Ɛksodɔs 6:3 - EBƆRƐ BE KAWƆL

³ N daŋ lar men nananyɛnana Eebraham nɛ Aizek nɛ Jeekɔb so fanɛ Ebɔrɛ Elempo nna, ama n daa maŋ shin nɛ b pin fanɛ ma e la Enyɛnpe Ebɔrɛ na.

Ɛksodɔs 6:3 ပူးပေါင်းရင်းမြစ်များ

Jɛnesis 13:18

Ndoŋ nna nɛ Eebram tia mbe wajɛbu ŋ kaa n ya chena m mata Mamre be ndibigboŋ na ashi Hibrɔn nseŋ yuu bɔrɛsure a bunyaŋ Enyɛnpe Ebɔrɛ.

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 22:14

Sarga ere be kaman nɛ Eebraham nase kaboŋ na ketre: “Enyɛnpe beeŋ sa.”

Jɛnesis 28:3

Ebɔrɛ Enyɛnpetale na e nɛfa fo nseŋ sa fo mbia be kanya nɛ fo ba ki basa damta bumo tuto.

Jɛnesis 35:11

Kede be kaman nɛ Ebɔrɛ naŋ kaŋɛ mo: “Ma e la Enyɛnpetale Ebɔrɛ na. Meeŋ shin nɛ fo mbia e ba kaa shi ŋ ki efuli damtaana be amuwuraana nɛ bumo be beko e ki bewura.

Jɛnesis 48:3

“Enyɛnpetale Ebɔrɛ lar ma so nna ashi Bɛtɛl nɛ k wɔ Keenan be kasawule so na n nɛfa ma,

Nshɛ 68:4

Men boŋ nshɛ n sa Ebɔrɛ, men boŋ nshɛ n fur mbe ketre. Mo e dii n chena awɔlpa so, amoso men maŋkura mo. Mbe ketre e la Enyɛnpe na, nɛ anyee tiŋ n ji eyur nseŋ maŋkura mo.

Nshɛ 83:18

Shin nɛ b pin fanɛ fo e la Enyɛnpetale Ebɔrɛ. Fo alɛ nawule e naa ji kuwura durnya kikɛ so.

Ɛksodɔs 15:3

Mbe ketre e la Enyɛnpe Ebɔrɛ na. Mo e la enakɔpo na.

Ɛksodɔs 23:21

Men baa kaŋ kusoe a nu mbe ebɔl nsaa wora mo kasonu. Men sa maŋ kaŋ wora kulubi kikɛ ŋ gbiti mo. Nɛ men baŋ wora kulubi ŋ gbiti mo, e maaŋ yige m paŋ menyi, ŋkpal manɛ so, ma eleŋ wɔ mo so nna.

Ɛksodɔs 3:14

Nɛ Ebɔrɛ kaŋɛ Mosis le: “Kaŋɛ bumo fanɛ ma ketre e la: ‘Ma Nɛ N La Ma Na.’ Amoso kusɔ nɛ feeŋ ya kaŋɛ Israɛlebi na e la fanɛ: ‘Ma Nɛ N La Na’ e shuŋi ma menyi kutɔ.”

Aizaaya 42:8

N nawule kpeŋ e la Enyɛnpe Ebɔrɛ na. M maaŋ shuli nɛ agbir ŋko edimɛdi e sɔ kemaŋkura nɛ bunyaŋ nɛ e daga ma na.

Aizaaya 44:6

Enyɛnpe Ebɔrɛ nɛ e bee ji kuwura Israɛl so nsaa kuŋ kumo na e kaŋɛ le: “Ma e la sososo nɛ lalaloge; n nawule e la Ebɔrɛ. Ma kaman, Ebɔrɛ kikɛ maŋ wɔtɔ.

Jɛremaya 16:21

Kumo be kaman nɛ Enyɛnpe Ebɔrɛ na kaŋɛ: “Amoso nɛ meeŋ ŋini efuli pɔtɛana na be basa ma eleŋgboŋ nɛ b pin to fanɛ ma e la Enyɛnpe Ebɔrɛ kashenteŋto.”

Jɛremaya 33:2

“Ma, e la Enyɛnpe Ebɔrɛ nɛ n to durnya n yili kakpa nɛ k wɔ ere. Ma ketre e la Enyɛnpe Ebɔrɛ na.

Ezikɛl 20:5

nseŋ naŋ kaŋɛ bumo fanɛ kusɔ nɛ Enyɛnpetale Ebɔrɛ na bee kaŋɛ e la fanɛ kachɛ nɛ e lara menyi nɛ men baa la mbe basa na, e daŋ bɔ ntaŋ nna n nase kɔnɔ n sa Jeekɔb nɛ men tutoana nseŋ lara mbe kumu ŋ ŋini bumo ashi Ijipt be efuli so ŋ kaŋɛ fanɛ e beeŋ baa la menyi nɛ men be kaman to ebi be Ebɔrɛ.

Ezikɛl 37:13

Ŋ kaŋ wora loŋ, baaŋ pin fanɛ ma e la Enyɛnpe Ebɔrɛ na.

Ezikɛl 37:6

Ma alɛ beeŋ sa menyi achin nɛ eblaŋ, nseŋ shin nɛ kawɔl e ba buu menyi so. Kumo be kaman nɛ n sa menyi efute nɛ men nya ŋkpa. Ndoŋ nɛ menyeeŋ pin fanɛ ma e la Enyɛnpe Ebɔrɛ na.”

Baru lela nɛ Jɔn kute na 8:58

Nɛ Yesu kaŋɛ bumo: “Ma e kaŋɛ menyi kashenteŋto na fanɛ pɔɛŋ nɛ b kurge Eebraham nɛ n wɔtɔ.”

Kelaraŋŋini 1:4

Kawɔl ere shi ma Jɔn kutɔ nna a yɔ asɔri ashunu mo nɛ a wɔ Eeshia be kasawule so na kutɔ. Kuwɔr be kakɛ nɛ kagbenewushi e shi esa nɛ e daa wɔtɔ nseŋ kraa wɔtɔ ŋkeŋ naa ba na nɛ ayoyu ashunu mo nɛ a wɔ mbe kuwurputi be anishito na kutɔ a la menyeya.

Ruf be kawɔl 1:20

Ndoŋ nna nɛ Nawomi kaŋɛ bumo le: “Men sa maŋ naa tre ma Nawomi, men baa tre ma Mara, ŋkpal manɛ so, Enyɛnpe Ebɔrɛ Elempo na shin nna nɛ kebaawɔtɔ ki nyaŋnyaŋ n sa ma.