Ɛksodɔs 40:20 - EBƆRƐ BE KAWƆL

²⁰ Ade be kaman nɛ e ta mbra be ajembu anyɔ na n wɔtɔ kɔnɔkoŋwule be ŋkre be deka na to nseŋ ta buuso nɛ baa tre kuwɔr be kakpa na m buu kumo so nseŋ shin nɛ b nyisi ndibi nɛ baa pɛ to a maŋ kumo so na n wɔtɔ amo be mpinibi na be amaŋ to.

Ɛksodɔs 40:20 ပူးပေါင်းရင်းမြစ်များ

1 Bewura 8:9

Shɛŋ shɛŋ daa maŋ wɔ ŋkre be deka na to ama ajembufalta anyɔ nɛ Mosis daŋ ta n wɔtɔ kumo to ashi kebeegboŋ nɛ baa tre Sainai na ase, saŋɛ so nɛ Enyɛnpe Ebɔrɛ daŋ lara Israɛlebi na Ijipt be efuli so nɛ bumo nɛ mo nase nnɔ n sa abar dra dra na.

1 Kronikɛls 15:3

Kumo be kaman nɛ Deevid tre Israɛlebi na kikɛ m ba Jerusalɛm, nɛ b ya ta ŋkre be deka na m ba wajɛbu nɛ e yuu ŋkpal kumo so na to.

2 Kronikɛls 5:10

Shɛŋ shɛŋ daa maŋ wɔ ŋkre be deka na to ama ajembu paŋgelambi anyɔ nɛ Mosis daŋ ta n wɔtɔ kumo to ashi kebeegboŋ nɛ baa tre Sainai na ase saŋɛ so nɛ Israɛlebi na lar Ijipt be efuli so nɛ bumo nɛ Enyɛnpe Ebɔrɛ yili ŋkre n sa abar na.

Nshɛ 40:8

“Kebaa wora fo aparsheŋ e naa fuli ma kagbene, amoso n ta fo mbra n wɔtɔ ma kagbene to nna.”

Ɛksodɔs 16:34

Enyɛnpe Ebɔrɛ ka baŋ kaŋɛ Mosis na, nɛ e shin nɛ Ɛɛrɔn ta amo n yili kɔnɔkoŋwule be ŋkre be deka na be anishito, nɛ a baa yil ndoŋ.

Ɛksodɔs 26:34

n ta buuso nɛ baa tre kuwɔr be kakpa na m buu deka na so ashi acheembiana to be kakpa cheembi na to.

Ɛksodɔs 31:18

Ebɔrɛ ka malga Mosis kutɔ n loge ashi Sainai be kebee na so nɛ e ta ajembu pantraŋ pantrambi anyɔ nɛ mo ere Ebɔrɛ gbagba sibɛ mbe mbra n deŋi so na n sa Mosis.

Ɛksodɔs 40:19

Kede be kaman nɛ e shin nɛ b ta patisagboŋ na m parga m buu Ebɔrɛ be wajɛbu na so nseŋ naŋ ta asɔbɔya be nwɔl nɛ b gbiti nɛnɛ na malɛ n deŋi patisagboŋ na so fanɛ kananɛ Enyɛnpe Ebɔrɛ daŋ kaŋɛ mo na.

Ɛksodɔs 40:3

nseŋ ta kɔnɔkoŋwule be ŋkre be deka nɛ mbra kudu na wɔtɔ na n yili kumo to n ta patisa kuŋso na ŋ kuŋ kumo so.

Matiu 3:15

Ndoŋ nna nɛ Yesu kaŋɛ mo le: “Sa maŋ kuŋ ma kumo be ekpa naniere, ŋkpal manɛ so, loŋ e daga fanɛ an wora asheŋ nɛ a bɔla ekpa nɛ Ebɔrɛ nase na kikɛ.” Ndoŋ nna nɛ Jɔn shuli m bɛr mo kabɔrɛbɛr na.

Romebi 10:4

Kristo malɛ e bar mbra na ekar, saŋɛ na so, ekama nɛ e yirda, Ebɔrɛ beeŋ shin nɛ mo nɛ amodoŋwura e nyalɛ.

Romebi 3:25

Ebɔrɛ ta mo nna n sa basa nɛ e wu m mata be luwu nɛ k bee shin nɛ dimɛdi bee bɔla yirda so a nya alubi be ketampaŋ na. Ebɔrɛ wora loŋ nna nɛ e ŋini kananɛ e bee ji asheŋ nɛ amo be ekpa so, ŋkpal manɛ so, saŋɛ na e daa nyi basa be alubi nna nsaa nyiti bumo.

Ditɛronɔmi 10:5

nɛ n ta amo ŋ gbelge kebeegboŋ na so m ba wɔtɔ deka na to fanɛ kananɛ Enyɛnpe Ebɔrɛ na kaŋɛ na. Amo alɛ kraa wɔ deka na to hale nɛ mbre.”

Hibruwebi 4:16

Amoso, naniere, men shin nɛ an nya kagbene m ba Ebɔrɛ na be kuwurputiakpa, kakpa nɛ kuwɔr be kakɛ wɔ na. Ndoŋ nɛ Ebɔrɛ beeŋ wu anyi kuwɔr nɛ an nya kuwɔr be kakɛ mo nɛ k beeŋ chɛ anyi to saŋɛ nɛ k daga na.

Hibruwebi 9:4

Ndoŋ nɛ shuwa be bɔrɛsure nɛ baa chɔɔ duwu kumo so na wɔ. Ndoŋ koŋwule na nɛ kɔnɔkoŋwule be ŋkre be deka nɛ duwu mata m mata kumo kikɛ so na daa wɔ nɛ shuwa be kapuya nɛ k kɔ manna na. Ɛɛrɔn be kekpabi nɛ k bee purge afantaŋ na nɛ ajembu anyɔ nɛ b sibɛ mbraana na n deŋi so na malɛ kikɛ daa wɔ deka na to nna.

1 Jɔn 2:2

Mo e wu m mata be luwu nɛ k shin nɛ an nya alubi be ketampaŋ. Mannɛ anyi nawule be alubi so nɛ e wu, durnyaebi kikɛ be alubi so nɛ e wu.