Ɛksodɔs 8:11 - EBƆRƐ BE KAWƆL

¹¹ To, epulo na beeŋ shile ashi fo nɛ fo beyaasepo nɛ fo basa be elaŋana kikɛ to. Nail be lɔr nawule to peya e naaŋ ka.”

Ɛksodɔs 8:11 ပူးပေါင်းရင်းမြစ်များ

Ɛksodɔs 4:21

Nɛ Enyɛnpe Ebɔrɛ naŋ kaŋɛ Mosis: “Fo kaŋ fo Ijipt, fo nyiŋi n wora emamachisheŋ nɛ n sa fo amo be eleŋ na kikɛ ashi ewura Fɛɛro be anishito. Ama meeŋ shin nɛ e wora mbe kagbene kpakpa ŋ kini fanɛ e maaŋ shin nɛ basa na e yɔ.

Ɛksodɔs 7:13

Ama ade kikɛ be kaman Fɛɛro kraŋ wora kagbene kpakpaso nna nseŋ kini kenu n sa Mosis nɛ Ɛɛrɔn fanɛ kananɛ Enyɛnpe Ebɔrɛ kaŋɛ na.

Ɛksodɔs 7:14

Ndoŋ nna nɛ Enyɛnpe Ebɔrɛ naŋ kaŋɛ Mosis le: “Fɛɛro be kagbene du kpakpa ga, kumo so nɛ e kini fanɛ e maaŋ shin nɛ basa na e yɔ na.

Ɛksodɔs 8:12

Mosis nɛ Ɛɛrɔn ka lar Fɛɛro kutɔ nɛ Mosis ya kule Enyɛnpe Ebɔrɛ a laŋɛ epulo nɛ mo ere Ebɔrɛ daŋ bar nɛ e ba gberge Fɛɛro kusoe na be kaplɛa so.

Ɛksodɔs 8:13

Ndoŋ nna nɛ Enyɛnpe Ebɔrɛ wora kusɔ nɛ Mosis daŋ kule na nɛ epulo na kikɛ wu n wu ashi basa na be elaŋana to nɛ bumo be alɔnɛ so nɛ bumo be adɔana kikɛ to.

Ɛksodɔs 8:3

Nail be lɔr ere kikɛ beeŋ bɔlɔ epulo nɛ b lar m ba fo laŋ to m ba luri fo ebu deseto to n dii n sɔ fo gedo so. A beeŋ luri fo beyaasepoana nɛ fo basa kikɛ be elaŋana to. Epulo beeŋ ba kaa wɔ men be bodobodo be etɔkpaana nɛ men be asɔ nɛ menyee gbiti ebodobodo kikɛ to.

Ɛksodɔs 8:9

Nɛ Mosis kaŋɛ Fɛɛro le: “Kaŋɛ ma saŋɛ nɛ fee sha fanɛ ŋ kule Enyɛnpe Ebɔrɛ n sa fo nɛ fo beyaasepo nɛ fo basa nɛ epulo na e lar menyi be elaŋana to n ya ka wɔ Nail be lɔr na to nawule?”