Ɛksodɔs 40:10 - EBƆRƐ BE KAWƆL

¹⁰ Kumo be kaman nɛ fo ta ŋku nɛfaso na ŋ ŋmenyaŋ bɔrɛsure nɛ baa chɔɔ sarga kumo so na nɛ kumo be asɔwurbi kikɛ nyam so n ta kumo m bɔɔ ma Ebɔrɛ enɔ nɛ k ki kusɔ cheembi.

Ɛksodɔs 40:10 ပူးပေါင်းရင်းမြစ်များ

Ɛksodɔs 30:29

Men ta asɔ na kikɛ m bɔɔ ma enɔ nɛ amo kikɛ e ki cheembi nɛ kusɔ kama malɛ gba nɛ k beta amo e ki cheembi.

Ɛksodɔs 40:11

Kede malɛ be kaman nɛ fo ta ŋku nɛfaso na ŋ ŋmenyaŋ katishaŋgboŋ na nɛ kumo be ketɔl gba so n ta amo m bɔɔ ma, Ebɔrɛ enɔ.

Aizaaya 11:2

Enyɛnpe Ebɔrɛ na be kiyoyu e naŋ sa mo kanyiasheŋ nɛ kashennyi nɛ kasheŋwora be kenyi nɛ e ta n ji kuwura mbe basa so nɛnɛ. E beeŋ baa nyi Enyɛnpe Ebɔrɛ na be aparsheŋ nsaa bunyaŋ mo.

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Levitikɔs 8:11

Kumo be kaman nɛ e naŋ wora ŋku nɛfaso na be ako ŋ ŋmenyaŋ bɔrɛsure na nɛ kumo be echeenshi nɛ danyaŋ be cheenshigboŋ na nɛ kumo be ketɔl kikɛ so ale shunu nɛ amo kikɛ ki cheembi.

Luuk 1:35

Nɛ malaika na shuli so ŋ kaŋɛ: “Kiyoyu Cheeŋ na e naaŋ gbelge fo so nɛ Ebɔrɛ be eleŋ e ba buu fo so. Amoso, baaŋ tre kebia cheembi nɛ feeŋ kurge na Ebɔrɛ Pibinyɛn.

Baru lela nɛ Jɔn kute na 17:19

Bumo alɛ so mee lara ma kumu nna a yili a sa fo, saŋɛ na so bumo alɛ gba beeŋ lara bumo be amu n yili n sa fo kashenteŋto.

Baru lela nɛ Jɔn kute na 3:34

Emo nɛ Ebɔrɛ shuŋi na bee malga Ebɔrɛ be mmalga nna, ŋkpal manɛ so, Ebɔrɛ shin nɛ mbe Kiyoyu na bɔlɔ mo to felɛlɛ.

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.