Ɛksodɔs 8:10 - EBƆRƐ BE KAWƆL

¹⁰ Ndoŋ nna nɛ Fɛɛro kaŋɛ: “Kumo ere ba kule Ebɔrɛ n sa ma echefo.” Nɛ Mosis shuli so ŋ kaŋɛ mo: “To, kusɔ nɛ fo kaŋɛ ere beeŋ wora loŋ nɛ fo pin fanɛ esa kikɛ maŋ naa wɔtɔ a du fanɛ Enyɛnpe Ebɔrɛ nɛ e la anyi be Ebɔrɛ na.

Ɛksodɔs 8:10 ပူးပေါင်းရင်းမြစ်များ

2 Samuɛl 7:22

kananɛ fo Enyɛnpetale be keshi du! Fo nawule e la Ebɔrɛ. Dra kikɛ nɛ an nyi fo ka la Ebɔrɛ.

1 Kronikɛls 17:20

Ebɔrɛ kikɛ maŋ naa wɔtɔ fanɛ fo Enyɛnpe na. Fo nawule nɛ an nyi fo ka la Ebɔrɛ.

Nshɛ 83:18

Shin nɛ b pin fanɛ fo e la Enyɛnpetale Ebɔrɛ. Fo alɛ nawule e naa ji kuwura durnya kikɛ so.

Nshɛ 86:8

O Enyɛnpe Ebɔrɛ, agbirana kikɛ maŋ du fanɛ fo, Ebɔrɛ kikɛ maŋ naa wɔtɔ a du fanɛ fo. Esa malɛ kikɛ maŋ naŋ wora asheŋ nɛ fee wora ere be kekama.

Nshɛ 9:16

Enyɛnpe Ebɔrɛ be kebaaji asheŋ nɛ amo be ekpa so nɛ baa ta a pin mo. Ama alubiworapoana gbagba be alubi e naa kilgi a ji bumo.

Ɛksodɔs 15:11

O Enyɛnpe Ebɔrɛ, wanɛ e du fanɛ fo ashi ebɔrɛana kikɛ to? Fo kecheembiya bee mɔ kɔnɔ nna nɛ fo kemaŋkura shi. Wanɛ e du fanɛ fo? Wanɛ e naaŋ tiŋ n wora emamachisheŋ nɛ ashuŋgboŋ nɛ a baa du fanɛ feya ere?

Ɛksodɔs 8:9

Nɛ Mosis kaŋɛ Fɛɛro le: “Kaŋɛ ma saŋɛ nɛ fee sha fanɛ ŋ kule Enyɛnpe Ebɔrɛ n sa fo nɛ fo beyaasepo nɛ fo basa nɛ epulo na e lar menyi be elaŋana to n ya ka wɔ Nail be lɔr na to nawule?”

Ɛksodɔs 9:14

Nɛ mannɛ aloŋ, meeŋ shin nɛ kulɔ lubi nɛ k chɔ etɔrɔana ere kikɛ e tu fo nɛ fo beyaasepo nɛ fo basa kikɛ nɛ fo pin fanɛ esa kikɛ maŋ naa wɔtɔ a du fanɛ ma ashi durnya ere to kikɛ.

Ɛksodɔs 9:29

Nɛ Mosis malɛ kaŋɛ mo: “Ŋ kaŋ baŋ lar kade ere to na nɛ meeŋ maŋ ma enɔana so ŋ kule Enyɛnpe Ebɔrɛ nɛ e shin nɛ bɔrɛ na be keponte nɛ abɔrɛjembubi gbɛgbɛso na kikɛ e ku nɛ fo pin fanɛ durnya ere la Enyɛnpe Ebɔrɛ na peya nna.

Aŋasa 27:1

Sa maa puchi echefoso, ŋkpal manɛ so fo maŋ nyi kananɛ asheŋ beeŋ ba du echefo.

Aizaaya 40:18

Esa kikɛ maŋ du fanɛ Ebɔrɛ. Amoso esa maaŋ tiŋ ŋ ŋini kananɛ e du.

Aizaaya 40:25

Wanɛ bre nɛ esa beeŋ tiŋ n ta m ber Ebɔrɛ cheembi na? Esa mo e wɔtɔ a du fanɛ mo?

Aizaaya 46:9

Men baa nyiŋi kusɔ nɛ k wora dra na, nseŋ pin to fanɛ n nawule e la Ebɔrɛ. Ekama maŋ du fanɛ ma.

Ditɛronɔmi 3:24

“Enyɛnpetale Ebɔrɛ, n nyi fanɛ asheŋgboŋ nɛ emamachisheŋ nɛ fee sha kewora na nɛ fo fara ŋ ŋini ma na. Ebɔrɛ kikɛ maŋ naa wɔ ebɔrɛso ŋko kasawule so nɛ e beeŋ tiŋ n wora asheŋgboŋ nɛ fo wora ere!

Ditɛronɔmi 32:31

Bumo doŋana na baa nyi fanɛ bumo be agbirana maŋ kɔ eleŋ; agbirana na be eleŋ maŋ fo Israɛl be Ebɔrɛ peya so.

Ditɛronɔmi 33:26

Israɛl be basa, Ebɔrɛ kikɛ maŋ naa wɔtɔ fanɛ menyi be Ebɔrɛ na. Mo e naa lara mbe kemaŋkura a ŋini kuwɔlpa so, nsaa bɔla bɔrɛwɔlpa to a ba menyi be kechɛto to na.

Ditɛronɔmi 4:35

Enyɛnpe Ebɔrɛ na daŋ wora ade kikɛ nna ŋ ŋini menyi, saŋɛ na so menyeeŋ pin fanɛ mo nawule e la Ebɔrɛ nɛ ekama maŋ naa wɔtɔ n ti mo so.

Ditɛronɔmi 4:39

Amoso men nyiŋi kabre fanɛ Enyɛnpe Ebɔrɛ na e la Ebɔrɛ ashi ebɔrɛso nɛ kasawule so kikɛ. Ebɔrɛ kikɛ maŋ naa wɔtɔ n ti mo so.

Jeems 4:14

Men maŋ nyi kusɔ nɛ k beeŋ wora echefo gba. Manɛ e la men be ŋkpaana ere? Men be ŋkpaana ere du fanɛ kenyɔlɔ nna, a maa chɛr nseŋ naa yɔ epul na to.