Ɛksodɔs 5:3 - EBƆRƐ BE KAWƆL

³ Ndoŋ nna nɛ Mosis nɛ Ɛɛrɔn kaŋɛ: “Israɛlebi be Ebɔrɛ na e lara mbe kumu ŋ ŋini anyi. Amoso sa anyi ekpa nɛ an ta nchɛ asa n nite n yɔ keshishɛrsawule na so n ya lara sarga ndoŋ n sa Enyɛnpe Ebɔrɛ nɛ e la anyi be Ebɔrɛ na. Nɛ mannɛ aloŋ e beeŋ shin nɛ alɔ ŋko kena e ba mɔ anyi.”

Ɛksodɔs 5:3 ပူးပေါင်းရင်းမြစ်များ

2 Bewura 17:25

B ka yɔ ndoŋ sososo na, b daa maa shuŋ Enyɛnpe Ebɔrɛ, ŋkpal loŋ so, e daŋ shin nna nɛ ebuluŋ mɔ basa na be beko.

2 Kronikɛls 30:8

Menyi ere e sa maŋ wora amu kpakpaso fanɛ kananɛ men nananyɛnana daŋ wora na, ama men baa nu a sa Enyɛnpe Ebɔrɛ na. Men ba men Nyɛnpe Ebɔrɛ be bɔrɛlambu cheembi nɛ k wɔ Jerusalɛm na to m ba bunyaŋ mo saŋɛ na so e maaŋ naŋ nya agbo n wɔtɔ menyi.

Ɛzra 7:23

Kusɔ kama nɛ Ebɔrɛ nɛ e wɔ ebɔrɛso na baŋ kaŋɛ fanɛ e bee sha, a daga fanɛ b wora kumo kananɛ e bee sha na manaŋ manaŋ n sa mo. Men sa maŋ shin e nya agbo n wɔtɔ ma ŋko bekama nɛ baaŋ ba ma kaman na.

Ɛksodɔs 3:18

“Nɛ fo wora loŋ, Israɛl be benimu na beeŋ nu n sa fo nɛ fo keta bumo n yɔ Ijipt be ewura Fɛɛro kutɔ n ya kaŋɛ mo le: ‘Enyɛnpe Ebɔrɛ nɛ e la Israɛlebi be Ebɔrɛ na e lara mbe kumu ŋ ŋini anyi, amoso jande, sa anyi ekpa naniere nɛ an ta nchɛ asa n nite n yɔ keshishɛrsawule na so n ya lara sarga n sa Enyɛnpe Ebɔrɛ nɛ anyi be Ebɔrɛ na.’

Ɛksodɔs 7:16

E kaŋ ba nɛ fo kaŋɛ mo le: ‘Enyɛnpe Ebɔrɛ, Israɛlebi be Ebɔrɛ na e shuŋi ma fo kutɔ fanɛ ŋ kaŋɛ fo fanɛ fo shin nɛ mbe basa e yɔ keshishɛrsawule so n ya bunyaŋ mo’, ama hale mbre fo maŋ naŋ nu n sa ma.

Ɛksodɔs 8:1

Nɛ e kaŋɛ Mosis le: “Yɔ Fɛɛro kutɔ n ya kaŋɛ mo: ‘Kusɔ nɛ Enyɛnpe Ebɔrɛ kaŋɛ e la fanɛ fo shin nɛ mbe basa e yɔ, saŋɛ na so baaŋ ya bunyaŋ mo.’

Ɛksodɔs 8:20

Nɛ Enyɛnpe Ebɔrɛ naŋ kaŋɛ Mosis: “Wule ŋ koso echefo chipurso n ya tu Fɛɛro saŋɛ nɛ e bee yɔ lɔr ase na ŋ kaŋɛ mo fanɛ Enyɛnpe Ebɔrɛ yɛ: ‘Shin nɛ ma basa e yɔ n ya bunyaŋ ma.

Ɛksodɔs 8:27

K daga fanɛ an ta nchɛ asa n nite n yɔ keshishɛrsawule na so n ya lara sarga na n sa Enyɛnpe anyi be Ebɔrɛ na fanɛ kananɛ mo gbagba yili anyi na.”

Ezikɛl 6:11

Ade kikɛ be kaman, nɛ Enyɛnpetale Ebɔrɛ na naŋ kaŋɛ: “Ezikɛl, ta fo enɔana n deŋi kumu nsaa shu a bri aya ase a boŋ to kagbenejijaso. Ŋkpal Israɛl be basa be aworbi lubi nɛ ŋ kishi ga na so, kena nɛ akoŋ nɛ alɔ mɔso e naŋ mur bumo.

Levitikɔs 26:25

Meeŋ shin bedoŋ e kɔ menyi kena ŋ gberge menyi kusoe ŋkpal men ka wora n da ma nɛ menyi be kɔnɔkoŋwule be ŋkre na so, nseŋ gama abar so ashi menyi be ndegboŋana to a fin kumɔlga menyi be amu so. Ma alɛ beeŋ naaŋ shin nɛ alɔ nɛ a maŋ kɔ kechɛ e tɔr menyi so n nyaŋ menyi nɛ men gbagba a ta menyi be amu m bɔɔ men doŋana enɔ.

Ditɛronɔmi 28:21

Enyɛnpe Ebɔrɛ na malɛ beeŋ naŋ shin nɛ alɔ lubi e tɔr menyi so nɛ menyi maaŋ nya alenfia hale n ya fo fanɛ men kikɛ ka beeŋ mur ashi kasawule nɛ menyee yɔ nɛ men ya chena so na so.