Ɛksodɔs 4:23 - EBƆRƐ BE KAWƆL

²³ Amoso nɛ n yɛ fo shin nɛ ma basa e yɔ n ya bunyaŋ ma na. Nɛ fo baŋ kini, kumo ere, meeŋ mɔ fo wurkoŋnyɛn.’ ”

Ɛksodɔs 4:23 ပူးပေါင်းရင်းမြစ်များ

Nshɛ 105:36

Ade kikɛ nyam be kaman nɛ Ebɔrɛ shin nɛ Ijiptebi be ewurkoŋnyɛn kikɛ nyam wu.

Nshɛ 135:8

Enyɛnpe Ebɔrɛ na e daŋ mɔ Ijipt be efuli so be ewurkoŋ nɛ asɔbɔya be bibi juŋkparso kikɛ na.

Nshɛ 136:10

Mo e daŋ shin nɛ Ijipt be efuli so be kanaŋ kikɛ to be wurkoŋ wu na; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 78:51

E daŋ shin nɛ Ijipt be efuli so be ewurkoŋnyɛn kikɛ wu nna.

Ɛksodɔs 10:3

Ndoŋ nna nɛ Mosis nɛ Ɛɛrɔn naŋ yɔ Fɛɛro kutɔ n ya kaŋɛ mo fanɛ Enyɛnpe Ebɔrɛ, Israɛlebi be Ebɔrɛ na yɛ: “Shin nɛ ma basa e yɔ, saŋɛ na so, baaŋ ya bunyaŋ ma.

Ɛksodɔs 10:4

Nɛ fo baŋ kini keshin nɛ ma basa yɔ, meeŋ shin nɛ elotɔr e ba fo efuli ere so echefo.

Ɛksodɔs 11:5

Kaplɛkama malɛ nɛ e yɔ be ewurkoŋ nyɛnso beeŋ wu. Yili ewura Fɛɛro n ya fo kenyache nɛ e bee kɔr ayu be ewurkoŋ nyɛnso beeŋ wu, nɛ asɔbɔya na gba peya e wu.

Ɛksodɔs 12:29

Kumo be kamɔnchɛ kiidiso nɛ Enyɛnpe Ebɔrɛ luri Ijipt to m mɔ ewurkoŋnyɛn kikɛ ashi Ijipt be kasawule so. Yili Fɛɛro n ya fo esa nɛ e wɔ kabuti to be wurkoŋ nyɛnso nɛ asɔbɔya kikɛ peya nɛ e daŋ mɔ.

Ɛksodɔs 13:15

Ama saŋɛ nɛ Fɛɛro daŋ wora kagbene kpakpaso ŋ kini keshin nɛ an yɔ na, Enyɛnpe Ebɔrɛ daŋ mɔ Ijipt be kasawule so be ewurkoŋnyɛn kikɛ nna, edimɛdi nɛ asɔbɔya kikɛ peya. Ŋkpal loŋ so nɛ an ta asɔbɔya be bibinyɛn juŋkparso kikɛ a lara sarga a sa Enyɛnpe Ebɔrɛ na nsaa shin nɛ anyi be ewurkoŋnyɛn malɛ kikɛ bee ki cheembi a wɔtɔ a sa mo na.

Ɛksodɔs 18:8

Nɛ Mosis kaŋɛ mo shanyɛn asheŋ nɛ Enyɛnpe Ebɔrɛ wora Fɛɛro nɛ Ijipt be basa kikɛ ŋkpal Israɛlebi be kenya kumɔlga so. Kumo be kaman nɛ e naŋ kaŋɛ mo etɔrɔ nɛ a tu bumo ashi ekpa to na kikɛ nɛ kananɛ Enyɛnpe Ebɔrɛ chɛ bumo to ashi amo kikɛ to.

Ɛksodɔs 3:18

“Nɛ fo wora loŋ, Israɛl be benimu na beeŋ nu n sa fo nɛ fo keta bumo n yɔ Ijipt be ewura Fɛɛro kutɔ n ya kaŋɛ mo le: ‘Enyɛnpe Ebɔrɛ nɛ e la Israɛlebi be Ebɔrɛ na e lara mbe kumu ŋ ŋini anyi, amoso jande, sa anyi ekpa naniere nɛ an ta nchɛ asa n nite n yɔ keshishɛrsawule na so n ya lara sarga n sa Enyɛnpe Ebɔrɛ nɛ anyi be Ebɔrɛ na.’

Ɛksodɔs 5:1

Ade kikɛ be kaman nɛ Mosis nɛ Ɛɛrɔn yɔ Ijipt be ewura Fɛɛro kutɔ n ya kaŋɛ mo le: “Enyɛnpe Ebɔrɛ nɛ e la Israɛlebi be Ebɔrɛ na yɛ: ‘Shin nɛ ma basa e yɔ n ya wora kejigboŋ m bunyaŋ ma ashi keshishɛrsawule na so.’ ”

Ɛksodɔs 6:11

“Yɔ Ijipt be ewura Fɛɛro gbagba kutɔ n ya kaŋɛ mo fanɛ e shin nɛ Israɛlebi na e lar mbe kasawule so n yɔ.”

Ɛksodɔs 7:16

E kaŋ ba nɛ fo kaŋɛ mo le: ‘Enyɛnpe Ebɔrɛ, Israɛlebi be Ebɔrɛ na e shuŋi ma fo kutɔ fanɛ ŋ kaŋɛ fo fanɛ fo shin nɛ mbe basa e yɔ keshishɛrsawule so n ya bunyaŋ mo’, ama hale mbre fo maŋ naŋ nu n sa ma.

Ɛksodɔs 8:1

Nɛ e kaŋɛ Mosis le: “Yɔ Fɛɛro kutɔ n ya kaŋɛ mo: ‘Kusɔ nɛ Enyɛnpe Ebɔrɛ kaŋɛ e la fanɛ fo shin nɛ mbe basa e yɔ, saŋɛ na so baaŋ ya bunyaŋ mo.’

Ɛksodɔs 8:16

Kede be kaman nɛ Enyɛnpe Ebɔrɛ naŋ kaŋɛ Mosis: “Kaŋɛ Ɛɛrɔn fanɛ e ta mbe kekpabi na ŋ ŋmɛa kasawule be shishɛr so nɛ a kilgi asɔ firgisobi duŋso ko n sɔ Ijipt be kasawule so kikɛ.”

Ɛksodɔs 8:17

Nɛ loŋ wora. Ɛɛrɔn daŋ teŋi mbe kekpabi na nna ŋ ŋmɛa kasawule na be shishɛr so nɛ eshishɛr na kilgi asɔ firgiso duŋso ko m mel edimɛdi nɛ asɔbɔya kikɛ so. Ijipt be kasawule so be eshishɛr kikɛ daŋ kilgi asɔ firgiso duŋso na nna n sɔ Ijipt be kaplɛkama.

Ɛksodɔs 8:20

Nɛ Enyɛnpe Ebɔrɛ naŋ kaŋɛ Mosis: “Wule ŋ koso echefo chipurso n ya tu Fɛɛro saŋɛ nɛ e bee yɔ lɔr ase na ŋ kaŋɛ mo fanɛ Enyɛnpe Ebɔrɛ yɛ: ‘Shin nɛ ma basa e yɔ n ya bunyaŋ ma.

Ɛksodɔs 9:1

Ade kikɛ be kaman nɛ Enyɛnpe Ebɔrɛ naŋ kaŋɛ Mosis: “Yɔ Fɛɛro kutɔ n ya kaŋɛ mo fanɛ Enyɛnpe Ebɔrɛ, Israɛlebi be Ebɔrɛ na yɛ: ‘Shin nɛ ma basa e yɔ, saŋɛ na so baaŋ ya bunyaŋ ma.

Ɛksodɔs 9:13

Kumo be kaman nɛ Enyɛnpe Ebɔrɛ naŋ kaŋɛ Mosis le: “Echefo kachipurdidi, fo wule ŋ koso n ya tu ewura Fɛɛro ŋ kaŋɛ mo fanɛ Enyɛnpe Ebɔrɛ Israɛlebi be Ebɔrɛ na yɛ: ‘Shin nɛ ma basa e yɔ, saŋɛ na so baaŋ ya bunyaŋ ma.

Ɛksodɔs 9:2

Fo baŋ kini keshin nɛ b yɔ nseŋ kraa kɔ bumo to,

Hoziya 11:1

Enyɛnpe Ebɔrɛ yɛ: “Jemanɛ so nɛ Israɛl wɔ Ijipt be efuli so fanɛ kebia na nɛ n tre mo n lar ndoŋ fanɛ m pibinyɛn shaso.