Ɛksodɔs 6:8 - EBƆRƐ BE KAWƆL

⁸ Meeŋ yɛr menyi kasawule nɛ n nase kɔnɔ fanɛ meeŋ ta n sa Eebraham nɛ Aizek nɛ Jeekɔb na so. Ma, Enyɛnpe Ebɔrɛ na beeŋ ta kumo n sa menyi nɛ k baa la menyeya.’ ”

Ɛksodɔs 6:8 ပူးပေါင်းရင်းမြစ်များ

Jɛnesis 14:22

Nɛ Eebram kaŋɛ: “M bɔ ntaŋ Enyɛnpe Ebɔrɛ Ewurgboŋ nɛ e to esoso nɛ kasawule na be anishito

Jɛnesis 15:18

To, kumo be kachɛ na nɛ Enyɛnpe nɛ Eebram wora kɔnɔkoŋwule be ŋkre nɛ Enyɛnpe kaŋɛ mo: “Kɔnɔ nɛ mee nase a sa fo e la fanɛ meeŋ ta kasawule nɛ k yili lɔr nɛ k wɔ Ijipt be kasawule be ekar n ya fo lɔrgboŋ nɛ baa tre Yufreetes na kikɛ n sa fo kaman to ebi,

Jɛnesis 26:3

Baa wɔ nfe n wora nchɛnnyɔ nɛ m baa wɔ fo kutɔ a nɛfa fo. Meeŋ bɛ kɔnɔ nɛ n nase n sa fo tuto Eebraham na so nseŋ ta kasawule ere kikɛ n sa fo nɛ fo kaman to ebi.

Jɛnesis 28:13

E daŋ wu fanɛ Enyɛnpe na e daa yil kumo be kumu so gbagba na. Ndoŋ nɛ Enyɛnpe na daa yil nseŋ kaŋɛ mo le: “Ma e la Enyɛnpetale, fo nananyɛn Eebraham be Ebɔrɛ nɛ Aizek be Ebɔrɛ na. Meeŋ ta kasawule mo nɛ fo dese so ere n sa fo nɛ fo kaman to ebi.

Jɛnesis 35:12

N ta kasawule nɛ n daŋ ta n sa Eebraham nɛ Aizek na, n sa fo alɛ gba nɛ fo kaman to ebi.”

Nehemaya 9:15

Akoŋ ka daŋ pɛ bumo fo sa bumo ajibi nɛ a shi ebɔrɛso nna. Achukoŋ ka daa kɔ bumo, fo daŋ shin nɛ nchu lar kefalta to nna nɛ b nuu. Kumo be kaman nɛ fo kaŋɛ bumo fanɛ b kɔ n suge kasawule nɛ fo nase kumo be kɔnɔ na nna.

Ɛksodɔs 13:5

Enyɛnpe Ebɔrɛ kaŋ baŋ yɛr menyi basa nɛ baa tre Keenanebi nɛ Hitebi nɛ Amɔriebi nɛ Hivebi nɛ Jebusiebi be kasawule nɛ e nase kumo be kɔnɔ n sa men nananyɛnana fanɛ e beeŋ ta n sa menyi na so, men baa kraa wora le be kesheŋ ere kufɔl ere to.

Ɛksodɔs 32:13

Nyiŋi le be kɔnɔ nɛ fo nase n sa fo nyɛrbi Eebraham nɛ Aizek nɛ Jeekɔb: “Meeŋ shin nɛ menyi be kaman to ebi e wora keshi fanɛ achɛkpabi nɛ a wɔ awɔlpa to na ta kasawule ere kikɛ n sa bumo nɛ k ki bumo be kapetɛ mbaanaayɔ na.”

Ɛksodɔs 6:2

Ebɔrɛ ka kaŋɛ loŋ n loge na nɛ e naŋ kaŋɛ Mosis le: “Ma e la Enyɛnpe Ebɔrɛ na.

Ɛksodɔs 6:4

Ade kikɛ be kaman nɛ ma nɛ bumo wora kɔnɔkoŋwule be ŋkre nɛ n nase kɔnɔ n sa bumo fanɛ meeŋ ta Keenan be kasawule nɛ b daa wɔ kumo so fanɛ befɔ na n sa bumo.

Ɛksodɔs 6:6

Ŋkpal loŋ so, kaŋɛ Israɛl be basa na fanɛ ŋ kaŋɛ fanɛ: ‘Ma e la Enyɛnpe Ebɔrɛ na, ma alɛ beeŋ lara menyi ashi kenyaya nɛ men wɔtɔ ashi Ijipt to na to. Meeŋ bɔla ma eleŋgboŋ na so ŋ gberge Ijiptebi kusoe nɛ b shin nɛ men nya men be amu.

Ezikɛl 20:15

Amoso nɛ ma alɛ daŋ bɔ ntaŋ ŋ kaŋɛ bumo keshishɛrsawule na so fanɛ m maaŋ naŋ yɛr bumo kasawule lela nɛ k bee wora adɔjibi ga nɛ n daŋ sa bumo na so.

Ezikɛl 20:23

Amoso nɛ n daŋ naŋ bɔ ntaŋ ŋ kaŋɛ bumo kiyi na to fanɛ meeŋ shin nɛ b pesaŋ to n sɔ efuliana pɔtɛana so na.

Ezikɛl 20:28

Jemanɛ nɛ m bar men tutoana kasawule nɛ n nase kɔnɔ fanɛ meeŋ sa bumo na so n loge na, nɛ b baa wu agoŋgulombi nɛ ndibigboŋ nɛ a kɔ afantaŋ nseŋ ta amo ŋ ki bumo be agbirshuŋkpaana nsaa wɔtɔ a lara esarga amo ase a sa bumo be agbirana. B daa chɔɔ eduwu nna nsaa duga nsa a wurge agbirana na nɛ kumo be loŋ daa nu ma agbo nsaa kaa ma kagbene.

Ezikɛl 20:42

Jemanɛ nɛ meeŋ bɛta menyi m ba Israɛl be efuli so, kasawule nɛ n nase kɔnɔ fanɛ meeŋ ta n sa men tutoana na, nɛ menyeeŋ pin fanɛ ma e la Enyɛnpe na.

Ezikɛl 36:7

Ma, Enyɛnpetale Ebɔrɛ na bɔ ntaŋ fanɛ efuliana na beeŋ ji anishinyɔr.

Ezikɛl 47:14

N daŋ bɔ ntaŋ n nase kɔnɔ n sa menyi nananyɛnana fanɛ meeŋ sa bumo kasawule ere nɛ k baa la bumo peya; amoso men barga kumo to dede n sa abar.

Nɔmbɛs 10:29

B ka bee bela ase nɛ b kaa na, nɛ Mosis kaŋɛ Jetro pibinyɛn Hobab nɛ e la mo ere Mosis mo churo na le: “Anyee bela ase nna nɛ an yɔ kakpa nɛ Enyɛnpe Ebɔrɛ nase kɔnɔ fanɛ e beeŋ sa anyi na. Mo e kaŋɛ fanɛ e beeŋ nɛfa Israɛl, amoso bɛ anyi so, asheŋ beeŋ ya nyalɛ n sa anyi kikɛ.”

Nɔmbɛs 11:12

Mannɛ ma e di bumo be kedampo ŋko ŋ kurge bumo! Nɛ mannɛ nna nɛ fee sha fanɛ ŋ keta bumo enɔ to fanɛ mbi popɔrbi n yɔ kasawule nɛ fo bɔ ntaŋ n nase kɔnɔ fanɛ feeŋ sa bumo nananyɛnana na so?

Nɔmbɛs 14:30

maaŋ yɔ kasawule nɛ m bɔ ntaŋ n nase kɔnɔ fanɛ meeŋ sa menyi na so. Jefune pibinyɛn Kalɛb nɛ Nun pibinyɛn Joshuwa nawule e naaŋ yɔ ndoŋ.

Nɔmbɛs 23:19

Ebɔrɛ maŋ la dimɛdi nna a ku efɛ ŋko nyiŋgbasa a chɛrga mbe nfɛra, kusɔ kama nɛ e nase kɔnɔ fanɛ e beeŋ wora, mo alɛ beeŋ wora kumo. E bee malga nna nɛ k bee wora.

Ditɛronɔmi 32:40

Ma e la Ebɔrɛ nɛ e bee sa ŋkpa; ma e maŋ ma enɔ so m bɔ ntaŋ

Ditɛronɔmi 4:31

Enyɛnpe, menyi be Ebɔrɛ na beeŋ wu menyi kuwɔr nsaa maŋ mur menyi ŋko ŋ kini menyi n lɛ. E beeŋ nyiŋi mbe kɔnɔ naseso nseŋ wora m bɛ mo nɛ men nananyɛnana be kɔnɔkoŋwule be ŋkre so.

Joshuwa 24:13

N sa menyi kasawule nɛ menyi maŋ dɔ, nɛ nde nɛ menyi maŋ pɔr. Naniere men wɔ ndoŋ a ji asɔrso nɛ baa tre greeps nɛ men maŋ du, nsaa chuge asɔrso nɛ baa tre ɔlifs ashi ndibi nɛ men maŋ du so.’ ”

Kelaraŋŋini 10:6

nseŋ bɔ esa nɛ e wɔ ŋkpa to mbaanaayɔ na, emo nɛ e to ebɔrɛso nɛ asɔ nɛ a wɔ kumo to na kikɛ nseŋ to kasawule nɛ asɔ nɛ a wɔ kumo to na kikɛ nseŋ naŋ to teku nɛ asɔ nɛ a wɔ kumo to na kikɛ nseŋ kaŋɛ le: “K maaŋ naŋ chɛr nɛ saŋɛ na e fo.

1 Samuɛl 15:29

Israɛl be Ebɔrɛ nɛ e kɔ kemaŋkura na maa ku efɛ ŋko a chɛrga mbe nfɛra, ŋkpal manɛ so, e maŋ la dimɛdi.”