Ɛksodɔs 9:22 - EBƆRƐ BE KAWƆL

²² Ndoŋ nna nɛ Enyɛnpe Ebɔrɛ kaŋɛ Mosis le: “Teŋi fo enɔ ŋ ŋini awɔlto nɛ abɔrɛjembubi gbɛgbɛso na e tɔr edimɛdi nɛ asɔbɔya nɛ asɔ duuso nɛ a wɔ Ijipt be kasawule so na kikɛ so.”

Ɛksodɔs 9:22 ပူးပေါင်းရင်းမြစ်များ

Ɛksodɔs 10:21

Kumo be kaman nɛ Enyɛnpe Ebɔrɛ naŋ kaŋɛ Mosis le: “Teŋi fo enɔ ŋ ŋini awɔlto nɛ ketentembiri e ba buu Ijipt be kasawule so kikɛ, k beeŋ baa la ketentembirigboŋ nna nɛ k beeŋ ba du mina kashenteŋto.”

Ɛksodɔs 7:19

Kede be kaman nɛ Enyɛnpe Ebɔrɛ kaŋɛ Mosis le: “Kaŋɛ Ɛɛrɔn le: ‘Teŋi fo kekpabi na n shoŋi Ijipt be nchuana fanɛ eboŋana nɛ nchu be abɔr kursoana nɛ apaana nɛ edampuana nɛ atirbuana kikɛ nɛ a ki ŋklaŋ.’ Ijiptebi be asɔ nɛ baa saŋ nchu a wɔtɔ kikɛ fanɛ mpuya nɛ eboketi nɛ echeenshigboŋ nɛ egarwa kikɛ to be nchu beeŋ ki ŋklaŋ.”

Ɛksodɔs 8:16

Kede be kaman nɛ Enyɛnpe Ebɔrɛ naŋ kaŋɛ Mosis: “Kaŋɛ Ɛɛrɔn fanɛ e ta mbe kekpabi na ŋ ŋmɛa kasawule be shishɛr so nɛ a kilgi asɔ firgisobi duŋso ko n sɔ Ijipt be kasawule so kikɛ.”

Ɛksodɔs 8:5

Ndoŋ nna nɛ Enyɛnpe Ebɔrɛ naŋ kaŋɛ Mosis le: “Kaŋɛ Ɛɛrɔn nɛ e teŋi mbe kekpabi na n shoŋi mbombi nɛ nchu be abɔr kurso nɛ apa kikɛ so n shin nɛ epulo e ba Ijipt be kasawule so kikɛ.”

Ɛksodɔs 9:21

Ama bekama nɛ b daŋ kplaŋ Enyɛnpe Ebɔrɛ be kamalga na so na bre daŋ shin nna nɛ bumo be anya nɛ asɔbɔya na a kilgi to.

Joshuwa 10:11

Amɔriebi na ka bɔla kebee na ase ashi Bɛf Hɔrɔn a shile a mɔlga bumo be amu Israɛl be benapo kutɔ na nɛ Enyɛnpe Ebɔrɛ shin nɛ abɔrɛjembu gboŋgboŋi shi awɔlpa to a tɔr bumo so a mɔ hale n ya fo Azeka. Bumo nɛ abɔrɛjembu na daŋ mɔ na daa chɔ bumo nɛ Israɛlebi na gbagba daŋ mɔ.

Kelaraŋŋini 16:21

Nɛ abɔrɛjembubi gboŋgboŋiana ko nɛ amo be egbɛ daa la egbɛ to be pɔŋ kalfa na shi awɔlpa so m ba tɔr basa so. Nɛ basa malga ŋ gbiti Ebɔrɛ ŋkpal abɔrɛjembubi na be tɔrɔ na so, ŋkpal manɛ so, tɔrɔ lubi gbagba e daa la.