Ɛksodɔs 4:21 - EBƆRƐ BE KAWƆL

²¹ Nɛ Enyɛnpe Ebɔrɛ naŋ kaŋɛ Mosis: “Fo kaŋ fo Ijipt, fo nyiŋi n wora emamachisheŋ nɛ n sa fo amo be eleŋ na kikɛ ashi ewura Fɛɛro be anishito. Ama meeŋ shin nɛ e wora mbe kagbene kpakpa ŋ kini fanɛ e maaŋ shin nɛ basa na e yɔ.

Ɛksodɔs 4:21 ပူးပေါင်းရင်းမြစ်များ

Jɛnesis 6:3

Kachako nɛ Enyɛnpetale kaŋɛ: “M maaŋ shin nɛ kiyoyu nɛ n ta n wɔtɔ dimɛdi to na e baa wɔ mo to mbaanaayɔ, ŋkpal manɛ so, e la eyur nɛ ŋklaŋ nna, amoso e beeŋ ji nfɛ kalfa nɛ adunyɔ nawule nna durnya ere to.”

1 Bewura 22:22

Nɛ Enyɛnpe Ebɔrɛ bishi mo le: ‘Ekpa mo so nɛ feeŋ bɔla n shin nɛ e yɔ?’ Nɛ kiyoyu na kaŋɛ: ‘Meeŋ ya shin nɛ Ahab be anebiana kikɛ e fule mo.’ ” Nɛ Enyɛnpe Ebɔrɛ na kaŋɛ: “Ya wora loŋ. Feeŋ pɔɔ so.”

Nshɛ 105:25

E daŋ shin nna nɛ Ijiptebi na kishi mbe basa nsaa kre bumo asheŋ lubi be nia.

Nshɛ 78:43

B daŋ teŋ emamachisheŋ nɛ e wora ashi Zowan be kebonfu so ashi Ijipt be efuli so na nna.

Ɛksodɔs 10:1

Kede be kaman nɛ Enyɛnpe Ebɔrɛ naŋ kaŋɛ Mosis le: “Naŋ yɔ ewura Fɛɛro kutɔ n ya shin nɛ mo nɛ mbe beyaasepo kikɛ be ŋgbene e ki kpakpa, saŋɛ na so meeŋ wora ma emamachisheŋ ere nɛ b wu amo.

Ɛksodɔs 10:20

Ama ade kikɛ be kaman nɛ Enyɛnpe Ebɔrɛ naŋ shin nɛ Fɛɛro be kagbene naŋ ki kpakpa nɛ e naŋ kini keshin nɛ Israɛlebi na e yɔ.

Ɛksodɔs 10:27

Ama Enyɛnpe Ebɔrɛ daŋ shin nɛ Fɛɛro naŋ wora kagbene kpakpaso ŋ kini keshin nɛ b yɔ.

Ɛksodɔs 11:10

Kashenteŋ nɛ Mosis nɛ Ɛɛrɔn daŋ wora emamachisheŋ damta ere kikɛ ewura Fɛɛro be anishito, ama Enyɛnpe Ebɔrɛ daŋ shin nna nɛ Fɛɛro wora kagbene kpakpaso ŋ kini keshin nɛ Israɛl be basa na e lar mbe efuli so.

Ɛksodɔs 11:9

Ama Enyɛnpe Ebɔrɛ teŋ kaŋɛ Mosis fanɛ ewura Fɛɛro maaŋ nu n sa mo, saŋɛ na so, mo ere Ebɔrɛ be emamachisheŋ beeŋ wora keshi Ijipt to.

Ɛksodɔs 14:17

Meeŋ naŋ shin nɛ Ijiptebi na be ŋgbene e ki kpakpa nɛ b yuu teku na to m bɛ bumo so, saŋɛ na so nɛ n nya kemaŋkura ŋkpal kusɔ nɛ meeŋ wora ewura Fɛɛro nɛ mbe benapo so so.

Ɛksodɔs 14:4

Kumo be kaman nɛ n naŋ shin nɛ Fɛɛro be kagbene e ki kpakpa nɛ e ju m buu menyi so, saŋɛ na so meeŋ mur Fɛɛro nɛ mbe beyaasepo kikɛ nɛ Ijiptebi e pin fanɛ ma e la Enyɛnpe Ebɔrɛ nɛ kemaŋkura bɔlɔ ma to na.” Ndoŋ nna nɛ Israɛlebi na wora kusɔ nɛ Mosis kaŋɛ bumo na.

Ɛksodɔs 14:8

Nɛ Enyɛnpe Ebɔrɛ naŋ shin nɛ Ijipt be ewura Fɛɛro be kagbene naŋ ki kpakpa nɛ e ju m buu Israɛl be basa na so, ŋkpal kananɛ b daŋ lar Ijipt a fɛ fanɛ shɛŋ shɛŋ maaŋ naŋ tiŋ n wora bumo na so so.

Ɛksodɔs 3:19

Ama n nyi Ijipt be ewura na ka maaŋ shin nɛ men yɔ, ama m baŋ ki mbe enɔ to nna pɔɛŋ nɛ e shuli.

Ɛksodɔs 3:20

Amoso meeŋ ŋini ma eleŋ nseŋ wora emamachisheŋ ŋ gberge Ijiptebi kusoe ndoŋ nɛ kufu e pɛ bumo ga. Kumo be kaman nɛ e shin nɛ men yɔ.

Ɛksodɔs 7:13

Ama ade kikɛ be kaman Fɛɛro kraŋ wora kagbene kpakpaso nna nseŋ kini kenu n sa Mosis nɛ Ɛɛrɔn fanɛ kananɛ Enyɛnpe Ebɔrɛ kaŋɛ na.

Ɛksodɔs 7:3

Ama meeŋ shin nɛ Fɛɛro e wora mbe kagbene kpakpa. Hale nɛ n wora etɔɔnɛsheŋ nɛ emamachisheŋ damta m bɛ abar so ashi Ijipt be kasawule so gba,

Ɛksodɔs 8:11

To, epulo na beeŋ shile ashi fo nɛ fo beyaasepo nɛ fo basa be elaŋana kikɛ to. Nail be lɔr nawule to peya e naaŋ ka.”

Ɛksodɔs 8:15

Fɛɛro ka wu fanɛ epulo na be tɔrɔ na loge nɛ e naŋ wora mbe kagbene kpakpa nseŋ kini kenu n sa Mosis nɛ Ɛɛrɔn fanɛ kananɛ Enyɛnpe Ebɔrɛ kaŋɛ na.

Ɛksodɔs 8:32

Ama kumo alɛ gba be kaman, ewura Fɛɛro daŋ wora kagbene kpakpaso nna ŋ kini fanɛ e maŋ shin nɛ basa na e yɔ.

Ɛksodɔs 9:12

Ama ade kikɛ gba be kaman, Enyɛnpe Ebɔrɛ kraŋ shin nɛ ewura Fɛɛro wora kagbene kpakpaso nseŋ kini kenu n sa Mosis nɛ Ɛɛrɔn fanɛ kananɛ Enyɛnpe Ebɔrɛ baŋ kaŋɛ na.

Ɛksodɔs 9:35

Ndoŋ nna nɛ ewura Fɛɛro naŋ kini keshin nɛ Israɛl be basa na e yɔ fanɛ kananɛ Enyɛnpe Ebɔrɛ daŋ kaŋɛ fanɛ e beeŋ shin nɛ e wora na.

Aizaaya 6:10

Kumo be kaman nɛ e naŋ kaŋɛ ma le: “Shin nɛ basa ere be nfɛra e mel to nɛ bumo be asoe e ti nɛ bumo be anishi e tan, saŋɛ na so b maaŋ baa wu ŋko a nu ŋko a pin asheŋ to. Nɛ mannɛ aloŋ, baaŋ baa wu ŋko a nu ŋko a pin asheŋ to nseŋ bɛta m ba ma kutɔ m ba nya kechɛ.”

Aizaaya 63:17

Enyɛnpe Ebɔrɛ, manɛ nna nɛ fo shin nɛ an foe n lar fo ekpa so n ta ŋkpensheŋ n shile fo? Jande bɛta m ba anyi kutɔ! An la fo nyɛrbi nɛ fo gbagba be basa nna.

Baru lela nɛ Jɔn kute na 12:40

“N tan bumo be anishiana nseŋ ti bumo be ŋgbeneana, nɛ mannɛ aloŋ, bumo be anishiana beeŋ bugi asheŋ be kewuto nɛ bumo be ŋgbene e bugi asheŋ be kepinto nɛ b ba ma kutɔ nɛ n lara bumo ashi bumo be kebaawɔtɔ na to n sa bumo kebaawɔtɔ popɔr.”

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

Romebi 9:18

Amoso, nɛ Ebɔrɛ baa sha kewu esa kuwɔr, e beeŋ wu mo kuwɔr nɛ e naa sha keshin nɛ esa be kumu e baa du kpakpa, e beeŋ shin nɛ k baa du loŋ.

2 Kɔrintebi 2:16

Bumo nɛ baa mur na, k la fanɛ kɔrtɔ lubi nna a mɔ, ama bumo nɛ baa nya kumɔlga na bre, k la fanɛ efɛa belbelso nna a bar ŋkpa. To, nɛ wanɛ e naaŋ tiŋ n wora le be kesheŋ ere?

Ditɛronɔmi 2:36

Enyɛnpe anyi be Ebɔrɛ na daŋ shin nɛ an yili kade nɛ baa tre Arowa nɛ k wɔ Aanɔn be ketaŋɛ be ekarso na nɛ kadegboŋ nɛ k wɔ ketaŋɛ na to na nna ŋ kɔ n sɔ kasawule na kikɛ hale n ya fo Giliad be egbaŋ to. Ndeana na be kekama be egbalana be kebure daŋ maŋ du anyi so kpakpa.

Joshuwa 11:20

Enyɛnpe Ebɔrɛ na gbagba e daŋ shin nɛ b yili bumo be ŋgbene kukoŋwule fanɛ baaŋ kɔ Israɛlebi na kena, saŋɛ na so Israɛlebi na maaŋ shu bumo ekama so, nseŋ mɔ bumo kikɛ m mur bumo fanɛ kananɛ Enyɛnpe Ebɔrɛ kaŋɛ Mosis na.

1 Pita 2:8

Baa fiti a tɔr nna ŋkpal b ka maŋ yirda kamalga na so, kusɔ nɛ Ebɔrɛ malɛ yili bumo nna na.