Ɛksodɔs 4:14 - EBƆRƐ BE KAWƆL

¹⁴ Ndoŋ nna nɛ agbo pɛ Enyɛnpe Ebɔrɛ nɛ e bishi Mosis le: “Nɛ fo da Ɛɛrɔn nɛ e la Livainyɛn na malɛ? N nyi mo ere ka bee tiŋ a malga nɛnɛ ga. Mo alɛ tea wɔ ekpa to a ba nɛ e ba tu fo. E kaŋ ba wu fo mbe kagbene beeŋ fuli mo ga.

Ɛksodɔs 4:14 ပူးပေါင်းရင်းမြစ်များ

2 Samuɛl 6:7

Epul to nɛ Enyɛnpe Ebɔrɛ na nya agbo ga n wɔtɔ Uzza nseŋ mɔ mo, ŋkpal e ka maŋ sa mo bunyaŋ so. Uzza daŋ wu n dese ŋkre be deka na ase nna.

1 Bewura 11:9

Enyɛnpe Israɛl be Ebɔrɛ na daŋ nya agbo nna n wɔtɔ ewura Sɔlɔmɔn ŋkpal e ka daŋ lara mbe kumu ŋ ŋini mo ale anyɔ kikɛ ŋ kaŋɛ mo fanɛ e sa maŋ kaŋ shuŋ efuli pɔtɛana so be agbir kikɛ, nɛ Sɔlɔmɔn kini so so.

1 Kronikɛls 21:7

Ŋkpal ewura Deevid ka shin nɛ b karga benapo na so Ebɔrɛ daŋ nya agbo nna nseŋ gberge Israɛlebi kusoe.

Nshɛ 105:26

Kumo be kaman nɛ e shuŋi mbe kayɛrbi Mosis nɛ Ɛɛrɔn nɛ mo gbagba daŋ lara na mbe basa kutɔ.

Ɛksodɔs 4:13

Nɛ Mosis naŋ kaŋɛ: “O n Nyɛnpe Ebɔrɛ, jande shuŋi esa pɔtɛ.”

Ɛksodɔs 4:17

Ama ta kekpabi ere ŋ keta a yɔ ŋkpal manɛ so, kumo nɛ feeŋ ta a wora emamachisheŋ na.”

Ɛksodɔs 4:27

Kede be kaman nɛ Enyɛnpe Ebɔrɛ kaŋɛ Ɛɛrɔn: “Yɔ keshishɛrsawule na ase n ya tu Mosis ndoŋ.” Ndoŋ nna nɛ Ɛɛrɔn yɔ n ya tu Mosis ashi Sainai be kebeegboŋ na so nseŋ ya ber mo to n chɔrɔ mo kashaso.

Nɔmbɛs 12:2

Le nɛ b daŋ kaŋɛ: “Mosis nawule so nɛ Enyɛnpe Ebɔrɛ bee bɔla a malga a? E maŋ bɔla anyi alɛ so m malga a?” B ka malga loŋ na nɛ Enyɛnpe Ebɔrɛ nu kusɔ nɛ b kaŋɛ na.

Ashuŋ Shunso 15:28

Ŋkpal manɛ so, anyi nɛ Kiyoyu Cheeŋ na wora kɔnɔkoŋwule nna fanɛ an sa maŋ naŋ sa menyi tɔrɔ kama n ti le be mbraana nɛ an tama fanɛ a daga ere so fanɛ:

2 Kɔrintebi 2:13

Ama ma kagbene daa maŋ dese ma kuraa ŋkpal ŋ ka daa maŋ tu an kurgepo Taites na so. Amoso, n daŋ kela ndoŋebi na nna nseŋ yɔ Masɛdonia.

Filipaiebi 2:21

Bumo nɛ b ka na kikɛ be ekama wɔtɔ nna a de mo gbagba nawule be asheŋ so, ekama maŋ de Kristo be asheŋ so.

Joshuwa 24:5

Kumo be kaman nɛ n shuŋi Mosis nɛ Ɛɛrɔn Ijipt nseŋ bar tɔrɔ damta Ijiptebi na so pɔɛŋ nseŋ lara men nananyɛnana kasawule na so.

1 Samuɛl 12:8

Jeekɔb nɛ mbe laŋ to ebi ka daŋ yɔ Ijipt be kasawule so na, Ijiptebi na daa mɛaŋ bumo nna nɛ b shu ŋ ŋini Enyɛnpe Ebɔrɛ fanɛ e chɛ bumo to. Ndoŋ nna nɛ e shuŋi Mosis nɛ Ɛɛrɔn nɛ b ya lara bumo Ijipt be kasawule so m ba kasawule ere so.

1 Samuɛl 2:27

Kachako nɛ anebi ko ba Eli kutɔ m ba kaŋɛ mo fanɛ Enyɛnpe Ebɔrɛ na kaŋɛ le: “Saŋɛ so nɛ fo nananyɛn Ɛɛrɔn nɛ mbe kanaŋ daa la Ijipt be efuli so be ewura be anya na nɛ n lara ma kumu ŋ ŋini bumo.