Ezikɛl 12:3 - EBƆRƐ BE KAWƆL

³ Amoso, dimɛdi pibi, bela fo adiiku nseŋ wora fanɛ b ka nyaŋ fo a yɔ efuli pɔtɛ wɔfɔ so. Wora le pɔɛŋ nɛ epeŋi e tɔr. Kumo be kaman nɛ fo yɔ kakpa nɛ ekama beeŋ wu fo n ya kaa nite a yɔ a ba. B kaŋ wu fo kaa bee wora loŋ, ashere baaŋ pin fanɛ b la basa nɛ b pal kaman n sa ma nna.

Ezikɛl 12:3 ပူးပေါင်းရင်းမြစ်များ

Nshɛ 81:13

Ma basa, Israɛlebi, daa beeŋ nu n sa ma nseŋ bɛ ma ekpaana so nna,

Jɛremaya 10:17

Ade kikɛ be kaman nɛ ŋ kaŋɛ Juda be basa na le: “Men doŋana e kulti menyi n wɔtɔ na. Amoso men koli menyi be asɔ abar so nseŋ wora shiriya n lar kasawule na so.

Jɛremaya 26:3

Ashere basa na beeŋ nu kamalga na nseŋ yige bumo be asheŋ lubi na. Nɛ b wora loŋ bre, meeŋ chɛrga ma nfɛra a laŋɛ kemur nɛ n daŋ kre keta m ba bumo so na be kaplɛa so ŋkpal bumo be asheŋ lubi so na.”

Jɛremaya 27:2

n chaŋɛ nwɔl be awulbi ŋ kre ndibi n lɔŋɛ kubɔ to be kebarga nseŋ ta kumo n di kubɔ to fanɛ kananɛ baa ta kumo a deŋi ana dɔso so na.

Jɛremaya 36:3

Ashere nɛ Juda be basa nu kemur nɛ ŋ kre fanɛ meeŋ bar bumo so ere be asheŋ baaŋ chɛrga bumo be nfɛra nseŋ lar bumo be asheŋ lubi to. Saŋɛ na so meeŋ ta bumo be alubi m paŋ bumo.”

Jɛremaya 36:7

Ashere baaŋ kule Enyɛnpe Ebɔrɛ na ketampaŋ nseŋ lar bumo be asheŋ lubi to, ŋkpal manɛ so, Enyɛnpe Ebɔrɛ na nya agbo ga nna n wɔtɔ bumo.

Jɛremaya 7:26

Amo nɛ amo kikɛ men to be esa kikɛ m maa nu a sa ma. Menyi be ŋgbene bee wora kpakpa nna a ti so nɛ menyee kini ma nsaa lar ma kaman gba a chɔ men nananyɛnana na.

Ezikɛl 12:7

Nɛ n wora kananɛ Enyɛnpe Ebɔrɛ kaŋɛ ma na. Epeŋi ka ya ka tɔr nɛ m bela ma adiiku nseŋ wora keyɔ efuli pɔtɛ so be shiriya. Kaase ka fo nɛ n ta enɔ ŋ kur n futi ma laŋ to be egbal nseŋ ta ma adiiku n di keba m bɔla ndoŋ n lar jemanɛ nɛ ekama bee keni ma na n choŋ.

Ezikɛl 3:26

Ma alɛ beeŋ shin nɛ fo ki neemu a maaŋ naŋ tiŋ m malga n fɛa basa nɛ b kini ma nseŋ pal kaman n sa ma ere so.

Ezikɛl 3:27

Ama kachɛ nɛ meeŋ malga fo kutɔ na kaŋ fo, meeŋ bugi fo kɔnɔ nɛ fo malga bumo kutɔ saŋɛ na so feeŋ kaŋɛ bumo kusɔ nɛ ma, Enyɛnpetale Ebɔrɛ na kaŋɛ. Beko beeŋ nu nɛ beko malɛ e kini kenu, ŋkpal manɛ so, b la basa nɛ b kini ma nseŋ pal kaman n sa ma nna.”

Ezikɛl 33:11

Kaŋɛ bumo fanɛ, ŋ ka la Enyɛnpetale Ebɔrɛ nɛ e bee sa ŋkpa so, ma kagbene maa fuli alubiworapoana be luwu so. B ka yige bumo be alubi be kewora nseŋ ji efute e naa fuli ma kagbene. Amoso nɛ Israɛl be basa na bee sha keji efute, kumo ere b yige bumo be asheŋ lubi na nseŋ bɛta m ba ma kutɔ.

Ezikɛl 43:11

Nɛ fanɛ bumo be asheŋ woraso kaŋ pɛ bumo nyɔmɔ nɛ bumo be ŋgbene jija bumo, fo bugi kananɛ bɔrɛlambu na du na be asheŋ to n sa bumo. Kute kumo be mbuna nɛ kananɛ k dese nɛ kumo to be asɔ be asheŋ nɛ mbraana nɛ a wɔtɔ a laŋɛ kumo be kaplɛa so be asheŋ n sa bumo. Fo alɛ e sibɛ ade kikɛ n nase n sa bumo saŋɛ na so baaŋ wu kananɛ kusɔ kama dese nseŋ tiŋ n wora m bɛ mbraana na so.

Luuk 13:34

O Jerusalɛmebi, Jerusalɛmebi, menyi e naa mɔ anebiana nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

Luuk 20:13

Ndoŋ nna nɛ kudɔ na wura na fara a bishi mbe kumu le: ‘Naniere nuso nɛ meeŋ wora?’ Ndoŋ nna nɛ le be nfɛra ba mbe kumu to nɛ e kaŋɛ: ‘Meeŋ shuŋi m pibi shaso ere, ashere mo ere, baaŋ bunyaŋ mo.’

Ditɛronɔmi 32:29

B maaŋ tiŋ m pin kusɔ nɛ k ba nɛ b kɔ n tɔr, bumo alɛ maaŋ tiŋ m pin kananɛ asheŋ na beeŋ loge to gba.

Ditɛronɔmi 5:29

Nɛ fanɛ baaŋ baa kɔ le be nfɛra nsaa bunyaŋ ma jemanɛ kikɛ nseŋ naa wora ma mbraana kasonu, kumo ere asheŋ beeŋ nyalɛ n sa bumo nɛ bumo be kamanebi hale mbaanaayɔ.

2 Timoti 2:25

a wɔtɔ a yɔɔ mbe kumu nsaa ŋini basa nɛ baa ji mo emɔrɔ asheŋ amo be ekpa so. Nɛ e bee wora loŋ, shere Ebɔrɛ beeŋ bugi ekpa n sa bumo nɛ b tuba m bɛ kashenteŋ be ekpa na so