Ɛksodɔs 7:5 - EBƆRƐ BE KAWƆL

⁵ Saŋɛ nɛ meeŋ bar kasogberge Ijiptebi so nseŋ lara Israɛl be basa ashi bumo to na pɔɛŋ nɛ baaŋ pin fanɛ ma e la Enyɛnpe Ebɔrɛ na.”

Ɛksodɔs 7:5 ပူးပေါင်းရင်းမြစ်များ

Nshɛ 138:7

Nɛ etɔrɔ baŋ kulti ma n wɔtɔ gba, fo e naa kuŋ ma ashi bedoŋ nɛ b nya agbo n wɔtɔ ma be enɔ to. Fo gbagba be enɔ lempo na e naa shin nɛ mee nya ma kumu a ji.

Nshɛ 9:16

Enyɛnpe Ebɔrɛ be kebaaji asheŋ nɛ amo be ekpa so nɛ baa ta a pin mo. Ama alubiworapoana gbagba be alubi e naa kilgi a ji bumo.

Ɛksodɔs 10:2

Kumo be loŋ beeŋ shin nɛ menyi alɛ gba e kaŋɛ men be mbia nɛ men nanabiana kananɛ n daŋ wora emamachisheŋ ashi Ijiptebi be anishito, saŋɛ na so menyi kikɛ beeŋ pin fanɛ ma e la Enyɛnpe Ebɔrɛ na.”

Ɛksodɔs 10:7

Ndoŋ nna nɛ ewura Fɛɛro be beyaasepo na kaŋɛ mo le: “Shin nɛ basa na e yɔ n ya bunyaŋ Enyɛnpe Ebɔrɛ, bumo be Ebɔrɛ na, ŋkpal manɛ so, fo maŋ nyi fanɛ Ijipt bee mur nna ere a?”

Ɛksodɔs 14:18

Saŋɛ nɛ n nya kemaŋkura ashi Fɛɛro nɛ mbe benapo so na nɛ Ijiptebi beeŋ pin fanɛ ma e la Enyɛnpe Ebɔrɛ na.”

Ɛksodɔs 14:4

Kumo be kaman nɛ n naŋ shin nɛ Fɛɛro be kagbene e ki kpakpa nɛ e ju m buu menyi so, saŋɛ na so meeŋ mur Fɛɛro nɛ mbe beyaasepo kikɛ nɛ Ijiptebi e pin fanɛ ma e la Enyɛnpe Ebɔrɛ nɛ kemaŋkura bɔlɔ ma to na.” Ndoŋ nna nɛ Israɛlebi na wora kusɔ nɛ Mosis kaŋɛ bumo na.

Ɛksodɔs 18:8

Nɛ Mosis kaŋɛ mo shanyɛn asheŋ nɛ Enyɛnpe Ebɔrɛ wora Fɛɛro nɛ Ijipt be basa kikɛ ŋkpal Israɛlebi be kenya kumɔlga so. Kumo be kaman nɛ e naŋ kaŋɛ mo etɔrɔ nɛ a tu bumo ashi ekpa to na kikɛ nɛ kananɛ Enyɛnpe Ebɔrɛ chɛ bumo to ashi amo kikɛ to.

Ɛksodɔs 3:20

Amoso meeŋ ŋini ma eleŋ nseŋ wora emamachisheŋ ŋ gberge Ijiptebi kusoe ndoŋ nɛ kufu e pɛ bumo ga. Kumo be kaman nɛ e shin nɛ men yɔ.

Ɛksodɔs 6:1

Ndoŋ nna nɛ Enyɛnpe Ebɔrɛ kaŋɛ Mosis le: “Naniere bre feeŋ wu kusɔ nɛ meeŋ wora ewura Fɛɛro. Ŋkpal ma eleŋ nɛ ŋ kɔ na so, e beeŋ shin nɛ ma basa e yɔ. Kashenteŋ nɛ mee kaŋɛ fo na fanɛ meeŋ tintiŋ mo hale nɛ e ju bumo nɛ b lar mbe kasawule ere so.”

Ɛksodɔs 6:6

Ŋkpal loŋ so, kaŋɛ Israɛl be basa na fanɛ ŋ kaŋɛ fanɛ: ‘Ma e la Enyɛnpe Ebɔrɛ na, ma alɛ beeŋ lara menyi ashi kenyaya nɛ men wɔtɔ ashi Ijipt to na to. Meeŋ bɔla ma eleŋgboŋ na so ŋ gberge Ijiptebi kusoe nɛ b shin nɛ men nya men be amu.

Ɛksodɔs 7:17

Amoso Enyɛnpe Ebɔrɛ na yɛ: ‘Kesheŋ nɛ mee sha kewora ere e naaŋ shin nɛ fo pin fanɛ ma e la Enyɛnpe Ebɔrɛ na.’ Keni, meeŋ ta kekpabi nɛ k wɔ ma enɔ to ere ŋ ŋmɛa Nail be nchu ere so nɛ a kilgi ŋklaŋ.

Ɛksodɔs 8:10

Ndoŋ nna nɛ Fɛɛro kaŋɛ: “Kumo ere ba kule Ebɔrɛ n sa ma echefo.” Nɛ Mosis shuli so ŋ kaŋɛ mo: “To, kusɔ nɛ fo kaŋɛ ere beeŋ wora loŋ nɛ fo pin fanɛ esa kikɛ maŋ naa wɔtɔ a du fanɛ Enyɛnpe Ebɔrɛ nɛ e la anyi be Ebɔrɛ na.

Ɛksodɔs 8:19

Ndoŋ nna nɛ ŋkilgiwuraana kaŋɛ Fɛɛro le: “Ebɔrɛ ko be eleŋ be aworbi nde.” Ama Fɛɛro daŋ kraŋ wora kagbene kpakpaso nna ŋ kini kewora kasonu fanɛ kananɛ Enyɛnpe Ebɔrɛ kaŋɛ na.

Ɛksodɔs 8:22

Kumo be kachɛ na ashushombi na maaŋ yɔ kakpa nɛ ma basa wɔ ashi Goshen be kaba so na bre. Kumo be loŋ nɛ feeŋ pin fanɛ ma e la Enyɛnpe Ebɔrɛ nɛ n wɔ kasawule ere to na.

Ezikɛl 25:17

Meeŋ gberge bumo kusoe kenishipereso nseŋ wora n tal bumo to nɛ b pin kananɛ ma agbo gboŋ du nɛ b pin fanɛ ma, e la Enyɛnpe Ebɔrɛ na.”

Ezikɛl 28:22

Kaŋɛ basa nɛ b wɔ ndoŋ na fanɛ kusɔ nɛ ma, Enyɛnpetale Ebɔrɛ na kaŋɛ a laŋɛ bumo be kaplɛa so e la fanɛ, Sidɔn be basa, ŋ ki menyi doŋ nna na. Basa malɛ beeŋ maŋkura ma ŋkpal kusɔ nɛ meeŋ wora menyi so. Ŋ kaŋ gberge menyi kusoe ŋ ŋini ma kecheembiya na nɛ basa beeŋ pin fanɛ ma, e la Enyɛnpe Ebɔrɛ na.

Ezikɛl 32:15

Ŋ kaŋ mur bekama nɛ b wɔ Ijipt be efuli so kikɛ nseŋ shin nɛ kasawule na dese fuloŋ na nɛ baaŋ pin fanɛ ma e la Enyɛnpe Ebɔrɛ na.

Ezikɛl 36:23

Ŋ kaŋ lara kecheembiya nɛ k wɔ ma ketregboŋ nɛ men ŋaba ashi efuliana na so na ŋ ŋini bumo na nɛ baaŋ pin fanɛ ma e la Enyɛnpe Ebɔrɛ na. Ma, Enyɛnpetale Ebɔrɛ na e kaŋɛ, fanɛ men bɔla menyi so ŋ ŋini efuli pɔtɛana na fanɛ n du cheembi nna.

Ezikɛl 39:22

Yili loŋ be kachɛ na a yɔ Israɛlebi na beeŋ pin fanɛ ma, Enyɛnpe Ebɔrɛ na e la bumo be Ebɔrɛ.

Ezikɛl 39:7

Ma alɛ beeŋ shin nɛ ma basa Israɛlebi e pin ma ketre cheembi na, a maaŋ naa keni kumo jiga kikɛ. Ndoŋ nɛ efuliana na beeŋ pin fanɛ ma, Enyɛnpe Ebɔrɛ na e la Israɛl be Ebɔrɛ cheembi na.”