Ɛksodɔs 9:7 - EBƆRƐ BE KAWƆL

⁷ Ndoŋ nna nɛ Fɛɛro shuŋi m bishi Israɛlebi na kusɔ nɛ k wora bumo to nɛ b kaŋɛ mo fanɛ Israɛlebi na bre be asɔbɔya be kukoŋwule gba maŋ wu. Ama amo nɛ amo kikɛ nɛ Fɛɛro kraŋ wora kagbene kpakpaso ŋ kini keshin nɛ basa na e yɔ.

Ɛksodɔs 9:7 ပူးပေါင်းရင်းမြစ်များ

Job be kawɔl 9:4

Ebɔrɛ nyi asheŋ nsaa kɔ eleŋ ga, esa kikɛ maaŋ tiŋ n tu mo n ji emɔrɔ m pɔɔ so.

Ɛksodɔs 3:19

Ama n nyi Ijipt be ewura na ka maaŋ shin nɛ men yɔ, ama m baŋ ki mbe enɔ to nna pɔɛŋ nɛ e shuli.

Ɛksodɔs 7:13

Ama ade kikɛ be kaman Fɛɛro kraŋ wora kagbene kpakpaso nna nseŋ kini kenu n sa Mosis nɛ Ɛɛrɔn fanɛ kananɛ Enyɛnpe Ebɔrɛ kaŋɛ na.

Ɛksodɔs 7:14

Ndoŋ nna nɛ Enyɛnpe Ebɔrɛ naŋ kaŋɛ Mosis le: “Fɛɛro be kagbene du kpakpa ga, kumo so nɛ e kini fanɛ e maaŋ shin nɛ basa na e yɔ na.

Ɛksodɔs 8:32

Ama kumo alɛ gba be kaman, ewura Fɛɛro daŋ wora kagbene kpakpaso nna ŋ kini fanɛ e maŋ shin nɛ basa na e yɔ.

Ɛksodɔs 9:12

Ama ade kikɛ gba be kaman, Enyɛnpe Ebɔrɛ kraŋ shin nɛ ewura Fɛɛro wora kagbene kpakpaso nseŋ kini kenu n sa Mosis nɛ Ɛɛrɔn fanɛ kananɛ Enyɛnpe Ebɔrɛ baŋ kaŋɛ na.

Ɛksodɔs 9:8

Kede malɛ be kaman nɛ Enyɛnpe Ebɔrɛ naŋ kaŋɛ Mosis nɛ Ɛɛrɔn le: “Men jɔ nsunɔ ashi kakpa nɛ edɛ gboŋ chɔɔ m bɔlɔ menyi be enɔana, nseŋ shin nɛ Mosis e ta amo ŋ kpa awɔlto ashi ewura Fɛɛro be anishito.

Aŋasa 29:1

Fo baŋ wora kumu kpakpaso ŋ kini kenu kasokpele damta, k maaŋ chɛr nɛ fo mur.

Aizaaya 48:4

N nyi menyi ka la amu kpakpaso wuraana, menyi be amu du kpakpa nna fanɛ abɛlso, nɛ menyi be nsɔto malɛ du kpakpa fanɛ danyaŋ.

Danɛl 5:20

Ama ŋkpal e ka maa wu kuwɔr nsaa kɔ kumu kpakpaso nɛ kamoowu nɛ ŋkpensheŋ so, b daŋ gboŋi mo kuwura nna nɛ e paŋ mbe bunyaŋ be eyilikpa.

Romebi 9:18

Amoso, nɛ Ebɔrɛ baa sha kewu esa kuwɔr, e beeŋ wu mo kuwɔr nɛ e naa sha keshin nɛ esa be kumu e baa du kpakpa, e beeŋ shin nɛ k baa du loŋ.