Ɛksodɔs 4:12 - EBƆRƐ BE KAWƆL

¹² Amoso baa yɔ! Meeŋ ya bugi fo kɔnɔ nseŋ ŋini fo kusɔ nɛ feeŋ kaŋɛ bumo.”

Ɛksodɔs 4:12 ပူးပေါင်းရင်းမြစ်များ

Nshɛ 105:26

Kumo be kaman nɛ e shuŋi mbe kayɛrbi Mosis nɛ Ɛɛrɔn nɛ mo gbagba daŋ lara na mbe basa kutɔ.

Nshɛ 143:10

Fo e la ma Ebɔrɛ. Ŋini ma kusɔ nɛ fee sha fanɛ n wora, nseŋ shin nɛ fo Kiyoyu nɛ e du boeŋ na e baa juŋkpar ma ekpa kikɛ so.

Nshɛ 32:9

Amoso n sa maŋ wuli fanɛ gbaŋɛ ŋko kurma; nɛ baa wɔtɔ kebarga ŋko efɔl pɔɛŋ nɛ e bee shuli a sa mo nyɛnpe na.

Ɛksodɔs 3:12

Nɛ Ebɔrɛ kaŋɛ mo le: “Meeŋ baa wɔ fo kutɔ. Fo kaŋ ya lara basa na ashi Ijipt be efuli so m ba kebee ere so nfe m ba bunyaŋ ma na nɛ feeŋ pin fanɛ ma e shin nɛ loŋ wora.”

Ɛksodɔs 4:13

Nɛ Mosis naŋ kaŋɛ: “O n Nyɛnpe Ebɔrɛ, jande shuŋi esa pɔtɛ.”

Ɛksodɔs 4:15

E kaŋ ba, fo kaŋɛ mo kusɔ nɛ e beeŋ malga. Meeŋ chɛ menyi benyɔ kikɛ to ŋ ŋini menyi kusɔ nɛ menyeeŋ wora, saŋɛ na so, menyeeŋ tiŋ m malga.

Ɛksodɔs 4:16

Ɛɛrɔn beeŋ ki dɔɔtɛ m malga n sa basa na n sa fo. Nɛ fo alɛ e baa kaŋɛ mo asɔ nɛ Ebɔrɛ kaŋɛ fo na.

Aizaaya 49:2

Mo e shin nɛ ma mmalga du fanɛ tokobi jiso ŋko ketanyembi pɛlpɛlbi. Mo e ta ma ŋ ŋana mo gbagba be enɔ be epun to.

Aizaaya 50:4

Enyɛnpetale Ebɔrɛ na e ŋini ma kusɔ nɛ meeŋ kaŋɛ n leŋ esa nɛ e gben a chul to nsaa maaŋ naŋ tiŋ n wora shɛŋ na to. Mo e naa shin nɛ mee yɛla kenishi to kachipurso kikɛ a fin kenu kusɔ nɛ e kɔ nɛ e ŋini ma na.

Jɛremaya 1:9

Kede be kaman nɛ Enyɛnpe Ebɔrɛ na teŋi mbe enɔ m beta ma kɔnɔpurbi nseŋ kaŋɛ ma le: “Nu nfe! Mee sa fo mmalga nɛ feeŋ baa malga nna na.

Nɔmbɛs 16:28

Nɛ Mosis kaŋɛ basa na le: “Kede e naaŋ shin nɛ men pin fanɛ Enyɛnpe Ebɔrɛ na e shuŋi ma fanɛ n wora asɔ ere kikɛ, mannɛ fanɛ ŋ gbagba be keparso nɛ mee wora amo.

Maak 13:11

Nɛ b baa yɛr menyi demujikpa nɛ b ya bɔɔ demujipo enɔ, men sa maŋ fara a fɔŋ kusɔ nɛ menyeeŋ ya kaŋɛ so. Ama kumo be jemanɛ na ya fo, men kaŋɛ kusɔ nɛ k ba menyi be nnɔ to, ŋkpal manɛ so, mmalga nɛ menyeeŋ nya na maaŋ baa la menyeya, a beeŋ baa shi Kiyoyu Cheeŋ na kutɔ nna.

Luuk 11:1

Jemanɛ ko Yesu yɔ kakpa ko n ya kule Ebɔrɛ n loge nɛ mbe ebɛsopo ko kaŋɛ mo: “Enyɛnpe, ŋini anyi kananɛ anyeeŋ baa kule Ebɔrɛ fanɛ kananɛ Jɔn ŋini mbe bebɛsopo na.”

Baru lela nɛ Jɔn kute na 14:26

Ama Echɛtopo na, mo e la Kiyoyu Cheeŋ nɛ n Tuto beeŋ shuŋi ma ketre to na kaŋ ba, e beeŋ ŋini menyi kusɔ kama nseŋ nyiŋi menyi asɔ nɛ ŋ kaŋɛ menyi kikɛ.

Ɛfesesebi 6:19

Men baa kule Ebɔrɛ a sa ma alɛ gba fanɛ saŋkama nɛ m bugi kɔnɔ nɛ m malga abɔrɛsheŋ na, Ebɔrɛ beeŋ sa ma mmalga nɛ m bugi baru lela na be wulo na to be asheŋ kenyɛnso n sa basa.

Ditɛronɔmi 18:18

Amoso meeŋ shuŋi anebi ko nɛ e du fanɛ fo nseŋ shi bumo gbagba be basa to nɛ e ba bumo kutɔ. Ma alɛ beeŋ baa ta ma kubɔya a sa mo nɛ mo alɛ e baa kaŋɛ bumo kusɔ kama nɛ ŋ kaŋɛ mo na gbagba chap.