Ɛksodɔs 4:31 - EBƆRƐ BE KAWƆL

³¹ nɛ b yirda kusɔ nɛ e kaŋɛ na. Kumo be buushi, Israɛlebi na ka nu fanɛ Enyɛnpe Ebɔrɛ wu kananɛ baa tɔrɔ bumo na nsaa shin nɛ e chɛ bumo to nɛ b gbir m bunyaŋ mo.

Ɛksodɔs 4:31 ပူးပေါင်းရင်းမြစ်များ

Jɛnesis 17:3

Ndoŋ nna nɛ Eebram gbir ŋ kurgi kumu n yuu. E ka wora loŋ na nɛ Ebɔrɛ kaŋɛ le:

Jɛnesis 24:26

Kanyɛn na ka nu loŋ na nɛ e gbir m bunyaŋ Enyɛnpe Ebɔrɛ na

Jɛnesis 29:32

Amoso Lia daŋ di kedampo nna ŋ kurge ebinyɛn nseŋ kaŋɛ le: “Enyɛnpe na wu ma kagbenejija nseŋ chɛ ma to, amoso naniere bre ŋ kul beeŋ baa sha ma.” Ŋkpal loŋ so nɛ e nase kebia na Ruben.

Jɛnesis 50:24

Kachako nɛ e kaŋɛ mo daana na le: “To, k maaŋ naŋ chɛr ko nɛ n wu, ama abaanaaworasheŋ Ebɔrɛ maaŋ yige menyi n to, e beeŋ keni menyi so nseŋ juŋkpar menyi, n lara menyi kasawule ere so n ta menyi n yɔ kakpa nɛ e daŋ nase kɔnɔ n sa Eebraham nɛ Aizek nɛ Jeekɔb fanɛ e beeŋ sa na.”

1 Kronikɛls 29:20

Kede be kaman nɛ ewura Deevid kaŋɛ basa na kikɛ le: “Men di Enyɛnpe men nananyɛnana be Ebɔrɛ na epaŋ.” Ndoŋ nna nɛ basa na kikɛ di Ebɔrɛ epaŋ nseŋ jɔŋɛ ŋ kurgi bumo be amu n yuu to m bunyaŋ Enyɛnpe Ebɔrɛ nɛ ewura Deevid kikɛ.

2 Kronikɛls 20:18

Ndoŋ nna nɛ ewura Jehoshafat nɛ basa na kikɛ kurgi amu n yuu to, m bunyaŋ Enyɛnpe Ebɔrɛ.

2 Kronikɛls 32:8

Dimɛdi be eleŋ nɛ mo ere kɔ, ama anyi ere kɔ Enyɛnpe anyi be Ebɔrɛ na nna nɛ e bee kɔ anyi be ana a sa anyi. Ndoŋ nna nɛ basa na nya keleŋto ŋkpal kusɔ nɛ ewura kaŋɛ na so.”

2 Kronikɛls 7:3

Israɛlebi na kikɛ ka wu edɛ na ka shi esoso m ba sɔ bɔrɛlambu na kikɛ to na, nɛ b gbir m bunyaŋ Ebɔrɛ a di mo epaŋ ŋkpal mbe kelela nɛ mbe kasha nɛ k wɔtɔ mbaanaayɔ so.

Nehemaya 8:6

Ɛzra ka kraŋ kawɔl na n loge nɛ e kaŋɛ: “Kemaŋkura e baa la Enyɛnpe Ebɔrɛ nɛ e shi ga na peya!” Nɛ basa na kikɛ maŋ bumo be enɔana esoso nseŋ shuli so ŋ kaŋɛ: “Amɛn! Amɛn!” Kumo be kaman nɛ b gbir ŋ kurgi bumo be amu n yuu to m bunyaŋ Enyɛnpe Ebɔrɛ na.

Job be kawɔl 1:20

Job ka nu le be asheŋ ere kikɛ, nɛ e pɛ mbe asɔbuuso ŋ kpɛa to nseŋ she mbe kumu so be emin kikɛ ŋkpal kagbenejija damta nɛ k tɔr mo so na so. Kumo be kaman nɛ e gbir m bunyaŋ Ebɔrɛ

Ɛksodɔs 12:27

Men kaŋɛ bumo fanɛ: ‘K la Enyɛnpe Ebɔrɛ be kebansonchoŋ be sarga nna. E daŋ baŋ anyi Israɛlebi be nwu so nna ashi Ijipt be efuli so nseŋ ya mɔ Ijiptebi be ewurkoŋnyɛnana, ama shɛŋ daa maŋ wora anyi ere be basa.’ ” Ndoŋ nna nɛ Israɛlebi gbir m bunyaŋ Enyɛnpe Ebɔrɛ na.

Ɛksodɔs 14:31

Israɛlebi na ka wu eleŋgboŋ nɛ Enyɛnpe Ebɔrɛ ŋini ŋ kɔ m pɔɔ Ijiptebi na so na nɛ b bunyaŋ Enyɛnpe Ebɔrɛ na nseŋ yirda mo nɛ mbe kayɛrbi Mosis.

Ɛksodɔs 19:8

Nɛ basa na kikɛ chɛ abar n shuli so ŋ kaŋɛ: “Anyeeŋ wora asheŋ nɛ Ebɔrɛ kaŋɛ na kikɛ.” Kumo be kaman nɛ Mosis ya kaŋɛ Enyɛnpe Ebɔrɛ kusɔ nɛ basa na malɛ kaŋɛ na.

Ɛksodɔs 19:9

Nɛ Enyɛnpe Ebɔrɛ kaŋɛ Mosis: “Keni, meeŋ bɔla kuwɔlpagboŋ ko to a malga fo kutɔ, saŋɛ na so basa na beeŋ nu ŋ ka bee malga fo kutɔ nsaa yirda fo saŋkama.” Ndoŋ nna nɛ Mosis naŋ kaŋɛ Enyɛnpe Ebɔrɛ asheŋ nɛ bejuŋkparpoana na malɛ malga kikɛ.

Ɛksodɔs 2:25

Israɛlebi na be asheŋ daŋ tir mo ga m pɛ mo kuwɔr ŋkpal kenyaya nɛ b daa wɔ to na so.

Ɛksodɔs 3:16

Yɔ n ya tre Israɛlebi na be bejuŋkparpo kikɛ n shɛr ŋ kaŋɛ bumo fanɛ Enyɛnpe Ebɔrɛ nɛ e la men nananyɛnana, Eebraham nɛ Aizek nɛ Jeekɔb be Ebɔrɛ na e lar ma so ŋ kaŋɛ: ‘Ŋ keni n wu kusɔ nɛ baa wora menyi ashi Ijipt be efuli so nɛ menyi be asheŋ tir ma ga.’

Ɛksodɔs 3:18

“Nɛ fo wora loŋ, Israɛl be benimu na beeŋ nu n sa fo nɛ fo keta bumo n yɔ Ijipt be ewura Fɛɛro kutɔ n ya kaŋɛ mo le: ‘Enyɛnpe Ebɔrɛ nɛ e la Israɛlebi be Ebɔrɛ na e lara mbe kumu ŋ ŋini anyi, amoso jande, sa anyi ekpa naniere nɛ an ta nchɛ asa n nite n yɔ keshishɛrsawule na so n ya lara sarga n sa Enyɛnpe Ebɔrɛ nɛ anyi be Ebɔrɛ na.’

Ɛksodɔs 3:7

Ndoŋ nna nɛ Enyɛnpe Ebɔrɛ kaŋɛ mo le: “N wu tɔrɔ mo nɛ ma basa bee ji ashi Ijipt be efuli so, ma alɛ nseŋ naŋ nu b ka bee shu ŋkpal awurfoŋ nɛ baa ji ashi anyakenipoana be enɔ to na so. Bumo be asheŋ tir ma ga.

Ɛksodɔs 33:10

Saŋkama nɛ basa na baŋ wu kuwɔlpa na ka yili nshɛr be wajɛbu na be kabuna to, bumo kikɛ bee gbir bumo be wajɛbu be kabuna to nna a bunyaŋ.

Ɛksodɔs 34:8

Epul na to nɛ Mosis gbir m bunyaŋ Ebɔrɛ na

Ɛksodɔs 4:5

Nɛ Enyɛnpe Ebɔrɛ kaŋɛ Mosis: “Fo baŋ wora loŋ, baaŋ yirda fanɛ Enyɛnpe Ebɔrɛ, bumo nananyɛnana Eebraham nɛ Aizek nɛ Jeekɔb be Ebɔrɛ na e lar fo so.”

Zefanaiya 2:7

Juda be efuli so be basa nɛ baaŋ ji efute na beeŋ sɔ menyi be kasawule n chena so. Baaŋ baa kpa bumo be mbolpɔ a yɔ keji to ndoŋ nsaa di nwu nɛ a wɔ Ashkɛlɔn na to. Enyɛnpe bumo be Ebɔrɛ na beeŋ baa wɔ bumo kutɔ nseŋ shin nɛ b naŋ dii dama.

Luuk 1:68

“Men shin nɛ an di Enyɛnpe, Israɛl be Ebɔrɛ epaŋ. Mo e ba mbe basa be kechɛto to m ba sɔ bumo n yige.

Luuk 8:13

Asɔ duuso nɛ a tɔr kejasawule so na du fanɛ basa nɛ baa nu kamalga na nsaa sɔ kumo nɛ kagbenefuli na nna. Ama k maa luri bumo to nɛnɛ, amoso, b maa yirda a yɔ kufɔ. Kechɔŋkeni be jemanɛ baŋ ya fo nɛ b bɛ so ŋ gben.

Ruf be kawɔl 1:6

E wɔ Mowab nna nseŋ nu fanɛ Enyɛnpe Ebɔrɛ na wora mo ere Enyɛnpe Ebɔrɛ na be basa kechɛto n sa bumo ajibi. Nawomi ka nu loŋ na nɛ mo nɛ mo shacheana na bela ase nɛ b kaa Mowab m bɛta n yɔ Nawomi be efuli so.