, bugi anishi nɛ asoe ŋ keni nseŋ nu kusɔ nɛ mee sha keŋini fo ere nɛnɛ, ŋkpal manɛ so, loŋ so nɛ m bar fo nfe. Feeŋ kaŋɛ Israɛl be basa na kusɔ kama nɛ fo wu.”

Ezikɛl 43:18

Ndoŋ nna nɛ Enyɛnpetale Ebɔrɛ na naŋ kaŋɛ ma le: “Dimɛdi pibi, nu kusɔ nɛ mee kaŋɛ fo ere. B kaŋ pɔr bɔrɛsure na n loge, menyeeŋ mɔ asɔbɔya n lara esarga kumo so, nseŋ ta ŋklaŋ na ŋ ŋmenyaŋ kumo so a ŋini fanɛ men ta kumo m bɔɔ Ebɔrɛ enɔ nna na.

Ezikɛl 5:1

Asheŋ ere be kaman nɛ Enyɛnpe Ebɔrɛ na kaŋɛ: “Dimɛdi pibi, Ezikɛl, ta bɔrfɔ nɛ k bee ji n she fo kumu nɛ fo katɔl. Kumo be kaman nɛ fo ta kusɔ nɛ b kɔ a karga asɔ be egbɛ na m barga emin na to ntuŋ asa.

Ezikɛl 7:2

“Dimɛdi pibi, Ezikɛl, kusɔ nɛ ma, Enyɛnpetale Ebɔrɛ na bee kaŋɛ Israɛl be efuli so be basa e la fanɛ, lalaloge be jemanɛ na bee fo nɛ efuli na kikɛ nyam e mur.

Danɛl 10:11

Nɛ malaika na kaŋɛ ma le: “Danɛl, Ebɔrɛ bee sha fo paa. Koso n yili ŋ kaŋ kusoe nɛnɛ n nu kusɔ nɛ mee sha nɛ ŋ kaŋɛ fo ere. B shuŋi ma fo kutɔ nna.” E ka bee malga le na kikɛ nɛ n yil a chicha.

Danɛl 10:19

Ndoŋ nna nɛ e kaŋɛ le: “Ebɔrɛ bee sha fo, amoso sa maa fɔŋ shɛŋ shɛŋ so ŋko a lɔ kufu.” E ka malga loŋ n loge, nɛ n nya eleŋ nseŋ kaŋɛ le: “Jande, kaŋɛ ma kusɔ nɛ fee sha kekaŋɛ, ŋkpal manɛ so fo shin nɛ n naŋ nya eleŋ.”

Danɛl 8:17

Geebriɛl ka ba yili kakpa nɛ n yil na, nɛ kufu pɛ ma alegaiso hale nɛ n tɔr kasawule. Nɛ e kaŋɛ ma le: “Dimɛdi e la fo ama k daga fo ka pin fanɛ bɔrɛdare ere bee ŋini durnya be lalaloge be asheŋ nna.”

Matiu 17:7

Ama Yesu ba beta m beta bumo nseŋ kaŋɛ: “Men niŋi to, men sa maa lɔ kufu.”

Baru lela nɛ Jɔn kute na 3:13

Esa kama maŋ naŋ yɔ ebɔrɛso she emo nɛ e shi ndoŋ m ba na nawule, mo e la ma, Nyiŋgbasa Pibinyɛn na.

Baru lela nɛ Jɔn kute na 3:16

Ŋkpal manɛ so, Ebɔrɛ daŋ sha durnya ere ga so nna nɛ e ta mo Pibinyɛn koŋwule n sa durnya fanɛ nɛ esa kama nɛ e yirda mo, e maaŋ shir, ama e beeŋ nya ŋkpa nɛ k maŋ kɔ ekar na.

Ashuŋ Shunso 26:16

Ama niŋi to ŋ koso n yili. N lar fo so nna nɛ n shin nɛ fo ki ma eshumpo. A daga fanɛ fo ya kaŋɛ basa ma asheŋ nɛ fo wu kabre ere nɛ amo nɛ meeŋ ŋini fo kachako so ere be asheŋ.

Ashuŋ Shunso 9:6

Niŋi to n yɔ kade to nɛ b ŋini fo kusɔ nɛ k daga nɛ fo wora.”