Ɛksodɔs 7:9 - EBƆRƐ BE KAWƆL

⁹ “Nɛ ewura Fɛɛro ka baŋ kaŋɛ menyi le: ‘Men wora kemamachisheŋ ko nɛ k ŋini fanɛ kusɔ nɛ men kaŋɛ ere la kashenteŋ nna.’ Fo kaŋɛ Ɛɛrɔn le: ‘Ta fo kekpabi na n lɛ Fɛɛro be anishito, k beeŋ kilgi kuwɔ.’ ”

Ɛksodɔs 7:9 ပူးပေါင်းရင်းမြစ်များ

Ɛksodɔs 10:13

Ndoŋ nna nɛ Mosis teŋi mbe kekpabi na ŋ ŋini Ijipt be kasawule so nɛ Enyɛnpe Ebɔrɛ shin nɛ afugboŋ ko shi kebɔrɛfito m ba kasawule na so. Afu na daŋ yili kamɔnchɛ kachipurso nna m ber loŋ nɛ kanyɛ ya biri nɛ k naŋ ŋmɛa so loŋ nɛ kare naŋ ya chɛ. Kare ka ya kaa chɛ nɛ elotɔr ba.

Ɛksodɔs 4:17

Ama ta kekpabi ere ŋ keta a yɔ ŋkpal manɛ so, kumo nɛ feeŋ ta a wora emamachisheŋ na.”

Ɛksodɔs 4:2

Nɛ Enyɛnpe Ebɔrɛ na bishi mo: “Manɛ e wɔ fo enɔ to ere?” Nɛ Mosis kaŋɛ mo: “Kekpabi nna.”

Ɛksodɔs 4:20

Ndoŋ nna nɛ Mosis keta mbe eche nɛ mbe mbinyɛnsobi n chena kurma so nseŋ ta kekpabi nɛ k kɔ Ebɔrɛ be eleŋ na ŋ keta m bɛta a yɔ Ijipt be kasawule so.

Ɛksodɔs 4:3

Nɛ Enyɛnpe Ebɔrɛ na kaŋɛ mo: “Ta kumo n lɛ kasawule!” Mosis ka wora loŋ nɛ kekpabi na kilgi kuwɔ nɛ Mosis shile ashi kumo ase.

Ɛksodɔs 7:8

Le nɛ Enyɛnpe Ebɔrɛ daŋ kaŋɛ Mosis nɛ mo da Ɛɛrɔn:

Ɛksodɔs 9:23

Mosis ka teŋi mbe kekpabi na ŋ ŋini awɔlto nɛ Enyɛnpe Ebɔrɛ shin nɛ bɔrɛ ponte ŋ gbri gbuŋ gbuŋ gbuŋ n nyɛkpɛ palpal nɛ abɔrɛjembubi fara a wurge kasawule waawaa. Enyɛnpe Ebɔrɛ daŋ shin nɛ abɔrɛjembubi be bɔrɛ na ba Ijipt be kasawule so kikɛ nna.

Aizaaya 7:11

E yɛ: “Kule Enyɛnpe fo Ebɔrɛ na nɛ e sa fo tɔɔnɛ ko a ŋini fanɛ kusɔ nɛ e kaŋɛ na beeŋ wora m bɔlɔ so. K beeŋ tiŋ n shi kasawule be kechimbi to ŋko ebɔrɛso.”

Ezikɛl 29:3

Kaŋɛ Ijipt be ewura fanɛ Enyɛnpetale Ebɔrɛ na bee kaŋɛ fanɛ, fo ki n doŋ nna ŋkpal fo ka ta fo kumu fanɛ laŋchaŋ nɛ e kɔ eleŋ a wɔ lɔr to na so. Fo alɛ naŋ kaŋɛ fanɛ feeto lɔrgboŋ nɛ baa tre Nail na a ki feya.

Matiu 12:39

Nɛ Yesu kaŋɛ le: “Ama mbreebi be alubi nɛ kabɔrɛkini shi bumo to bre. B yɛ fanɛ n wora mamachi be kesheŋ ko ŋ ŋini fanɛ Ebɔrɛ wɔ ma kaman, ama b maaŋ nya shɛŋ n wu she anebi Jona be mamachi be kesheŋ na nawule.

Baru lela nɛ Jɔn kute na 10:38

Ama nɛ mee shuŋ mbe ashuŋ na nna nɛ men maŋ yirda ma gba, a daga fanɛ men yirda ashuŋ na bre, saŋɛ na so menyeeŋ pin fanɛ Etuto na wɔ ma to nɛ ma alɛ wɔ Etuto na to.”

Baru lela nɛ Jɔn kute na 2:18

Asheŋ ere be kaman nɛ Juwebi be benimuana na ba bishi mo le be kesheŋ bishiso ere, b yɛ: “Manɛ be mamachi be kesheŋ nɛ fo kɔ nɛ fo wora ŋ ŋini anyi nɛ an pin ekpa nɛ fo kɔ a tiŋ a wora le be asheŋ ere kikɛ?”

Baru lela nɛ Jɔn kute na 6:30

Ndoŋ nna nɛ b bishi mo: “To, nɛ nuso be mamachi be kesheŋ nɛ feeŋ wora n sa anyi nɛ an wu nseŋ yirda fo? Manɛ nɛ feeŋ wora?