Ezikɛl 10:1 - EBƆRƐ BE KAWƆL

¹ Asheŋ na be kaman nɛ ŋ keni kuwɔlpa nɛ k sha asɔbɔya keniso na be amu so, nseŋ wu kusɔ ko fanɛ kuwurputi nɛ b ta yawu kpakpaso be kejembu lela nɛ baa tre saffai na n lɔŋɛ.

Ezikɛl 10:1 ပူးပေါင်းရင်းမြစ်များ

Jɛnesis 18:17

B ka bee yɔ nɛ Enyɛnpe na kaŋɛ mbe kumu to le: “M maaŋ ta kusɔ nɛ mee yɔ nɛ n ya wora ere ŋ ŋana Eebraham so.

Jɛnesis 18:2

Eebraham daa baŋ maŋ kumu so nna nɛ e keni nseŋ wu benyɛn asa ko kaa yil. E ka wu bumo, epul na to nɛ e shile n lar kowu n ya shɛr bumo to ŋ jɔŋɛ bumo ase

Jɛnesis 18:22

B ka bee malga na nɛ benyɛn anyɔ na yige bumo nseŋ sɔ Sodɔm be kaba so a yɔ. Nɛ Eebraham shir a yil Enyɛnpe na kutɔ.

Jɛnesis 18:31

Nɛ Eebraham naŋ bɛta ŋ kaŋɛ: “Jande Enyɛnpe, ta ma gbenshe ere m paŋ ma ŋkpal ŋ ka kraa malga fo kutɔ ere so. An ta fanɛ nɛ fo nya basa nɛ b niŋi adunyɔ nawule ai?” Nɛ Enyɛnpe na kaŋɛ: “Ŋkpal basa adunyɔ gba so, m maaŋ mur kade na.”

Jɛnesis 3:24

Ebɔrɛ ka ju Adam nɛ mbe eche ashi kudɔbi na to n loge nɛ e shin nɛ emalaika nɛ baa tre chɛrubim na ba kudɔbi na be epeŋipetekpa m baa kaa keni kumo so, nɛ tokobi nɛ k bee suse edɛ bee filito a yɔ a ba, saŋɛ na so ekama maaŋ tiŋ n yɔ kedibi nɛ k bee sa ŋkpa na ase.

Jɛnesis 32:24

Kumo be kaman nɛ Jeekɔb nawule bɛta n yɔ bumo be echenakpa na nɛ kanyɛn ko ba tu mo ŋ kɔ emaŋ hale nɛ kare ya chɛ.

Jɛnesis 32:30

Amoso nɛ Jeekɔb daŋ nase kaboŋ na be ketre Peniyɛl na, ŋkpal manɛ so, e yɛ: “N wu Ebɔrɛ kenishiso nfe nna, ma alɛ maŋ wu.”

Nshɛ 18:10

Nɛ e dii n chena asɔ firgiso nɛ baa tre chɛrubim na so n firgi afu to a ba.

Ɛksodɔs 24:10

Ndoŋ nɛ b wu Israɛl be Ebɔrɛ na, nɛ kaboŋ dɛdɛso nɛ k du fanɛ yawukpakpaso be kejembu nɛ baa tre safiri na nseŋ fulto parr fanɛ awɔlpa na, ka wɔ mbe aya be kaseto.

Jɛremaya 13:6

Jemanɛ ko ka fo nɛ Enyɛnpe Ebɔrɛ na kaŋɛ fanɛ n ya lara edɔkɔri na ashi Yufreetes be Lɔrgboŋ na ase.

Jɛremaya 13:8

Kumo be kaman nɛ Enyɛnpe Ebɔrɛ na naŋ kaŋɛ ma le:

Ezikɛl 1:1

Ma ketre e la Ezikɛl nɛ n la bɔrɛmatapo nsaa la kanyɛn nɛ baa tre Buzi na pibinyɛn. B ka pɛ Juda be ewura nɛ baa tre Jehowachin nseŋ tintiŋ mo n yɔ Babilɔn be efuli so na be kafɛ nusopo to nɛ ma nɛ bumo nɛ b pɛ n ti mo so n yɔ na daa wɔ lɔr nɛ baa tre Kɛba na ase. Ma nfɛ adesa to be kufɔl nasopo to be kachɛ nusopo na nɛ Enyɛnpe Ebɔrɛ na be kubɔya ba ma kutɔ nɛ esoso bugi n shin nɛ ŋ ku bɔrɛdare ere.

Ezikɛl 10:20

Ndoŋ nna nɛ m pin geeŋ fanɛ asɔbɔya keniso ere nɛ n daŋ wu Israɛl be Ebɔrɛ na be kaseto na ashi Kɛba be lɔr ase na.

Ezikɛl 11:22

Kumo be kaman nɛ asɔbɔya keniso na fara a firgi, nɛ aya kulkulso na wɔ bumo be akel to, nɛ Israɛl be Ebɔrɛ na be kemaŋkura buu bumo so.

Ezikɛl 9:11

Ade kikɛ be kaman nɛ kanyɛn nɛ e daŋ buu piŋi lela na bɛta m ba kaŋɛ Enyɛnpe Ebɔrɛ na le: “N wora kusɔ nɛ fo kaŋɛ na n loge.”

Habakuk 2:1

Meeŋ dii n yili egbal lempo jeŋgreŋ nɛ b pɔr ŋ kulti kadegboŋ na so a jo kusɔ nɛ Enyɛnpe Ebɔrɛ na beeŋ tuge pɔɛŋ nɛ m bugi to ŋ kaŋɛ kusɔ nɛ k ba nɛ mee fubel.

Baru lela nɛ Jɔn kute na 1:18

Esa kama maŋ naŋ wu Ebɔrɛ kenishiso. Ebinyɛn koŋwule, nɛ e tase m mata Ebɔrɛ na, nawule e ŋini basa kananɛ Ebɔrɛ du.

Ɛfesesebi 1:20

Le be eleŋ ere nɛ eleŋ damta nɛ e ta n tiŋi Kristo ashi luwu to nseŋ ta mo n chena mbe jisoso, ebunyampo be kakpa ashi ebɔrɛso na.

Joshuwa 6:2

Ndoŋ nna nɛ Enyɛnpe Ebɔrɛ kaŋɛ Joshuwa le: “N ta Jɛriko be efuli so nɛ kumo be bewura nɛ benapo lempoana na kikɛ a bɔɔ fo enɔ.

1 Pita 3:22

Mo, Yesu Kristo koŋwule na e yɔ ebɔrɛso n ya kaa tase Ebɔrɛ be jisoso, kakpa nɛ ebunyampo bee chena, a ji emalaika kikɛ nɛ bejuŋkparpoana kikɛ nɛ eleŋana kikɛ so kuwura na.

Kelaraŋŋini 1:13

Shuwa be kefitilatɔl ashunu na malɛ to n wu esa ko fanɛ dimɛdi pibinyɛnso ka buu piŋi nɛ k gbelge n ya fo mbe ayadra so nɛ shuwa be kreso paŋgelambi ko ŋ kre mbe nteto.