Ezikɛl 11:1 - EBƆRƐ BE KAWƆL

¹ Ade kikɛ be kaman, nɛ Ebɔrɛ be Kiyoyu ta ma m ba Enyɛnpe Ebɔrɛ na be bɔrɛlambu na be kabuna nɛ k shoŋi epeŋilarkpa be kaba so na ase nɛ n wu benyɛn adunyɔ nɛ anu ko nɛ efuli na be bejuŋkparpo anyɔ ti bumo so. Bumo e la kanyɛn nɛ baa tre Jaazania nɛ e la Azzu pibinyɛn na nɛ emo nɛ baa tre Pɛlatiya nɛ mo alɛ la Bɛnaya pibinyɛn na.

Ezikɛl 11:1 ပူးပေါင်းရင်းမြစ်များ

1 Bewura 18:12

Ŋ kaŋ lar fo kutɔ, m maŋ nyi kakpa nɛ Enyɛnpe Ebɔrɛ na be kiyoyu beeŋ ta fo n yɔ. Ŋ kaŋ ya kaŋɛ Ahab fanɛ fo wɔ nfe, nɛ e maŋ wu fo nfe, e beeŋ mɔ ma. Baa nyiŋi fanɛ n fara a bunyaŋ Ebɔrɛ saŋɛ so nɛ n la kebifɔlbi kikɛ nna.

2 Bewura 2:16

ŋ kaŋɛ le: “Anyi basa adunu e ba nfe, anyi alɛ kikɛ kɔ eleŋ. Shin nɛ an ya fin fo nyɛnpe. Ashere Enyɛnpe Ebɔrɛ na be kiyoyu maŋ mo so nna n ya lɛ kebeegboŋ ko so ŋko ketaŋɛ ko to.” Nɛ Elaisha kaŋɛ le: “M-m, men sa maŋ yɔ.”

2 Bewura 25:23

Nataniya Pibinyɛn Ishmaɛl nɛ Kariya pibinyɛn Johanan nɛ Tanhumɛf pibinyɛn Sɛriya nɛ b la Juda be efuli so be benapo be benimu n shin shile ŋ ŋana a maŋ bɛ Babilɔnebi na so n yɔ na ka nu loŋ na nɛ n shi Netofa be kade to n yɔ Gedaliya kutɔ ashi Mizpa.

Aizaaya 1:10

Jerusalɛmebi, menyi be bewuraana nɛ basa kikɛ du fanɛ Sodɔm nɛ Gomɔra be basa nna. Men kaŋ asoe n nu kusɔ nɛ Enyɛnpe Ebɔrɛ na bee kaŋɛ nseŋ wɔtɔ lakal kusɔ nɛ Ebɔrɛ bee ŋini menyi to.

Aizaaya 1:23

Menyi be bejuŋkparpoana kini fanɛ m maaŋ naa wɔ bumo nseŋ ya ji beyu keteri. B wɔtɔ nna a sɔ ŋkɛ nɛ asɔ basa kutɔ pɔɛŋ nsaa wora asheŋ a sa bumo. B maa kɔ a sa bemunibi ashi demujikpa, ŋko a nya asoe a nu asheŋ ashi bekulpoche kutɔ.

Ezikɛl 10:19

Ŋ ka keni nɛ n wu asɔbɔya keniso na ka parga bumo be aba to ŋ koso kasawule a firgi nɛ aya kulkulso na tu bumo a yɔ. B ka ya fo bɔrɛlambu na be kabuna nɛ k wɔ epeŋilarkpa be kaba so na nɛ b shir n yili gbrɛ, nɛ Israɛl be Ebɔrɛ na be kemaŋkura kraa buu bumo so.

Ezikɛl 10:22

Bumo alɛ be anishiakpa daa du fanɛ amo nɛ n wu Kɛba be lɔr ase na gbagba nna. Ekama malɛ baaŋ niŋi nna a yɔ a maŋ naa kilgi.

Ezikɛl 11:13

Ŋ kraa malga nna nɛ Pɛlatiya tɔr n wu epul na to. Ndoŋ nna nɛ n ta enɔ m buu ma anishi so nseŋ kurgi kumu n yuu to m boŋ to n shu ŋ kaŋɛ: “O, Enyɛnpetale Ebɔrɛ! Fee sha kemɔ Israɛl be basa gbrɛbi nɛ b ka ere kikɛ nna a?”

Ezikɛl 11:24

Nɛ Ebɔrɛ be Kiyoyu ta ma m bɛta m ba basa nɛ ma nɛ bumo daa wɔ Babilɔn be efuli so na kutɔ ashi bɔrɛdare na to. Ndoŋ nna nɛ bɔrɛdare nɛ n daa ku na loge,

Ezikɛl 22:27

Israɛl be benimuana na gba du fanɛ ekuntuŋ nɛ baa pɛ asɔbɔya a kpɛa to a we nna. Baa mɔ basa nna nsaa bɔla ekpa nɛ k maŋ daga so a dii dama.

Ezikɛl 3:12

Ndoŋ nna nɛ Ebɔrɛ be Kiyoyu maŋ ma so n yɔ esoso, nɛ n nu ebɔl ko ka bee ponte awɔrso fanɛ bɔrɛ ka ponte na ma kaman to a kaŋɛ le: “Enyɛnpe Ebɔrɛ na be kemaŋkura e baa nya bunyaŋ ashi ebɔrɛso!”

Ezikɛl 3:14

Ndoŋ nna nɛ Ebɔrɛ be Kiyoyu na naŋ ta ma, nɛ Enyɛnpe Ebɔrɛ na be eleŋ gbelge ma so ga nɛ ma kagbene kaa nɛ n nya agbo.

Ezikɛl 37:1

Saŋko ka fo nɛ Enyɛnpe Ebɔrɛ na be eleŋgboŋ na gbelge ma so nɛ mbe Kiyoyu ta ma ŋ gbelge to n yɔ ketaŋɛ ko to nɛ awibi sɔ kaplɛkama a dese.

Ezikɛl 40:6

Kumo be kaman, nɛ e yɔ kabunagboŋ nɛ k bee shoŋi epeŋilarkpa na nseŋ ya dii ketemprembi na n yɔ kumo be awɔlto n ya karga kabuna na, nɛ kumo be jeŋgreŋ sa fanɛ ayadra kudu.

Ezikɛl 41:1

Ade kikɛ be kaman, nɛ kanyɛn na naŋ keta ma n luri bɔrɛlambu na be ebu nɛ baa tre kakpa cheembi to. Nseŋ karga kumo be kedɛdɛ na, nɛ kumo be mparto daa sa fanɛ ayadra kudu,

Ezikɛl 8:16

Ndoŋ nna nɛ e naŋ bar ma Enyɛnpe Ebɔrɛ na be bɔrɛlambu na be epunto be kelɔnɛ na so, ashi bɔrɛlambu na be kabuna nɛ k wɔ bɔrɛsure na nɛ kedɛdɛ na be nferinto na ase, nɛ ŋ wu benyɛn beeŋ wora fanɛ basa adunyɔ nɛ anu. B daŋ pal bumo be mman nna n shoŋi Enyɛnpe Ebɔrɛ be bɔrɛlambu na nseŋ kilgi bumo be anishito n shoŋi epeŋilarkpa m murgi a bunyaŋ epeŋi nɛ k bee pete na.

Ezikɛl 8:3

Nɛ k teŋi kusɔ ko to fanɛ enɔ na m pɛ ma emin to. Ndoŋ nna nɛ Ebɔrɛ be Kiyoyu maŋ ma so awɔlto ashi bɔrɛdare to n ta ma n yɔ Jerusalɛm to n ya yili bɔrɛlambu na be epunto be kelɔnɛ na be kabuna nɛ k bee laŋɛ kelargato be esoso be kaba so be kakpa nɛ basa na ta kegbir nɛ k bee shin nɛ Ebɔrɛ be kagbene bee kaa ga na n yili na.

Hoziya 5:10

Enyɛnpe Ebɔrɛ yɛ: “Ŋkpal Juda be bejuŋkparpoana ka puni Israɛlebi be kasawule so, ma kasogberge beeŋ ba bumo so fanɛ nchu ka bɔlɔ n sɔ kakpa kikɛ na.

Ashuŋ Shunso 8:39

B ka bee lar nchu na to nɛ Enyɛnpe be Kiyoyu na ba ta Filip ndoŋ nɛ krachigboŋ na maŋ naŋ wu mo nseŋ la to m pɛ ekpa a yɔ nɛ kagbenefuli.

Kelaraŋŋini 1:10

Enyɛnpe be kachɛ ko mbe kiyoyu koso ma kikɛ to nɛ n nu ebɔl ka wora awɔr ma kamanto fanɛ kabel na.