Ɛksodɔs 5:10 - EBƆRƐ BE KAWƆL

¹⁰ Ndoŋ nna nɛ basa nɛ baa keni anya na so na nɛ kushuŋ na be bejuŋkparpoana yɔ n ya kaŋɛ Israɛlebi na le: “Ewura Fɛɛro yɛ e maaŋ naŋ sa menyi afitiri nɛ baa ta a wɔtɔ eshii to a kuya ebirkesi na kikɛ.

Ɛksodɔs 5:10 ပူးပေါင်းရင်းမြစ်များ

Ɛksodɔs 1:11

Ndoŋ nna nɛ Ijiptebi na lara basa fanɛ benyɛnpe nɛ baaŋ baa keni Israɛlebi na so fanɛ anya. Ndoŋ nna nɛ b ta kanyaŋ be kushuŋ a tɔrɔ Israɛlebi na nseŋ shin nɛ b pɔr nde nɛ baa tre Pitɔm nɛ Rameses na n sa ewura Fɛɛro nɛ e baa ta mbe asɔ a yili to ndoŋ.

Ɛksodɔs 3:7

Ndoŋ nna nɛ Enyɛnpe Ebɔrɛ kaŋɛ mo le: “N wu tɔrɔ mo nɛ ma basa bee ji ashi Ijipt be efuli so, ma alɛ nseŋ naŋ nu b ka bee shu ŋkpal awurfoŋ nɛ baa ji ashi anyakenipoana be enɔ to na so. Bumo be asheŋ tir ma ga.

Ɛksodɔs 5:11

E yɛ men gbagba e baa yɔ n ya kaa fin amo ashi kakpa nɛ menyeeŋ nya amo, ama menyi alɛ e ba kraa kuya ebirkesi na nɛ a ba fo kananɛ men chɛr a kuya amo na gbagba chap.”

Ɛksodɔs 5:6

Kumo be kamɔnchɛ kikɛ nɛ ewura Fɛɛro kaŋɛ basa nɛ baa keni anya na so na nɛ kushuŋ na be bejuŋkparpoana na le:

Ɛksodɔs 5:9

Men sa bumo kushuŋ kpakpaso n ti so nɛ b baa shuŋ, saŋɛ na so b maaŋ naa nya dama a nu efɛ be mmalga fuloŋ ere.”

Aŋasa 29:12

Ewura nɛ e bee nu efɛ be beyaasepo bee ki basa lubi nna.

Aizaaya 30:6

Ebɔrɛ be kubɔya nɛ e sa asɔbɔya nɛ a wɔ kiyi nɛ k wɔ Juda be efuli so be kelargato be kaseto be kaba so na nde: “Menyi basa ere bee ta ekurma nɛ enyɔma a sulɔ asɔ lela nɛ amo be yawu du kpakpa a bɔla efuli lubiana nɛ ebuluŋ nɛ awɔ lubi wɔ amoso to a yɔ efuli nɛ k maaŋ tiŋ n chɛ menyi to so.