Ɛksodɔs 9:23 - EBƆRƐ BE KAWƆL

²³ Mosis ka teŋi mbe kekpabi na ŋ ŋini awɔlto nɛ Enyɛnpe Ebɔrɛ shin nɛ bɔrɛ ponte ŋ gbri gbuŋ gbuŋ gbuŋ n nyɛkpɛ palpal nɛ abɔrɛjembubi fara a wurge kasawule waawaa. Enyɛnpe Ebɔrɛ daŋ shin nɛ abɔrɛjembubi be bɔrɛ na ba Ijipt be kasawule so kikɛ nna.

Ɛksodɔs 9:23 ပူးပေါင်းရင်းမြစ်များ

Jɛnesis 19:24

K maŋ chɛr nɛ Enyɛnpe shin nɛ chɛbra shi esoso a chɔ a wurge Sodɔm nɛ Gomɔra be nde na so fanɛ bɔrɛ ka bee ba na,

Job be kawɔl 37:13

Mo e naa shin nɛ bɔrɛ bee ba kasawule so nɛ kakpa bee wushi. E beeŋ tiŋ n shin nɛ k ba ŋ gberge basa kusoe, mo alɛ beeŋ naŋ tiŋ n shin nɛ k ba a ŋini mbe kasha.

Nshɛ 147:17

Mo e naa shin nɛ abɔrɛjembubi bee wurge to fanɛ awarabi na. Esa kikɛ maaŋ tiŋ n chena awo nɛ e bee shin nɛ k bee ba na to.

Nshɛ 148:8

Bɔrɛ be kenyɛkpɛ nɛ abɔrɛjembubi nɛ kunyɔlɔ nɛ awɔlpaana nɛ bɔrɛfugboŋana nɛ amo kikɛ bee nu a sa mo na e baa kpaŋ mo.

Nshɛ 18:13

Enyɛnpe Ebɔrɛ shi esoso m ponte, nɛ basa nu mbe ebɔl.

Nshɛ 29:3

Enyɛnpe Ebɔrɛ na be ebɔl bee gbri teku so nna fanɛ bɔrɛ ka bee ponte na.

Nshɛ 77:18

Bɔrɛ na ka nyɛkpɛ m ponte to nɛ kusɔ kikɛ nu kumo. K ka nyɛkpɛ na nɛ durnya kikɛ fulto. K ka ponte to na nɛ kasawule gbuŋgbuŋ to fanɛ k kaa bee chicha na.

Ɛksodɔs 19:16

Kumo be kachɛ na be kachipurdidi nɛ bɔrɛ nyɛkpɛ nseŋ ponte nɛ kuwɔlpagboŋ ko ba kebeegboŋ na be awɔlto nɛ kabel ponte awɔrso nɛ basa mo nɛ b daa wɔ kaboŋ na chicha kufuso.

Ɛksodɔs 20:18

Basa na ka daŋ wu bɔrɛ ka nyɛkpɛ m ponte nɛ kabel ponte awɔrso nɛ b wu edishi ka sɔ kebeegboŋ na kikɛ so na nɛ kufu pɛ bumo nɛ b chicha kufuso nseŋ bɛta n yɔ kufɔ n ya yili.

Ɛksodɔs 9:18

Amoso echefo, saŋɛ ere so gbagba meeŋ shin nɛ abɔrɛjembubi gbɛgbɛso be bɔrɛ e tɔr kasawule ere so. Loŋ be abɔrɛjembubi na beeŋ baa la asɔ nɛ b maŋ naŋ wu amo be kaduli ashi Ijipt kikɛ yili kachɛ nɛ k jɔŋɛ m ba fo mbre.

Ɛksodɔs 9:24

Ijipt ka fara kikɛ loŋ be abɔrɛjembubi be bɔrɛ na be kaduli maŋ naŋ ba kumo be kasawule so kikɛ.

Aizaaya 30:30

Enyɛnpe Ebɔrɛ na beeŋ shin nɛ ekama e nu mbe ebɔlgboŋ nɛ k kɔ kufu na nɛ mbe agbogboŋ nɛ k du fanɛ edɛ wuloŋ wuloŋ nɛ bɔrɛfugboŋ nɛ abɔrɛjembubi nɛ bɔrɛchu damta na be asheŋ.

Ezikɛl 38:22

Kumo be kaman nɛ n ta alɔ nɛ luwu ŋ gberge mo kusoe, nseŋ shin nɛ bɔrɛfu nɛ abɔrɛjembubi nɛ edɛ nɛ a bee suse fanɛ kejembu nɛ baa tre jɛrbi na e chulgi n wurge mo nɛ mbe benapo nɛ efuli damtaana nɛ b ti mo so na so.

Joshuwa 10:11

Amɔriebi na ka bɔla kebee na ase ashi Bɛf Hɔrɔn a shile a mɔlga bumo be amu Israɛl be benapo kutɔ na nɛ Enyɛnpe Ebɔrɛ shin nɛ abɔrɛjembu gboŋgboŋi shi awɔlpa to a tɔr bumo so a mɔ hale n ya fo Azeka. Bumo nɛ abɔrɛjembu na daŋ mɔ na daa chɔ bumo nɛ Israɛlebi na gbagba daŋ mɔ.

Kelaraŋŋini 16:18

Ndoŋ nna nɛ bɔrɛ nyɛkpɛ pelpel nseŋ gbri m ponte to n wɔtɔ nɛ kebembeŋgboŋ ko beeŋ kasawule so ga. Dimɛdi ka fara a wɔ kasawule so kikɛ kebembeŋ kama maŋ naŋ lubi fanɛ kumo. Kede e daŋ lubi ga a chɔ kebembeŋ kama.

Kelaraŋŋini 16:21

Nɛ abɔrɛjembubi gboŋgboŋiana ko nɛ amo be egbɛ daa la egbɛ to be pɔŋ kalfa na shi awɔlpa so m ba tɔr basa so. Nɛ basa malga ŋ gbiti Ebɔrɛ ŋkpal abɔrɛjembubi na be tɔrɔ na so, ŋkpal manɛ so, tɔrɔ lubi gbagba e daa la.

Kelaraŋŋini 8:7

Malaika juŋkparso na ka foŋ mbe kabel nɛ abɔrɛjembubi nɛ edɛ wea ŋklaŋ to m ba wurge kasawule so nɛ kasawule be ntuŋ nsa be katuŋ koŋwuleso chɔɔ nɛ ndibi kikɛ be ntuŋ nsa be katuŋ koŋwuleso chɔɔ nɛ kefitiri bumbuŋ kama chɔɔ.