Ɛksodɔs 8:8 - EBƆRƐ BE KAWƆL

⁸ Ama ade kikɛ be kaman nɛ Fɛɛro naŋ tre Mosis nɛ Ɛɛrɔn ŋ kaŋɛ bumo: “Men kule Enyɛnpe Ebɔrɛ nɛ e ta epulo ere ashi ma nɛ ma basa so nɛ n shin nɛ basa na e yɔ n ya lara esarga n sa Enyɛnpe Ebɔrɛ na.”

Ɛksodɔs 8:8 ပူးပေါင်းရင်းမြစ်များ

1 Bewura 13:6

Ndoŋ nna nɛ ewura Jeroboam kaŋɛ anebi na le: “Jande kule Enyɛnpe fo Ebɔrɛ na nɛ e chɛ ma enɔ n sa ma!” Nɛ anebi na kule Ebɔrɛ nɛ mbe enɔ na nya alenfia.

Nshɛ 66:3

Men kaŋɛ Ebɔrɛ fanɛ mbe aworbi kikɛ kɔ kufu nna, nɛ mbe eleŋgboŋ na bee shin nɛ mo doŋana bee chicha a jɔŋɛ mo ase kufuso.

Ɛksodɔs 10:16

Ndoŋ nna nɛ Fɛɛro shuŋi n tre Mosis nɛ Ɛɛrɔn manaŋ nseŋ kaŋɛ bumo le: “N wora kulubi ŋ gbiti Enyɛnpe, men be Ebɔrɛ na nseŋ wora ŋ gbiti menyi alɛ gba.

Ɛksodɔs 10:17

Amoso men ta ma alubi nɛ n wora na m paŋ ma nseŋ kule Enyɛnpe, men be Ebɔrɛ na nɛ e lara le be aleblawu lubi ere ma so.”

Ɛksodɔs 10:18

Ndoŋ nna nɛ Mosis lar Fɛɛro kutɔ n ya kule Enyɛnpe Ebɔrɛ na.

Ɛksodɔs 14:5

Amoso b ka daŋ ya kaŋɛ Ijipt be ewura fanɛ Israɛl be basa na shile n choŋ nɛ mo nɛ mbe basa kikɛ chɛrga bumo be nfɛra nseŋ bishi bumo be amu le: “Manɛ so bre nɛ an wora le be kesheŋ ere? Manɛ nna nɛ an shin nɛ Israɛlebi na yɔ nsaa maaŋ naa shuŋ anyi ere?”

Ɛksodɔs 32:11

Ama Mosis daŋ kule mo Nyɛnpe nɛ mbe Ebɔrɛ na nna ga, nseŋ kaŋɛ: N Nyɛnpe, manɛ e ba nɛ fo shin nɛ fo kagbene kaa ŋkpal fo basa mo nɛ fo ta fo eleŋgboŋ nɛ fo enɔ lempo na n lara ashi Ijipt be kasawule so so?

Ɛksodɔs 5:2

Ndoŋ nna nɛ ewura Fɛɛro bishi bumo le: “Wanɛ e la Enyɛnpe Ebɔrɛ ere nɛ k daga fanɛ n nu n sa mo n shin nɛ Israɛlebi e yɔ? Ma ere maŋ nyi Enyɛnpe Ebɔrɛ kama, ma alɛ maaŋ shin nɛ Israɛlebi na e yɔ.”

Ɛksodɔs 8:15

Fɛɛro ka wu fanɛ epulo na be tɔrɔ na loge nɛ e naŋ wora mbe kagbene kpakpa nseŋ kini kenu n sa Mosis nɛ Ɛɛrɔn fanɛ kananɛ Enyɛnpe Ebɔrɛ kaŋɛ na.

Ɛksodɔs 8:29

Ndoŋ nna nɛ Mosis kaŋɛ mo le: “M baŋ lar fo kutɔ meeŋ ya kule Enyɛnpe Ebɔrɛ nɛ ashushombi na e lar fo nɛ fo beyaasepo nɛ fo basa so echefo kikɛ. Ama sa maŋ fule anyi nseŋ naŋ kini keshin nɛ basa na e yɔ.”

Ɛksodɔs 8:32

Ama kumo alɛ gba be kaman, ewura Fɛɛro daŋ wora kagbene kpakpaso nna ŋ kini fanɛ e maŋ shin nɛ basa na e yɔ.

Ɛksodɔs 8:9

Nɛ Mosis kaŋɛ Fɛɛro le: “Kaŋɛ ma saŋɛ nɛ fee sha fanɛ ŋ kule Enyɛnpe Ebɔrɛ n sa fo nɛ fo beyaasepo nɛ fo basa nɛ epulo na e lar menyi be elaŋana to n ya ka wɔ Nail be lɔr na to nawule?”

Ɛksodɔs 9:27

Ndoŋ nna nɛ Fɛɛro naŋ shuŋi n tre Mosis nɛ Ɛɛrɔn m ba kaŋɛ bumo le: “Kede bre to, m pin fanɛ n wora kulubi. Enyɛnpe Ebɔrɛ na e kɔ akpa. Ma nɛ ma basa kikɛ wora alubi.

Ɛksodɔs 9:28

Amoso kule Enyɛnpe Ebɔrɛ n sa anyi, ŋkpal manɛ so, bɔrɛ na be keponte nɛ abɔrɛjembubi na wora kebanso. Naniere bre n sa menyi ekpa fanɛ men baa yɔ. A maŋ naŋ daga fanɛ men baa kraa wɔ nfe.”

Ɛksodɔs 9:33

Ade be kaman nɛ Mosis nɛ Ɛɛrɔn lar ewura Fɛɛro kutɔ nɛ kade na to nɛ Mosis maŋ mbe enɔana so ŋ kule Enyɛnpe Ebɔrɛ nɛ bɔrɛ na be keponte na nɛ abɔrɛjembubi gbɛgbɛso na kikɛ nɛ bɔrɛchu nɛ k daa chulgi kasawule na so na kikɛ ku kuraa.

Nɔmbɛs 21:7

Nɛ basa na ba Mosis kutɔ m ba kaŋɛ le: “Ŋkpal an ka malga ŋ gbiti fo nɛ Enyɛnpe Ebɔrɛ so, an wora kulubi, amoso kule Ebɔrɛ nɛ e ju awɔ ere nfe naniere.” Ndoŋ nna nɛ Mosis kule Ebɔrɛ n sa bumo.

Ashuŋ Shunso 8:24

Nɛ Saimɔn kaŋɛ Pita nɛ Jɔn: “Jande, men kule Ebɔrɛ n sa ma nɛ asheŋ nɛ men malga ere be kekama e sa maŋ wora ma.”

1 Samuɛl 12:19

Ndoŋ nna nɛ b kaŋɛ Samuɛl le: “Jande kule Enyɛnpe fo Ebɔrɛ na n sa anyi, saŋɛ na so anyi maaŋ wu. Naniere an pin fanɛ anyi be alubi nɛ an wora na kikɛ be kaman, anyi be kekaŋɛ fanɛ anyee sha ewura na gba la kulubi nna.”