Ɛksodɔs 8:21 - EBƆRƐ BE KAWƆL

²¹ Nɛ fo baŋ maŋ shin nɛ ma basa yɔ, meeŋ shin nɛ ashushombi damta e buu fo nɛ fo beyaasepoana nɛ fo basa kikɛ so nseŋ luri m bɔlɔ menyi be ebuana gba to hale n ya lar elaŋ to kikɛ.

Ɛksodɔs 8:21 ပူးပေါင်းရင်းမြစ်များ

Nshɛ 105:31

Ebɔrɛ daŋ malga nna nɛ ashushombi firgiso nɛ asɔ duŋso fanɛ epini ba mel efuli na kikɛ so.

Nshɛ 78:45

E daŋ shin nɛ ashushombi ba sɔ kaplɛkama a tɔrɔ bumo nna; nɛ ebɔl lar bumo. E daŋ shin nɛ epulo ba ta kenishi m pere bumo ashi kasawule na so nna ga.

Ɛksodɔs 10:6

Baaŋ luri m bɔlɔ fo nɛ fo beyaasepo nɛ Ijiptebi kikɛ be elaŋana to. K beeŋ baa la kusɔ nɛ men tutoana na ŋko men nanaana gba maŋ naŋ wu ŋ ku so, yili saŋɛ nɛ b ba kasawule ere so kikɛ m ba fo nɛ mbre.” Kumo be kaman nɛ Mosis nɛ Ɛɛrɔn lar ewura Fɛɛro kutɔ.

Ɛksodɔs 8:20

Nɛ Enyɛnpe Ebɔrɛ naŋ kaŋɛ Mosis: “Wule ŋ koso echefo chipurso n ya tu Fɛɛro saŋɛ nɛ e bee yɔ lɔr ase na ŋ kaŋɛ mo fanɛ Enyɛnpe Ebɔrɛ yɛ: ‘Shin nɛ ma basa e yɔ n ya bunyaŋ ma.

Ɛksodɔs 8:22

Kumo be kachɛ na ashushombi na maaŋ yɔ kakpa nɛ ma basa wɔ ashi Goshen be kaba so na bre. Kumo be loŋ nɛ feeŋ pin fanɛ ma e la Enyɛnpe Ebɔrɛ nɛ n wɔ kasawule ere to na.

Ɛksodɔs 8:24

Ndoŋ nna nɛ Enyɛnpe Ebɔrɛ wora loŋ n shin nɛ ashushombi damta ba m ba bɔlɔ Fɛɛro be kowu kikɛ to nɛ beko malɛ yɔ mbe beyaasepoana be elaŋana to nɛ Ijipt be kasawule so kikɛ a sha kejija kasawule na kikɛ kuraa.

Aizaaya 7:18

Loŋ be jemanɛ na kaŋ fo, Enyɛnpe Ebɔrɛ na beeŋ foŋ kafoli nɛ k baa la tɔɔnɛ n sa Ijipt be efuli so be basa, nɛ b shi lɔrgboŋ nɛ baa tre Nail na ase m ba menyi so fanɛ ashushombi na. Kumo be kaman nɛ Asiriya be basa malɛ e shi bumo be kasawule so m ba menyi so fanɛ emushoŋ na.