Ɛksodɔs 6:2 - EBƆRƐ BE KAWƆL

² Ebɔrɛ ka kaŋɛ loŋ n loge na nɛ e naŋ kaŋɛ Mosis le: “Ma e la Enyɛnpe Ebɔrɛ na.

Ɛksodɔs 6:2 ပူးပေါင်းရင်းမြစ်များ

Jɛnesis 15:7

Kede be kaman nɛ Enyɛnpe Ebɔrɛ na naŋ kaŋɛ mo le: “Ma e la Enyɛnpetale Ebɔrɛ nɛ e lara fo ashi Ur nɛ k wɔ Babilɔn be efuli so na nsaa shin nɛ n ta kasawule ere n sa fo nɛ k baa la feya.”

Ɛksodɔs 12:12

Kumo be kanyɛ na meeŋ ba Ijipt be efuli so m ba mɔ ewurkoŋnyɛn kikɛ, meeŋ mɔ edimɛdi nɛ asɔbɔya kikɛ peya. Ma alɛ beeŋ gberge Ijipt be efuli so be agbirana kikɛ kusoe. Ma e la Enyɛnpe Ebɔrɛ na.

Ɛksodɔs 14:18

Saŋɛ nɛ n nya kemaŋkura ashi Fɛɛro nɛ mbe benapo so na nɛ Ijiptebi beeŋ pin fanɛ ma e la Enyɛnpe Ebɔrɛ na.”

Ɛksodɔs 15:3

Mbe ketre e la Enyɛnpe Ebɔrɛ na. Mo e la enakɔpo na.

Ɛksodɔs 17:1

Israɛlebi na kikɛ daŋ naŋ koso Sin be keshishɛrsawule na so nna a na a bɛ kananɛ Enyɛnpe Ebɔrɛ daŋ ŋini bumo na so n ya yuu bumo be ewajɛbu ashi Refidim. Ndoŋ malɛ daa maŋ kɔ nchu nɛ b nuu.

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Ɛksodɔs 3:14

Nɛ Ebɔrɛ kaŋɛ Mosis le: “Kaŋɛ bumo fanɛ ma ketre e la: ‘Ma Nɛ N La Ma Na.’ Amoso kusɔ nɛ feeŋ ya kaŋɛ Israɛlebi na e la fanɛ: ‘Ma Nɛ N La Na’ e shuŋi ma menyi kutɔ.”

Ɛksodɔs 3:15

Kede be kaman nɛ Ebɔrɛ naŋ kaŋɛ Mosis fanɛ e kaŋɛ Israɛlebi na le: “Enyɛnpe Ebɔrɛ nɛ e la men nananyɛnana Eebraham nɛ Aizek nɛ Jeekɔb be Ebɔrɛ na e shuŋi ma menyi kutɔ. Ketre ere malɛ e naaŋ baa la ma ketre hale mbaanaayɔ. Loŋ nɛ men be kaman to ebi kikɛ gba beeŋ ba kaa tre ma.

Ɛksodɔs 6:29

le nɛ e kaŋɛ: “Ma e la Enyɛnpe Ebɔrɛ na. Amoso, kaŋɛ Ijipt be ewura Fɛɛro asheŋ nɛ ŋ kaŋɛ fo ere kikɛ.”

Ɛksodɔs 6:6

Ŋkpal loŋ so, kaŋɛ Israɛl be basa na fanɛ ŋ kaŋɛ fanɛ: ‘Ma e la Enyɛnpe Ebɔrɛ na, ma alɛ beeŋ lara menyi ashi kenyaya nɛ men wɔtɔ ashi Ijipt to na to. Meeŋ bɔla ma eleŋgboŋ na so ŋ gberge Ijiptebi kusoe nɛ b shin nɛ men nya men be amu.

Ɛksodɔs 6:8

Meeŋ yɛr menyi kasawule nɛ n nase kɔnɔ fanɛ meeŋ ta n sa Eebraham nɛ Aizek nɛ Jeekɔb na so. Ma, Enyɛnpe Ebɔrɛ na beeŋ ta kumo n sa menyi nɛ k baa la menyeya.’ ”

Aizaaya 42:8

N nawule kpeŋ e la Enyɛnpe Ebɔrɛ na. M maaŋ shuli nɛ agbir ŋko edimɛdi e sɔ kemaŋkura nɛ bunyaŋ nɛ e daga ma na.

Aizaaya 43:11

N nawule kpeŋ e la Enyɛnpe Ebɔrɛ na. Ma alɛ nawule e naaŋ tiŋ m mɔlga menyi.

Aizaaya 43:15

Ma e la Enyɛnpe, menyi be Ebɔrɛ cheembi na. Israɛl, mee to fo nsaa la fo ewura.”

Aizaaya 44:6

Enyɛnpe Ebɔrɛ nɛ e bee ji kuwura Israɛl so nsaa kuŋ kumo na e kaŋɛ le: “Ma e la sososo nɛ lalaloge; n nawule e la Ebɔrɛ. Ma kaman, Ebɔrɛ kikɛ maŋ wɔtɔ.

Jɛremaya 9:24

Bekama nɛ baa sha kepuchi, b baa puchi ŋkpal b ka bee shuŋ ma, Enyɛnpe Ebɔrɛ na so. Ŋkpal manɛ so, ma kasha maa chɛrga, kusɔ nɛ k bɔla ekpa nseŋ niŋi nɛ mee wora. Asɔ nɛ e bee par ma nna na. Ma, Enyɛnpe Ebɔrɛ e kaŋɛ na.”

Ezikɛl 20:5

nseŋ naŋ kaŋɛ bumo fanɛ kusɔ nɛ Enyɛnpetale Ebɔrɛ na bee kaŋɛ e la fanɛ kachɛ nɛ e lara menyi nɛ men baa la mbe basa na, e daŋ bɔ ntaŋ nna n nase kɔnɔ n sa Jeekɔb nɛ men tutoana nseŋ lara mbe kumu ŋ ŋini bumo ashi Ijipt be efuli so ŋ kaŋɛ fanɛ e beeŋ baa la menyi nɛ men be kaman to ebi be Ebɔrɛ.

Malakai 3:6

Ma e la Enyɛnpe Ebɔrɛ nɛ maa chɛrga kikɛ na. Amoso menyi nɛ men la Jeekɔb be kaman to ebi na maaŋ mur cheche.