Ɛksodɔs 40:35 - EBƆRƐ BE KAWƆL

³⁵ Mosis daa maŋ tiŋ n luri Enyɛnpe be wajɛbu na to, ŋkpal kuwɔlpa na ka daŋ buu kumo so nɛ Enyɛnpe Ebɔrɛ be kemaŋkura bɔlɔ kumo to so.

Ɛksodɔs 40:35 ပူးပေါင်းရင်းမြစ်များ

1 Bewura 8:10

Bɔrɛmatapoana na ka bee lar acheembiana to be kakpa cheembi na to, nɛ Enyɛnpe Ebɔrɛ be kuwɔlpa ba bɔlɔ bɔrɛlambu na kikɛ to

1 Bewura 8:11

nɛ mbe kefulto bee nyɛkpɛ le palpal bumo be anishito nɛ b maŋ naŋ tiŋ m bɛta n luri n ya shuŋ bumo be ashuŋ.

2 Kronikɛls 7:2

Bɔrɛmatapoana na daŋ maŋ tiŋ n luri bɔrɛlambu na to ŋkpal kefulto gboŋgboŋi nɛ k nyaŋɛ a wɔ kumo to na so.

Ɛksodɔs 16:10

Ɛɛrɔn ka bee malga a sa Israɛlebi na nɛ b keni keshishɛrsawule na be kaba so n wu Enyɛnpe be kemaŋkura ka bee nyaŋɛ kuwɔlpa to epul na to.

Ɛksodɔs 29:43

Ndoŋ nɛ ma nɛ Israɛl be basa beeŋ baa shɛr nɛ ma kemaŋkura e shin nɛ ndoŋ e ki ma kakpa cheembi.

Aizaaya 4:5

Kumo be kaman nɛ Enyɛnpe Ebɔrɛ na e shin nɛ kuwɔlpa e baa buu kebee nɛ baa tre Zayɔn na nɛ bekama nɛ b gama ndoŋ na so kapaso nseŋ shin nɛ edishi nɛ edɛ wuloŋwuloŋ nɛ kefulto e baa buu kumo so kanyɛso. Ebɔrɛ be kemaŋkura beeŋ baa buu kadegboŋ na kikɛ so a kuŋ kumo.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Aizaaya 6:4

Asɔbɔya keniso na be ebɔl be awɔr na daŋ shin nɛ bɔrɛlambu na be gbaltɔlase daa gbuŋgbuŋ nna, nɛ edishi malɛ sɔ kumo kikɛ to.

Ezikɛl 10:4

Ndoŋ nna nɛ Enyɛnpe Ebɔrɛ na be kemaŋkura shi asɔbɔya keniso na be amu so n yɔ bɔrɛlambu na be kabuna to nɛ kuwɔlpa na sɔ bɔrɛlambu na to kikɛ nɛ Enyɛnpe Ebɔrɛ na be kemaŋkura shin nɛ kelɔnɛ na kikɛ to fulto parr.

Ezikɛl 43:4

Ndoŋ nna nɛ kefulto nɛ k bee ŋini Enyɛnpe Ebɔrɛ be kemaŋkura na bɔla kabunagboŋ nɛ k wɔ epeŋilarkpa be kaba so na to n luri bɔrɛlambu na to.

Levitikɔs 16:2

“Kaŋɛ fo da Ɛɛrɔn fanɛ jemanɛ nɛ k daga nawule nɛ e beeŋ tiŋ n luri acheembiana to be kakpa cheembi nɛ k wɔ patisa na be kaman na to, ŋkpal manɛ so, ndoŋ nɛ mee bɔla kuwɔlpa nɛ k buu kɔnɔkoŋwule be ŋkre be deka na so a lara ma kumu a ŋini. Nɛ mannɛ aloŋ, e beeŋ wu.

Nɔmbɛs 7:89

Mosis ka yɔ wajɛbu na to nɛ mo nɛ Enyɛnpe Ebɔrɛ na e ya malga abar kutɔ, nɛ e nu Enyɛnpe Ebɔrɛ be ebɔl ka shi mpɔrduli nɛ baa tre Chɛrubim nɛ b pɔr n yili ŋkre be deka be buuso na so na be nferinto a malga mo kutɔ.

Nɔmbɛs 9:15

Kachɛ nɛ b yuu Enyɛnpe be wajɛbu na, awɔlpa daŋ ba buu kumo kikɛ so nna a wɔ ndoŋ. Kanyɛ baŋ biri kuwɔlpa na bee kilgi nna n duli fanɛ edɛ na.

Kelaraŋŋini 15:8

Ade be kaman nɛ edishi shi Ebɔrɛ be kemaŋkura to nɛ mbe eleŋ to n sɔ bɔrɛlambu na kikɛ to nɛ esa kikɛ malɛ daa maŋ tiŋ n luri bɔrɛlambu na to hale nɛ emalaika ashunu na be etɔrɔ ashunu na ya loge.