Ɛksodɔs 6:6 - EBƆRƐ BE KAWƆL

⁶ Ŋkpal loŋ so, kaŋɛ Israɛl be basa na fanɛ ŋ kaŋɛ fanɛ: ‘Ma e la Enyɛnpe Ebɔrɛ na, ma alɛ beeŋ lara menyi ashi kenyaya nɛ men wɔtɔ ashi Ijipt to na to. Meeŋ bɔla ma eleŋgboŋ na so ŋ gberge Ijiptebi kusoe nɛ b shin nɛ men nya men be amu.

Ɛksodɔs 6:6 ပူးပေါင်းရင်းမြစ်များ

2 Bewura 17:36

Men baa bunyaŋ ma Enyɛnpe Ebɔrɛ nɛ m bɔla ma eleŋgboŋ so n lara menyi ashi Ijipt be efuli so na nsaa jɔŋɛ ma ase a lara esarga a sa n nawule.

1 Kronikɛls 17:21

Efuli kikɛ maŋ naa wɔ kasawule ere so fanɛ Israɛl be efuli nɛ fo lara ashi kenyaya to nseŋ shin nɛ b ki fo basa na. Mamachi be asɔ damta nɛ fo wora n sa bumo na e shin nɛ fo ketre dii durnya ere to. Fo mɔlga fo basa ashi Ijipt be kasawule so, m bar bumo nfe nseŋ ju efuli ere so ebi n shin nɛ fo basa chena bumo be nsawule so.

Nehemaya 1:10

Enyɛnpe Ebɔrɛ, fo nyɛrbi nɛ fo gbagba be basa nna na. Ŋkpal manɛ so, fo gbagba be eleŋgboŋ nɛ fo ta m mɔlga bumo nɛ b baa la fo basa.

Nshɛ 77:16

O Ebɔrɛ, kewora fanɛ teku be nchu na ka wu fo, kufu pɛ amo nna nɛ kumo be kechimbi to baga to m pulgi to kufuso.

Nshɛ 81:11

Ama ma basa maa nu a sa ma; Israɛl be basa na maa wora ma kasonu.

Nshɛ 81:6

“Ma e daŋ bɛge esulɔ gbɛgbɛso na ashi menyi so, nseŋ sɔ nlantaŋɛ gbɛgbɛso na menyi be enɔana to.

Nshɛ 81:7

Men ka daa wɔ etɔrɔ to, ma nɛ men shu n tre, nɛ m mɔlga menyi. Abɔrɛwɔlpa to nɛ n daa wɔ nseŋ nu menyi be kushu. Kumo be kaman nɛ n wora menyi ŋ keni ashi Mɛriba be kebuye na ase.

Ɛksodɔs 1:11

Ndoŋ nna nɛ Ijiptebi na lara basa fanɛ benyɛnpe nɛ baaŋ baa keni Israɛlebi na so fanɛ anya. Ndoŋ nna nɛ b ta kanyaŋ be kushuŋ a tɔrɔ Israɛlebi na nseŋ shin nɛ b pɔr nde nɛ baa tre Pitɔm nɛ Rameses na n sa ewura Fɛɛro nɛ e baa ta mbe asɔ a yili to ndoŋ.

Ɛksodɔs 12:41

Nfɛ alfa ana nɛ adesa na be kachɛ lalalogesopo gbagba nɛ Enyɛnpe Ebɔrɛ be basa kikɛ lar Ijipt be kasawule so.

Ɛksodɔs 12:51

Kumo be kamɔnchɛ malɛ kikɛ nɛ Enyɛnpe Ebɔrɛ lara Israɛl be basa kanaŋ kanaŋ so nɛ mbuna mbuna so ashi Ijipt to.

Ɛksodɔs 13:14

Ama saŋko nɛ menyi be mbia kaŋ bishi menyi kejigboŋ ere be kifito, men kaŋɛ bumo le: ‘Enyɛnpe Ebɔrɛ daŋ ta mbe eleŋgboŋ nna n lara anyi kenyaya to ashi Ijipt be kasawule so.

Ɛksodɔs 13:16

Le be kejigboŋ ere malɛ beeŋ baa du fanɛ tɔɔnɛ be asɔ nɛ anyee kre a mata enɔ so ŋko nsɔto nna a nyiŋi anyi kananɛ Enyɛnpe ŋini eleŋ n lara anyi ashi Ijipt be efuli so.’ ”

Ɛksodɔs 13:3

Nɛ Mosis kaŋɛ basa na le: “Men baa nyiŋi kachɛ nɛ men lar Ijipt to ere. Ndoŋ nɛ men daa wɔ kenyaya to nɛ Enyɛnpe Ebɔrɛ ŋini eleŋ nseŋ lara menyi ashi ndoŋ na. Menyi alɛ e sa maŋ kaŋ ji kusɔ kama nɛ k kɔ yiisi loŋ be kachɛ na malɛ.

Ɛksodɔs 15:13

Feeŋ bɔla fo kasha nɛ k maa chɛrga na so n juŋkpar basa mo nɛ fo sɔ n yige na, nsaa ta fo eleŋ na a juŋkpar ŋ ŋini bumo ekpa nɛ b ya fo kakpa cheembi nɛ fo wɔ na.

Ɛksodɔs 16:6

Ndoŋ nna nɛ Mosis nɛ Ɛɛrɔn kaŋɛ Israɛlebi na kikɛ le: “Ta a ba kaaseso menyeeŋ pin fanɛ Enyɛnpe Ebɔrɛ na gbagba e lara menyi ashi ljipt be kasawule so.

Ɛksodɔs 18:1

Ade kikɛ be kaman nɛ Mosis mo shanyɛn Jetro nɛ e daa la Midian be bɔrɛmatapo na daŋ nu asɔ nɛ Ebɔrɛ wora n sa Mosis nɛ Israɛlebi na nɛ kananɛ Enyɛnpe Ebɔrɛ lara mbe basa Israɛlebi na ashi Ijipt be asheŋ.

Ɛksodɔs 2:11

Mosis ka daŋ ŋ ki esa, kachako nɛ e yɔ nɛ e ya bɔɔ mbe basa gbagba so nseŋ wu kananɛ Ijiptebi daa nyaŋ bumo nɛ baa shuŋ ashuŋ kpakpaso. Ndoŋ nɛ e wu Ijipt be esa ko ka bee bri Hibruw be esa ko nɛ e daa la mo ere Mosis be esa gbagba.

Ɛksodɔs 3:17

Ma alɛ yili kumo fanɛ meeŋ lara menyi ashi tɔrɔ nɛ menyee ji ashi Ijipt be efuli so na to n yɔ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi be nsawuleana so. Loŋ be nsawule na e kɔ kanya alegaiso nsaa wora ajibi nɛnɛ.”

Ɛksodɔs 3:8

Ŋkpal loŋ so, nɛ ŋ gbelge m ba nɛ m ba mɔlga bumo ashi Ijiptebi na be enɔ to nseŋ lara bumo ashi Ijipt be kasawule so n yɛr bumo kasawule lela nɛ k shi so. Kasawule mo nɛ k kɔ kanya alegaiso nsaa wora ajibi nɛnɛ. Loŋ be kasawule na so nɛ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi tase so na.

Ɛksodɔs 32:11

Ama Mosis daŋ kule mo Nyɛnpe nɛ mbe Ebɔrɛ na nna ga, nseŋ kaŋɛ: N Nyɛnpe, manɛ e ba nɛ fo shin nɛ fo kagbene kaa ŋkpal fo basa mo nɛ fo ta fo eleŋgboŋ nɛ fo enɔ lempo na n lara ashi Ijipt be kasawule so so?

Ɛksodɔs 6:2

Ebɔrɛ ka kaŋɛ loŋ n loge na nɛ e naŋ kaŋɛ Mosis le: “Ma e la Enyɛnpe Ebɔrɛ na.

Ɛksodɔs 6:29

le nɛ e kaŋɛ: “Ma e la Enyɛnpe Ebɔrɛ na. Amoso, kaŋɛ Ijipt be ewura Fɛɛro asheŋ nɛ ŋ kaŋɛ fo ere kikɛ.”

Ɛksodɔs 6:8

Meeŋ yɛr menyi kasawule nɛ n nase kɔnɔ fanɛ meeŋ ta n sa Eebraham nɛ Aizek nɛ Jeekɔb na so. Ma, Enyɛnpe Ebɔrɛ na beeŋ ta kumo n sa menyi nɛ k baa la menyeya.’ ”

Ɛksodɔs 7:4

Fɛɛro kraa maaŋ nu n sa fo. Kumo be kaman meeŋ shin nɛ b wu ma eleŋ, nɛ m bar kasogberge kpakpaso damta Ijiptebi so pɔɛŋ nseŋ juŋkpar ma basa Israɛlebi be nnaŋana na n lar Ijipt be kasawule na so.

Ɛksodɔs 7:5

Saŋɛ nɛ meeŋ bar kasogberge Ijiptebi so nseŋ lara Israɛl be basa ashi bumo to na pɔɛŋ nɛ baaŋ pin fanɛ ma e la Enyɛnpe Ebɔrɛ na.”

Aizaaya 9:12

Enyɛnpe Ebɔrɛ na daŋ shin nna nɛ Siriya be benapo shi epeŋilarkpa nɛ Filisti be benapo malɛ shi epeŋitɔrkpa m bela ase m ba kɔ Israɛl be basa kena m mur bumo. Ama amo nɛ amo kikɛ Enyɛnpe Ebɔrɛ na be agbo kra maŋ wushi. E kraa shin nɛ e gberge bumo kusoe nna n ti so.

Aizaaya 9:17

Amoso Enyɛnpe Ebɔrɛ na maaŋ shin nɛ mbrantiɛfɔlbi na be ekama e nya n shile. Mo alɛ maaŋ wu bekulpoche nɛ amunibiana na be ekama kuwɔr. Ŋkpal manɛ so basa na kikɛ la amu kpakpaso wuraana nɛ b kini Ebɔrɛ nna. Bumo be malga kikɛ gba daa la asheŋ lubi be mmalga nna. Ama amo nɛ amo kikɛ, Enyɛnpe Ebɔrɛ na be agbo kra maaŋ wushi. E kraa shin nɛ e gberge bumo kusoe n ti so nna.

Aizaaya 9:21

Manase be yiri to be basa nɛ Efrayim be yiri to be basa daa kɔ abar nna nseŋ naa chɛ abar to a kɔ Juda be yiri to be basa kena. Ama amo nɛ amo kikɛ, Enyɛnpe Ebɔrɛ na be agbo kra maaŋ wushi. E kraa shin nɛ e gberge bumo kusoe nna n ti so.

Jɛremaya 21:5

Meeŋ ta ma eleŋgboŋ kikɛ nɛ ma kanya agbogboŋ kikɛ ŋ kɔ menyi,

Jɛremaya 27:5

mo gbagba be eleŋgboŋ so nɛ e to durnya nɛ edimɛdi nɛ kasawule so be asɔbɔya kikɛ nsaa lara esa nɛ e beeŋ ji amo kikɛ so kuwura.

Jɛremaya 32:21

Emamachisheŋ nɛ asheŋ tumase nɛ fo wora na ta kufugboŋ nna n lɛ an doŋana so.

Ezikɛl 20:33

Ma Enyɛnpetale Ebɔrɛ na e naa kaŋɛ menyi kashenteŋto na fanɛ meeŋ ta eleŋ n ji kuwura menyi so nɛ men pin kananɛ ma agbogboŋ du.

Ashuŋ Shunso 13:17

Israɛlebi be Ebɔrɛ e daŋ lara an nanaana Juwebi n shin nɛ b wora keshi ga saŋɛ nɛ b daa la befɔ a wɔ Ijipt be kasawule so na.

Ditɛronɔmi 11:2

Kabre men baa nyiŋi fanɛ menyi nɛ Enyɛnpe Ebɔrɛ na daŋ ŋini ekpa mannɛ menyi be mbia. Menyi e wu Enyɛnpe Ebɔrɛ na ka bɔla mbe yukugboŋ so

Ditɛronɔmi 15:15

Men baa nyiŋi fanɛ menyi alɛ gba daa la anya nna ashi Ijipt be efuli so nɛ Enyɛnpe menyi be Ebɔrɛ na sɔ menyi n yige. Amoso nɛ mee ta mbra ere a sa menyi na.

Ditɛronɔmi 26:8

nseŋ bɔla mbe yuku nɛ mbe eleŋgboŋ na so ŋ kɔ n suge anyi ashi Ijiptebi be enɔ to. Emamachisheŋ nɛ alemaŋkarsheŋ nɛ asheŋ nɛ a bee keta kufu nɛ e daŋ wora nseŋ bɔla amo so m mɔlga anyi.

Ditɛronɔmi 4:23

Amoso, men baa da so nɛ menyi maaŋ teŋ menyi nɛ Enyɛnpe Ebɔrɛ na be kɔnɔkoŋwule be ŋkre na so. Men baa wora mbe mbraana kasonu nsaa maŋ kaŋ shuŋ kegbir be yiri kikɛ,

Ditɛronɔmi 4:34

Kegbir ko malɛ daŋ ber kagbene fanɛ k beeŋ ya lara basa ko ashi efuli ko so m ba ki kumo gbagba be basa fanɛ kananɛ Enyɛnpe Ebɔrɛ na wora ashi Ijipt be efuli so na a? Menyi gbagba be anishito nɛ Enyɛnpe Ebɔrɛ na bɔla mbe yukugboŋ nɛ eleŋ so n shin nɛ alɔ mɔso nɛ kena nɛ emamachisheŋ be yiri yiri wora nseŋ naŋ shin nɛ asheŋ nɛ a bee keta kufu wora nɛ men wu amo.

Ditɛronɔmi 5:15

Men baa nyiŋi fanɛ men daa la anya nna ashi Ijipt be efuli so nɛ ma, Enyɛnpe menyi be Ebɔrɛ na bɔla ma yukugboŋ nɛ eleŋ so ŋ kɔ n suge menyi. Amoso nɛ mee yili kumo a sa menyi fanɛ men baa sa ma kewushiachɛ na bunyaŋ nsaa ta kumo kachɛ cheembi na.

Ditɛronɔmi 6:12

men baa da so nɛ men maŋ teŋ so fanɛ Enyɛnpe Ebɔrɛ na e kɔ n suge menyi kenyaya to ashi Ijipt be efuli so.

Ditɛronɔmi 7:19

Men baa nyiŋi alɔ lubi nɛ menyi gbagba wu anishi so nɛ emamachisheŋ nɛ yukugboŋ nɛ eleŋ nɛ Enyɛnpe menyi be Ebɔrɛ na ta n sɔ menyi n yige na. Kananɛ e baŋ mur Ijiptebi na nɛ e beeŋ mur basa nɛ menyee ŋana naniere na gba.

Ditɛronɔmi 7:8

Ama Enyɛnpe Ebɔrɛ na lara menyi ŋkpal e ka bee sha menyi so nɛ ŋkpal e ka bee sha kewora m bɔlɔ mbe kɔnɔ naseso nɛ e nase n sa men nananyɛnana na so. Amoso nɛ e bɔla mbe eleŋgboŋ so n sɔ menyi n yige kenyaya to ashi Ijipt be efuli so na.

Ditɛronɔmi 9:29

Ama fo e lara Israɛl be basa ere fanɛ fo gbagba be basa nseŋ bɔla fo yuku nɛ eleŋgboŋ so n lara bumo Ijipt be efuli so m ba nfe.”