Ezikɛl 1:8 - EBƆRƐ BE KAWƆL

⁸ Asɔbɔya keniso na be ekama daa kɔ dimɛdi be enɔ nna ashi mbe aba ana na be kekama be kaseto.

Ezikɛl 1:8 ပူးပေါင်းရင်းမြစ်များ

Aizaaya 6:6

Kumo be kaman nɛ asɔbɔya na be eko ta beterɛ n lara kejanwulɛbi ashi ebɔrɛso be bɔrɛsure na so n firgi ŋ gbelge to m ba

Ezikɛl 1:17

saŋɛ na so aya kulkulso na gba beeŋ tiŋ a yɔ anishito ŋko a bɛta kaman, ŋko a yɔ bena so ŋko jisoso nɛ a maŋ kilgi.

Ezikɛl 10:11

saŋɛ na so asɔbɔya keniso na baa yɔ kaplɛkama aya kulkulso na maŋ naa kilgi. Bumo be aya na kikɛ beeŋ tiŋ n yɔ kaplɛkama nɛ a maŋ kilgi.

Ezikɛl 10:18

Ndoŋ nna nɛ Enyɛnpe Ebɔrɛ na be kemaŋkura lar bɔrɛlambu na be kabuna ase n ya buu asɔbɔya keniso na be amu so.

Ezikɛl 10:2

Nɛ Enyɛnpe Ebɔrɛ na kaŋɛ kanyɛn nɛ e buu piŋi lela na le: “Ya lara ajanwulɛ nɛ a kɔ edɛ ashi asɔ kulkulso nɛ a du fanɛ cheche be aya a wɔ asɔbɔya keniso na be akel to na n ya fari Jerusalɛm be kadegboŋ na kikɛ to.” Ndoŋ nna nɛ mee keni mo nɛ e bee yɔ.

Ezikɛl 10:21

Bumo be ekama daa kɔ anishiakpa ana ana nɛ mbuibi be aba ana ana nna, nɛ bumo be aba na be kekama malɛ be kaseto daa kɔ kusɔ ko fanɛ dimɛdi be enɔ.

Ezikɛl 8:3

Nɛ k teŋi kusɔ ko to fanɛ enɔ na m pɛ ma emin to. Ndoŋ nna nɛ Ebɔrɛ be Kiyoyu maŋ ma so awɔlto ashi bɔrɛdare to n ta ma n yɔ Jerusalɛm to n ya yili bɔrɛlambu na be epunto be kelɔnɛ na be kabuna nɛ k bee laŋɛ kelargato be esoso be kaba so be kakpa nɛ basa na ta kegbir nɛ k bee shin nɛ Ebɔrɛ be kagbene bee kaa ga na n yili na.