Ɛksodɔs 9:24 - EBƆRƐ BE KAWƆL

²⁴ Ijipt ka fara kikɛ loŋ be abɔrɛjembubi be bɔrɛ na be kaduli maŋ naŋ ba kumo be kasawule so kikɛ.

Ɛksodɔs 9:24 ပူးပေါင်းရင်းမြစ်များ

Job be kawɔl 38:23

N yili amo nna a jo kebagato be jemanɛ nɛ jemanɛ nɛ meeŋ gberge efuliana na kusoe.

Nshɛ 105:32

Ade be kaman nɛ e shin nɛ bumo be bɔrɛchu ki abɔrɛjembu nɛ bɔrɛ bee nyɛkpɛ kasawule na kikɛ so;

Nshɛ 18:13

Enyɛnpe Ebɔrɛ shi esoso m ponte, nɛ basa nu mbe ebɔl.

Ɛksodɔs 10:6

Baaŋ luri m bɔlɔ fo nɛ fo beyaasepo nɛ Ijiptebi kikɛ be elaŋana to. K beeŋ baa la kusɔ nɛ men tutoana na ŋko men nanaana gba maŋ naŋ wu ŋ ku so, yili saŋɛ nɛ b ba kasawule ere so kikɛ m ba fo nɛ mbre.” Kumo be kaman nɛ Mosis nɛ Ɛɛrɔn lar ewura Fɛɛro kutɔ.

Ɛksodɔs 9:18

Amoso echefo, saŋɛ ere so gbagba meeŋ shin nɛ abɔrɛjembubi gbɛgbɛso be bɔrɛ e tɔr kasawule ere so. Loŋ be abɔrɛjembubi na beeŋ baa la asɔ nɛ b maŋ naŋ wu amo be kaduli ashi Ijipt kikɛ yili kachɛ nɛ k jɔŋɛ m ba fo mbre.

Ɛksodɔs 9:23

Mosis ka teŋi mbe kekpabi na ŋ ŋini awɔlto nɛ Enyɛnpe Ebɔrɛ shin nɛ bɔrɛ ponte ŋ gbri gbuŋ gbuŋ gbuŋ n nyɛkpɛ palpal nɛ abɔrɛjembubi fara a wurge kasawule waawaa. Enyɛnpe Ebɔrɛ daŋ shin nɛ abɔrɛjembubi be bɔrɛ na ba Ijipt be kasawule so kikɛ nna.

Ɛksodɔs 9:25

Abɔrɛjembubi be bɔrɛ na daŋ bri Ijipt be efuli so be asɔ kama nɛ a daa wɔ kowu, edimɛdi nɛ asɔbɔya, nɛ asɔ duuso nɛ b duu kikɛ nna m mata kasawule nɛ a wu, nseŋ gbaŋgbaŋ ndibi malɛ kikɛ be afantaŋ.

Aizaaya 30:30

Enyɛnpe Ebɔrɛ na beeŋ shin nɛ ekama e nu mbe ebɔlgboŋ nɛ k kɔ kufu na nɛ mbe agbogboŋ nɛ k du fanɛ edɛ wuloŋ wuloŋ nɛ bɔrɛfugboŋ nɛ abɔrɛjembubi nɛ bɔrɛchu damta na be asheŋ.

Ezikɛl 1:4

Ndoŋ nna nɛ ŋ keni esoso n wu bɔrɛ be afugboŋ ko ka shi kelargato be esoso be kaba so a ba. Bɔrɛ daa nyɛkpɛ kuwɔlpagboŋ ko to nna nɛ esoso kikɛ fulto. Edɛ daa lar kuwɔlpagboŋ na be nferinto a nyɛkpɛ fanɛ danyaŋ nɛ k la kachɔnɔnyifu nɛ b fifɛa kumo so na nna.

Ezikɛl 13:13

To, egbal na e la Jerusalɛm be kadegboŋ na. Kusɔ nɛ ma, Enyɛnpetale Ebɔrɛ na kaŋɛ nde: “Meeŋ kaa agbo ga n shin nɛ afugboŋ nɛ bɔrɛgboŋ nɛ abɔrɛjembubi a bure egbal na.

Matiu 24:21

Ŋkpal manɛ so, kachɛ na be tɔrɔ beeŋ ba kaa chɔ tɔrɔ kama nɛ k ba basa so, yili durnya be sososo na kikɛ m ba fo mbre. Tɔrɔ kama malɛ maaŋ naŋ ba m ba fo kumo so kikɛ.