Ezikɛl 10:5 - EBƆRƐ BE KAWƆL

⁵ Esa nɛ e daa wɔ bɔrɛlambu na be kowushina be kelɔnɛ na gba so daa nu asɔbɔya keniso na be mbuibi be aba be egbri, ŋkpal manɛ so, a daa gbri nna fanɛ Enyɛnpetale Ebɔrɛ be ebɔl na.

Ezikɛl 10:5 ပူးပေါင်းရင်းမြစ်များ

Ezikɛl 1:24

Asɔbɔya keniso na ka koso m bri aba to a firgi, nɛ n nu egbri fanɛ teku so be kewawa na, ŋko benapo damta ka na aya so na ŋko Enyɛnpetale Ebɔrɛ be ebɔl na. B ka ya yili nɛ b bra bumo be mbuibi be aba na m buu bumo be eyurana so.

Job be kawɔl 40:9

Fo eleŋ fo ma eleŋ so a? Fo ebɔl beeŋ tiŋ m ponte to fanɛ meya a?

2 Kronikɛls 4:9

B daŋ wora kelɔnɛ laŋ na be epunto nna n sa bɔrɛmatapoana nawule nseŋ wora kuko malɛ kowushina. B daŋ ta danyaŋ nna m mata akuloŋ nɛ a wɔ alɔnɛ anyɔ na be kefɛato na so.

1 Bewura 7:9

Ajembu lela nɛ b daŋ ta n yili kaseto m pɔr ebuana na nɛ kelɔnɛ na be egbal n ya fo esoso. Kakpa nɛ baa bure ajembu to na nɛ b daŋ ya shɛl amo.

Ɛksodɔs 19:19

Saŋɛ nɛ kabel na kraŋ baa ponte to awɔrso na nɛ Mosis malga Ebɔrɛ kutɔ nɛ Ebɔrɛ bɔla bɔrɛ be keponte na to m malga Mosis kutɔ.

Ɛksodɔs 19:16

Kumo be kachɛ na be kachipurdidi nɛ bɔrɛ nyɛkpɛ nseŋ ponte nɛ kuwɔlpagboŋ ko ba kebeegboŋ na be awɔlto nɛ kabel ponte awɔrso nɛ basa mo nɛ b daa wɔ kaboŋ na chicha kufuso.

Ezikɛl 46:21

Kumo be kaman nɛ e naŋ juŋkpar ŋ keta ma m bɔla kowushina be kelɔnɛ na be akɔlɔbi ana na kikɛ to n choŋ nɛ n wu fanɛ amo be kekama kɔ kelɔnɛbi nɛ kumo be nteŋ to fo fanɛ ayadra adeshe nɛ aburwa nɛ mparto malɛ fo fanɛ ayadra adena nɛ aburwa nna.

Nshɛ 77:17

Abɔrɛwɔlpa daŋ chulgi bɔrɛchu nna n wurge to; nɛ bɔrɛ nyɛkpɛ awɔlpa to nseŋ ponte to.

Nshɛ 68:33

Men fur emo nɛ e yili dra na kikɛ a dii awɔlpa na. Men kaŋ kusoe n nu mbe ebɔl nɛ k bee gbri fanɛ bɔrɛ ka bee ponte na.

Aizaaya 6:8

Kede be kaman nɛ n nu Enyɛnpe Ebɔrɛ na ka kaŋɛ le: “Wanɛ nɛ meeŋ shuŋi? Wanɛ e naaŋ baa la anyi be kabɔ?” Nɛ n shuli ŋ kaŋɛ: “Meeŋ yɔ! Shuŋi ma!”

Ezikɛl 10:6

Enyɛnpe Ebɔrɛ ka kaŋɛ kanyɛn nɛ e daŋ buu piŋi lela na fanɛ e ya lara ajanwulɛ ashi asɔ kulkulso nɛ a du fanɛ cheche be aya m mata asɔbɔya keniso na ase nɛ kanyɛn na ya yili m mata aya kulkulso na be kuko.

Ezikɛl 40:17

Ade kikɛ be kaman, nɛ kanyɛn na naŋ keta ma m bɔla kedɛdɛ na to n yɔ bɔrɛlambu na be kowushina be kelɔnɛ na so. Ebu adesa e wɔ kowushina be egbal na to nɛ b ta ajembu n yuu n dulgi kakpa nɛ baa nite na