Ezikɛl 18:9 - EBƆRƐ BE KAWƆL

⁹ Ade kikɛ be kaman, mo alɛ de so nna nɛ e maaŋ wora n da ma mbra nɛ ma keŋini so. Le be esa la esa lela nna nsaa beeŋ ji efute n chɛr.” Ma, Enyɛnpetale Ebɔrɛ e kaŋɛ na.

Ezikɛl 18:9 ပူးပေါင်းရင်းမြစ်များ

Habakuk 2:4

Kubɔya na nde: ‘Bekama nɛ baa wora asheŋ lubi maaŋ ji efute, ama bekama nɛ bumo be kebaawɔtɔ niŋi na beeŋ baa wɔ ŋkpa to ŋkpal b ka bee ji kashenteŋ a sa Ebɔrɛ so.’ ”

Ezikɛl 20:11

Ndoŋ nɛ n sa bumo ma mbraana nɛ ma keŋini, nɛ b wora amo kasonu nseŋ pin kananɛ baŋ baa keta bumo be amu.

Eemɔs 5:4

Le nɛ Enyɛnpe Ebɔrɛ kra kaŋɛ Israɛl be basa: “Israɛlebi, men bɛta m ba ŋ kutɔ saŋɛ na so menyeeŋ nya ŋkpa.

Ezikɛl 18:17

nsaa kini asheŋ lubi be kewora. Kusɔ nɛ e bee wora e la fanɛ e bee nu nna nsaa bɛ ma mbraana nɛ ma keŋini so. Le be esa beeŋ ji efute n chɛr. Mo tuto e wora alubi, nɛ le be esa lela ere maaŋ wu ŋkpal mo tuto be asheŋ lubi so.

1 Jɔn 2:29

Menyi alɛ gba baa nyi Kristo na ka niŋi kusɔ kikɛ to. Kumo ere a daga fanɛ men baa nyi fanɛ esa kama nɛ e bee wora asɔ nɛ a niŋi la Ebɔrɛ pibi nna na.

Romebi 1:17

Ŋkpal manɛ so, baru lela na e naa ŋini kananɛ Ebɔrɛ bee nase kumo fanɛ basa e baa la belelapo mbe anishito. Kumo alɛ be sososo kikɛ la yirda nna hale n ya fo ekar. Loŋ gbagba malɛ nɛ abɔrɛsibɛ na bee kaŋɛ na fanɛ: “Esa kama nɛ Ebɔrɛ nase kɔnɔ fanɛ e la elelapo na beeŋ nya ŋkpa ŋkpal mbe yirda so.”

1 Jɔn 3:7

Ma mbi shasoana, men sa maŋ shin nɛ esa kikɛ e shin nɛ men foe ekpa. Ekama nɛ e bee wora asheŋ nɛ a niŋi la esa niŋiso nna ashi Ebɔrɛ be anishito fanɛ kananɛ Kristo niŋi na.

Ashuŋ Shunso 24:16

Amoso, saŋkama mee wora ania nna nɛ m baa kɔ kagbene koŋwule nɛ k maa wora ma shikashika ashi ma nɛ Ebɔrɛ nɛ nyiŋgbasa be kebaawɔtɔ to.

Baru lela nɛ Jɔn kute na 14:21

“Esa kama nɛ e kɔ ma mmalga naseso nsaa wora asɔ nɛ a bee kaŋɛ na e la esa nɛ e bee sha ma. Esa kama malɛ nɛ e bee sha ma, n Tuto gba beeŋ sha mo nɛ ma alɛ gba e sha mo nseŋ lara ma kumu ŋ ŋini mo.”

Luuk 1:6

Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

Eemɔs 5:24

Ama men shin nɛ kebaaji asheŋ nɛ amo be ekpa so e baa du fanɛ kabombi nɛ k teŋi a shile nɛ men be kebaawɔtɔ niŋiso malɛ e baa du fanɛ lɔr nɛ k maa wɔlto kikɛ na.

Eemɔs 5:14

Men baa kɔ a fin kelela be kewora nseŋ yige alubi be kebaa wora, saŋɛ na so menyeeŋ baa kɔ ŋkpa, nɛ Enyɛnpetale Ebɔrɛ na e baa wɔ menyi kutɔ fanɛ kananɛ men kaŋɛ na.

Ezikɛl 37:24

Ewura nɛ e du fanɛ ma kayɛrbi Deevid e naaŋ baa la bumo be ewura nɛ bumo kikɛ e wora kɔnɔkoŋwule a wɔ mbe kaseto nseŋ ta kashenteŋji a bɛ ma mbraana so.

Ezikɛl 36:27

Ma alɛ beeŋ ta ma kiyoyu n wɔtɔ menyi to nseŋ shin nɛ men bɛ ma mbraana nɛ keŋini kikɛ so kenishipereso.

Ezikɛl 33:15

fanɛ, e ka bɛta kusɔ nɛ e daŋ sɔ n yili tarma pɔɛŋ nseŋ sa esa ko mpaŋ na ŋko m bɛta kusɔ nɛ e yuri n ya sa kusɔwura na, kumo ere e maaŋ wu ama e beeŋ ji efute.

Ezikɛl 20:13

Ama Israɛl be basa na lar ma kaman keshishɛrsawule na so ndoŋ, nseŋ kini kebɛ ma mbraana nɛ keŋini nɛ a bee shin nɛ esa bee bii kebaawɔtɔ lela na so. Bumo alɛ nseŋ keni ma Kewushiachɛ na jiga. Amoso nɛ n daŋ kaŋɛ fanɛ meeŋ shin nɛ ma agbo e ba bumo so nɛ m mur bumo ashi keshishɛrsawule na so na.

Ditɛronɔmi 11:1

Men baa sha Enyɛnpe menyi be Ebɔrɛ na nsaa wora mbe mbraana kikɛ kasonu.

Ditɛronɔmi 5:1

Mosis daŋ tre Israɛl be basa na kikɛ nna m ba kaŋɛ bumo le: “Israɛlebi, men kaŋ asoe n nu mbraana nɛ mee ta a sa menyi kabre ere. Men koya amo nseŋ wora amo kasonu.

Ditɛronɔmi 4:1

Ade kikɛ be kaman, nɛ Mosis kaŋɛ basa na le: “Nɛ menyee wora mbraana nɛ mee ŋini menyi ere kikɛ kasonu, menyeeŋ baa wɔtɔ nseŋ tiŋ n ya chena kasawule nɛ Enyɛnpe Ebɔrɛ nɛ men nananyɛnana shuŋ na, bee ta a sa menyi na so.

Levitikɔs 18:5

Men baa wora a bɛ ma atande nɛ mbraana so. Men wora loŋ, menyeeŋ mɔlga menyi be amu, ŋkpal manɛ so, ma e la Enyɛnpe Ebɔrɛ na.”

Romebi 8:1

Bumo nɛ b wɔ Kristo Yesu to naniere bre, kejimbri be kasogberge maŋ naa wɔ bumo so.

Ezikɛl 11:12

Ndoŋ nɛ menyeeŋ pin fanɛ ma e la Enyɛnpe Ebɔrɛ nɛ men kini k bɛ ma mbraana so nseŋ ya kaa bɛ efuli pɔtɛana nɛ a kulti menyi na be mbraana so na.”

Ezikɛl 18:10

Ama nɛ fanɛ esa lela ere kurge ebi nɛ e bee suge nsaa mɔ basa, nsaa wora

Ezikɛl 18:19

Ashere menyeeŋ bishi fanɛ nɛ mannɛ e baa nɛ ebi maaŋ nya mo tuto be asheŋ lubi be kakɔka? Kusɔ nɛ k ba e la fanɛ ebi na wora kusɔ nɛ k daga nseŋ wora ma mbraana kasonu nna.

Ditɛronɔmi 6:25

Nɛ fanɛ anyee wora kusɔ kama nɛ Enyɛnpe anyi be Ebɔrɛ na kaŋɛ kasonu kashenteŋto bre, mbe kagbene beeŋ baa fuli anyi so.”

1 Bewura 9:4

Nɛ feeŋ baa kɔ kasonu n sa ma nsaa ji kashenteŋ fanɛ kananɛ fo tuto ewura Deevid daa du na, nsaa bɛ ma mbra nɛ ma keŋini so bre,

Aŋasa 12:28

Kecheembiya be ekpa e kɔ ŋkpa, luwu maŋ wɔ kumo be ekpa to kikɛ.