Ɛksodɔs 40:26 - EBƆRƐ BE KAWƆL

²⁶ Mosis daŋ shin nna nɛ b ta shuwa be bɔrɛsure na n yili patisa kuŋso na be anishito ashi Enyɛnpe be wajɛbu na to

Ɛksodɔs 40:26 ပူးပေါင်းရင်းမြစ်များ

Ɛksodɔs 40:5

Kumo be kaman nɛ fo ta shuwa be bɔrɛsure nɛ baa chɔɔ duwu kumo so na m ba yili kɔnɔkoŋwule be ŋkre be deka na be anishito nseŋ ta patisa ŋ kuŋ Ebɔrɛ be wajɛbu na be kabuna.

Levitikɔs 4:6

n ya ta mbe keshilbi n nyɔ ŋklaŋ to ŋ ŋmenyaŋ patisa nɛ k bee kuŋ kɔnɔkoŋwule be ŋkre be deka na ase ale ashunu ashi Enyɛnpe Ebɔrɛ na be anishito.

Matiu 23:19

Betanpo ere, kakɛ na nɛ bɔrɛsure na, kumo e chɔ? Kakɛ na e chɔ ŋko bɔrɛsure nɛ k shin nɛ kakɛ na ki cheembi na e chɔ?

Baru lela nɛ Jɔn kute na 11:42

N nyi fo ka bee nu ma kekule saŋkikɛ, ama ŋ kaŋɛ loŋ nna ŋkpal basa nɛ b yil nfe ere so nɛ b yirda fanɛ fo e shuŋi ma.”

Hibruwebi 10:1

Kashenteŋto, mbra na daa la kashenteŋ be asɔ nɛ a bee ba na be nduliana nawule nna, k maŋ la asɔ na gbagba. Amo be kaplɛa so, esarga koŋwule na nɛ baa lara a lara kafɛ kikɛ, amoso, le be mbra ere maŋ tiŋ n ta esa kama nɛ e ba Ebɔrɛ kutɔ ŋ ki esa cheembi kikɛ.

Hibruwebi 7:25

Amoso, e beeŋ tiŋ m mɔlga basa nɛ baa bɔla mo so a yɔ Ebɔrɛ kutɔ naniere nɛ saŋkama, ashi bumo be alubi to, ŋkpal manɛ so, saŋkikɛ e wɔtɔ nna a kule Ebɔrɛ a sa anyi.

1 Jɔn 2:1

Ma mbi shasoana, mee sibɛ kawɔl ere nna a sa menyi nɛ men sa maŋ wora alubi. Ama nɛ k ba fanɛ ekama nɛ e ba wora kulubi bre, an kɔ ematapo ashi anyi nɛ Ebɔrɛ Etuto na be nferinto. Mo e la Yesu Kristo, esa nɛ e la esa lela Ebɔrɛ be anishito na.