Ɛksodɔs 4:13 - EBƆRƐ BE KAWƆL

¹³ Nɛ Mosis naŋ kaŋɛ: “O n Nyɛnpe Ebɔrɛ, jande shuŋi esa pɔtɛ.”

Ɛksodɔs 4:13 ပူးပေါင်းရင်းမြစ်များ

Jɛnesis 24:7

M baa nyi fanɛ Enyɛnpe nɛ e wɔ ebɔrɛso nsaa la esa nɛ e lara ma ashi n tuto pe nɛ ma efuli so nseŋ malga ŋ kutɔ n nase kɔnɔ n sa ma fanɛ e beeŋ ta efuli ere n sa ma kaman to ebi na beeŋ shuŋi mbe malaika nɛ e juŋkpar fo n shin nɛ fo nya eche m ba sa m pibi ere.

Jɛnesis 41:35

A daga fanɛ fo shin nɛ loŋ be basa na e chala ajibi nɛ baaŋ sɔ nfɛ lela ashunu na kikɛ n yili nɛ fo enɔ e baa deŋ amoso a jo saŋɛ lubi na.

Jɛnesis 48:16

Malaika mo nɛ e tu ma ŋ kɔ emaŋ na e nɛfa bumo. Ebɔrɛ e shin nɛ ma ketre nɛ n tuto Aizek be ketre nɛ n nananyɛn Eebraham be ketre e bɔla mbia ere so a wɔtɔ mbaanaayɔ. Ebɔrɛ e sa bumo mbia damta nɛ kanaŋ to ebi damta durnya to.”

1 Bewura 19:4

Anebi Elaija be kachɛ lelemu nɛ e na kiyi to. Ndoŋ nna nɛ e ba tu kedibi ko n chena kumo be kifito nseŋ fɛ fanɛ e daŋ wu gba k bɔ mo so. Kumo be kaman nɛ e kule Ebɔrɛ ŋ kaŋɛ le: “Enyɛnpe, asheŋ ere bre chɔ ma so. Lara ma ŋkpa, ŋkpal manɛ so n chɛr a beeŋ wu nna!”

Ɛksodɔs 23:20

Ade kikɛ be kaman nɛ Ebɔrɛ kaŋɛ bumo le: “Meeŋ shin nɛ malaika ko e baa juŋkpar menyi ŋ kuŋ menyi ekpa to loŋ n ya fo kaboŋ nɛ n lɔŋɛ n yili menyi na.

Ɛksodɔs 4:1

Ndoŋ nna nɛ Mosis kaŋɛ Enyɛnpe Ebɔrɛ le: “To, nɛ b ka maŋ yirda ma ŋko n nu n sa kusɔ nɛ meeŋ kaŋɛ bumo na nseŋ kaŋɛ le: ‘Enyɛnpe maŋ lar fo so a?’ ”

Ɛksodɔs 4:12

Amoso baa yɔ! Meeŋ ya bugi fo kɔnɔ nseŋ ŋini fo kusɔ nɛ feeŋ kaŋɛ bumo.”

Ɛksodɔs 4:14

Ndoŋ nna nɛ agbo pɛ Enyɛnpe Ebɔrɛ nɛ e bishi Mosis le: “Nɛ fo da Ɛɛrɔn nɛ e la Livainyɛn na malɛ? N nyi mo ere ka bee tiŋ a malga nɛnɛ ga. Mo alɛ tea wɔ ekpa to a ba nɛ e ba tu fo. E kaŋ ba wu fo mbe kagbene beeŋ fuli mo ga.

Jɛremaya 1:6

Ndoŋ nna ŋ nɛ kaŋɛ le: “Enyɛnpetale Ebɔrɛ, nuso nɛ meeŋ wora m pin fo mmalga to ŋ kaŋɛ basa? N la kebifɔlbi gbagba nna.”

Jɛremaya 20:9

Ama nɛ ma alɛ baŋ kaŋɛ fanɛ meeŋ teŋ Enyɛnpe Ebɔrɛ na so nsaa maŋ naa yili mbe katelamu to a malga, fo kubɔya na bee ki fanɛ edɛ nna a chɔɔ ma kagbene to nɛ ma awibi to. Mee wora ania fanɛ meeŋ nyaŋ ma kumu, ama ma alɛ maa tiŋ a lo ma kɔnɔ.

Jona 1:3

Nɛ Jona kini nseŋ shile Enyɛnpe Ebɔrɛ na. E daŋ yɔ kade ko nɛ baa tre Jɔpa nna n ya luri nchu so be kuloŋgboŋ ko nɛ k bee yɔ kadegboŋ ko nɛ baa tre Tashish ashi Speen be efuli so na to.

Jona 1:6

Ndoŋ nna nɛ kuloŋgboŋ na be befarpo na be enimu yɔ Jona kutɔ n ya kaŋɛ mo le: “Fo ere dese a di nna a? Koso a shu a tre fo Ebɔrɛ. Ashere e beeŋ mɔlga anyi, nɛ an sa maŋ mur.”

Matiu 13:41

Kumo be jemanɛ na ma, Nyiŋgbasa Pibinyɛn beeŋ shuŋi ma emalaika nɛ b chala asɔ kama nɛ a bee shin nɛ basa bee wora a da Ebɔrɛ so na nɛ alubiworapoana kikɛ nyam ashi ma kuwura ere to

Baru lela nɛ Jɔn kute na 6:29

Nɛ Yesu kaŋɛ bumo le: “Ebɔrɛ be kushuŋ e la keyirda esa nɛ e shuŋi na.”

Demujipoana 2:1

Enyɛnpe Ebɔrɛ na be Malaika daŋ shi Gilgaal nna n yɔ Bokim n ya kaŋɛ Israɛlebi na le: “Ma e lara menyi Ijipt be efuli so nseŋ bar menyi kasawule nɛ n nase kɔnɔ dra kikɛ fanɛ meeŋ ta n sa men nananyɛnana na so. N daŋ kaŋɛ bumo fanɛ m maaŋ lar kɔnɔkoŋwule be ŋkre nɛ ma nɛ men nananyɛn Eebraham kre na kaman kikɛ.