Ɛksodɔs 5:12 - EBƆRƐ BE KAWƆL

¹² Ndoŋ nna nɛ Israɛlebi pesaŋ to n sɔ Ijipt be kasawule so kikɛ a keni a fin afitiri nɛ baa ta a wɔtɔ eshii to a kuya ebirkesi na.

Ɛksodɔs 5:12 ပူးပေါင်းရင်းမြစ်များ

Ɛksodɔs 15:7

Fo kemaŋkura nɛ eleŋgboŋ wɔ kumo to na nɛ fo ta m pɔɔ bumo nɛ b kishi fo na so. Fo agbogboŋ nɛ k bee ji fanɛ edɛ be kuwuloŋ na a chɔɔ bumo burburbi fanɛ atuweklaŋ na m mur.

Ɛksodɔs 5:11

E yɛ men gbagba e baa yɔ n ya kaa fin amo ashi kakpa nɛ menyeeŋ nya amo, ama menyi alɛ e ba kraa kuya ebirkesi na nɛ a ba fo kananɛ men chɛr a kuya amo na gbagba chap.”

Ɛksodɔs 5:13

Nɛ Ijipt be basa nɛ baa keni anya na so na malɛ bɛ so a nyaŋ bumo fanɛ b kuya ebirkesi na nɛ a fo kananɛ a chɛr a fo saŋɛ nɛ b daa sa bumo afitiri na.

Aizaaya 47:14

Basa nɛ b yirda achɛkpabi baa du fanɛ atuweklaŋ nɛ abee ji edɛ nsaa maaŋ tiŋ m mɔlga amo be amu nna. Esa kama maaŋ tiŋ n ta atuweklaŋ m puga edɛ n daŋɛ ajibi. Atuweklaŋ maaŋ tiŋ n wɔl esa edɛ awo to n chɛr.

Aizaaya 5:24

Kananɛ atuweklaŋ nɛ afitiri bee wɔl nsaa ji edɛ na nɛ menyi alɛ gba beeŋ ji edɛ nɛ menyi be nliŋi e bɛ nɛ menyi be atoto malɛ e wɔl nɛ afu e gbaŋgbaŋ amo n lɛ! Ŋkpal manɛ so, men kini kesɔ Enyɛnpetale Israɛl be Ebɔrɛ cheembi na be keŋini na.

Jowɛl 2:5

B baa wɔ abee so a tɛ, bumo be egbri du fanɛ egbaŋɛturko be egbri nna, a shin nɛ kaplɛkama bee gbri waa fanɛ kananɛ edɛ bee chɔɔ afitiri wɔlso nɛ a bee gbri na. Baa pɛ abar a yɔ kena to nna.

Obadaya 1:18

Jeekɔb be kanaŋ to ebi beeŋ baa du fanɛ edɛ suse so nna nɛ Isɔɔ malɛ be kanaŋ to ebi e baa du fanɛ afitiri wɔlso nɛ baaŋ chɔɔ. Isɔɔ be kanaŋ to be ekama maaŋ naŋ ji efute. Ma, Enyɛnpetale na e kaŋɛ loŋ na.

Nahum 1:10

Baaŋ baa du fanɛ besanuupo nɛ b nuu nsa ga nɛ a pɔɔ bumo so nna; ŋko ajinjɛ nɛ atuweklaŋ nɛ a mel abar to nɛ edɛ chɔɔ amo m mur na nna.

1 Kɔrintebi 3:12

Beko bee ta shuwa ŋko gbiti ŋko ajembu mo nɛ amo be yawu du kpakpa nna a pɔr a yili gbaltɔlase na so nɛ beko malɛ bee ta ndibi ŋko afitiri ŋko atuweklaŋ a pɔr a yili gbaltɔlase na so.