Ɛksodɔs 8:15 - EBƆRƐ BE KAWƆL

¹⁵ Fɛɛro ka wu fanɛ epulo na be tɔrɔ na loge nɛ e naŋ wora mbe kagbene kpakpa nseŋ kini kenu n sa Mosis nɛ Ɛɛrɔn fanɛ kananɛ Enyɛnpe Ebɔrɛ kaŋɛ na.

Ɛksodɔs 8:15 ပူးပေါင်းရင်းမြစ်များ

Ɛksodɔs 14:5

Amoso b ka daŋ ya kaŋɛ Ijipt be ewura fanɛ Israɛl be basa na shile n choŋ nɛ mo nɛ mbe basa kikɛ chɛrga bumo be nfɛra nseŋ bishi bumo be amu le: “Manɛ so bre nɛ an wora le be kesheŋ ere? Manɛ nna nɛ an shin nɛ Israɛlebi na yɔ nsaa maaŋ naa shuŋ anyi ere?”

Ɛksodɔs 4:21

Nɛ Enyɛnpe Ebɔrɛ naŋ kaŋɛ Mosis: “Fo kaŋ fo Ijipt, fo nyiŋi n wora emamachisheŋ nɛ n sa fo amo be eleŋ na kikɛ ashi ewura Fɛɛro be anishito. Ama meeŋ shin nɛ e wora mbe kagbene kpakpa ŋ kini fanɛ e maaŋ shin nɛ basa na e yɔ.

Ɛksodɔs 7:4

Fɛɛro kraa maaŋ nu n sa fo. Kumo be kaman meeŋ shin nɛ b wu ma eleŋ, nɛ m bar kasogberge kpakpaso damta Ijiptebi so pɔɛŋ nseŋ juŋkpar ma basa Israɛlebi be nnaŋana na n lar Ijipt be kasawule na so.

Ɛksodɔs 8:14

Nɛ Ijiptebi na bela epulo wuso na n deŋi n deŋi abar so le kululu nɛ b bɛ a dufɛ puŋ puŋ puŋ kasawule na so kikɛ.

Ɛksodɔs 8:16

Kede be kaman nɛ Enyɛnpe Ebɔrɛ naŋ kaŋɛ Mosis: “Kaŋɛ Ɛɛrɔn fanɛ e ta mbe kekpabi na ŋ ŋmɛa kasawule be shishɛr so nɛ a kilgi asɔ firgisobi duŋso ko n sɔ Ijipt be kasawule so kikɛ.”

Ɛksodɔs 8:28

Ade kikɛ be kaman nɛ Fɛɛro kaŋɛ: “To, n nu, meeŋ shin nɛ men yɔ keshishɛrsawule na so ya lara sarga n sa Enyɛnpe Ebɔrɛ nɛ e la men be Ebɔrɛ na, ama men sa maŋ yɔ kufɔ ga bre. Ama pɔɛŋ nɛ men yɔ men kule Ebɔrɛ nɛ ashushombi ere e yɔ ŋ ka anyi.”

Ɛksodɔs 8:29

Ndoŋ nna nɛ Mosis kaŋɛ mo le: “M baŋ lar fo kutɔ meeŋ ya kule Enyɛnpe Ebɔrɛ nɛ ashushombi na e lar fo nɛ fo beyaasepo nɛ fo basa so echefo kikɛ. Ama sa maŋ fule anyi nseŋ naŋ kini keshin nɛ basa na e yɔ.”

Ɛksodɔs 8:32

Ama kumo alɛ gba be kaman, ewura Fɛɛro daŋ wora kagbene kpakpaso nna ŋ kini fanɛ e maŋ shin nɛ basa na e yɔ.

Ɛksodɔs 8:8

Ama ade kikɛ be kaman nɛ Fɛɛro naŋ tre Mosis nɛ Ɛɛrɔn ŋ kaŋɛ bumo: “Men kule Enyɛnpe Ebɔrɛ nɛ e ta epulo ere ashi ma nɛ ma basa so nɛ n shin nɛ basa na e yɔ n ya lara esarga n sa Enyɛnpe Ebɔrɛ na.”

Aŋasa 26:11

Kananɛ jɔnɔ bee gbu nsaa bɛta a ji amo na, aloŋ nɛ bewulpo bee lɔŋɛ a tal bumo be kawulisheŋ to.

Aŋasa 29:1

Fo baŋ wora kumu kpakpaso ŋ kini kenu kasokpele damta, k maaŋ chɛr nɛ fo mur.

Kaŋinichiŋgeliŋ 8:11

Kulubi be kasogberge baa maa ba manaŋ manaŋ, k bee shin nɛ basa be ŋgbene bee laŋɛ kulubi be kewora so nna.

Aizaaya 26:10

Kuwɔr nɛ fo wu kumu kpakpasowuraana ere kikɛ be kaman, b kraa maŋ naŋ koya kewora kusɔ nɛ k daga. Basa nɛ b niŋi gba be kasawule so nfe b kraa wora asheŋ lubi nna nseŋ kini kewu fo, Enyɛnpe Ebɔrɛ na be kemaŋkura.

Hoziya 6:4

Ama le nɛ Enyɛnpe Ebɔrɛ daŋ kaŋɛ: “Israɛlebi nɛ Judaebi, nuso bre nɛ men yɛ n naŋ wora menyi? Kasha nɛ men kɔ n sa ma na lar men to manaŋ manaŋ nna fanɛ kananɛ kachipurso be bunyaŋ ŋko kunyɔɔ nɛ k bee tɔr kachipurso nsaa kpata to manaŋ manaŋ na nna.

Hibruwebi 3:15

Kumo alɛ nɛ men teŋ nu na fanɛ: “Men baŋ nu Ebɔrɛ be ebɔl kabre, men sa maŋ wora menyi be ŋgbene kpakpa fanɛ kananɛ b daŋ koso saŋko a kɔ Ebɔrɛ be eleŋ na.”

Hibruwebi 3:8

men sa maŋ wora menyi be ŋgbene kpakpa fanɛ kananɛ b daŋ koso a kɔ Ebɔrɛ be eleŋ na. Kumo be jemanɛ na e daa la kiyi to be kechɔŋkeni be saŋɛ na.

Kelaraŋŋini 16:9

Edɛ damta na daŋ chɔɔ basa ga nɛ b malga ŋ gbiti Ebɔrɛ mo nɛ e kɔ etɔrɔ na be eleŋ na be ketre nseŋ kini kelar bumo be alubi to m maŋkura mo.

1 Samuɛl 6:12

Nɛ enache na bɔla Bɛf Shimɛsh be ekpa n niŋi tinini a shu a yɔ. Nɛ Filisti be bewura anu na bɛ bumo so hale n ya ka taga to Bɛf Shimɛsh be kade to.

1 Samuɛl 6:3

Nɛ b kaŋɛ le: “Nɛ men baa sha kebɛta kumo n yɔ kumo be kakpa nɛ k shi bre, kumo ere men fin sarga be kakɛ ko n ti so a ya kule alubi be ketampaŋ ŋkpal men ka suge kumo so. Loŋ na nɛ menyeeŋ pin kusɔ nɛ k ba nɛ Enyɛnpe Ebɔrɛ be kasogberge wɔ menyi so. Ŋkpal manɛ so, k maŋ daga b ka bɛta ŋkre be deka na n yɔ nɛ kakɛ maŋ ti kumo so.”

1 Samuɛl 6:6

Men sa maŋ kaŋ wora men be ŋgbene kpakpa fanɛ Ijiptebi na nɛ bumo be ewura. Dra na Ebɔrɛ be kasogberge gboŋgboŋi daŋ ba bumo so nna pɔɛŋ nɛ b sa Israɛlebi na ekpa nɛ b lar Ijipt to.

1 Samuɛl 6:9

Kede be kaman nɛ menyi alɛ e yili a keni bumo. Nɛ ana na baŋ sɔ Bɛf Shimɛsh be kade to be kaba so, kumo ere k baŋ di efuli nna fanɛ Israɛl be Ebɔrɛ na e shin nɛ le be aleblawu ere ba anyi so na. Nɛ loŋ baa maŋ wora bre, kumo ere k bee ŋini nna fanɛ mannɛ Ebɔrɛ e shin nɛ loŋ be aleblawu na ba anyi so. K daŋ chɛr a beeŋ ba nna.”