Ɛksodɔs 39:43 - EBƆRƐ BE KAWƆL

⁴³ Mosis ka keni asɔ nɛ basa na lɔŋɛ na kikɛ n loge na nɛ e wu fanɛ b wora kushuŋ na kananɛ Enyɛnpe Ebɔrɛ daŋ kaŋɛ na gbagba chap. Ndoŋ nna nɛ Mosis nɛfa bumo.

Ɛksodɔs 39:43 ပူးပေါင်းရင်းမြစ်များ

Jɛnesis 1:31

Ebɔrɛ ka keni asɔ nɛ e wora na kikɛ nɛ e wu fanɛ amo kikɛ walɛ ga. Ndoŋ nna nɛ kanyɛ biri nɛ kare chɛ ŋ ki kachɛ lelemu shesopo na.

Jɛnesis 14:19

nseŋ nɛfa mo ŋ kaŋɛ: “Ebɔrɛ Ewurgboŋ nɛ e to esoso nɛ kasawule na e nɛfa fo Eebram.

2 Samuɛl 6:18

E ka lara esarga na n loge nɛ e nɛfa basa na ashi Enyɛnpetale Ebɔrɛ na be ketre to.

1 Bewura 6:38

Ewura Sɔlɔmɔn ka ji kuwura be kafɛ kudukakosopo to, nɛ Hibruwebi be kafɛ to be kufɔl burwasopo nɛ baa tre Buul na to nɛ b pɔr bɔrɛlambu na n loge fanɛ kananɛ b kre na gbagba chap. Nfɛ ashunu nɛ ewura Sɔlɔmɔn daŋ ta m pɔr bɔrɛlambu na n loge.

1 Bewura 8:14

Israɛlebi na kikɛ daŋ shɛr abar so a yil ndoŋ nna nɛ ewura Sɔlɔmɔn kilgi mbe anishito n shoŋi bumo nseŋ nɛfa bumo.

1 Bewura 8:55

ŋ kule Ebɔrɛ be nɛfa awɔrso n sa basa nɛ b shɛr na ŋ kaŋɛ:

1 Kronikɛls 16:2

Ewura Deevid ka lara esarga chɔɔso na n loge nɛ e nɛfa basa na ashi Enyɛnpe Ebɔrɛ be ketre to,

2 Kronikɛls 30:27

Bɔrɛmatapoana na nɛ Livaiebi na daŋ kule Enyɛnpe Ebɔrɛ be nɛfa nna n sa basa na, nɛ Enyɛnpe Ebɔrɛ na shi esoso n nu bumo be kekule.

2 Kronikɛls 6:3

Israɛlebi na kikɛ daŋ shɛr abar so a yil ndoŋ nna nɛ ewura Sɔlɔmɔn na kilgi mbe anishito n shoŋi bumo nseŋ nɛfa bumo.

Nehemaya 11:2

Ndoŋ nna nɛ basa na nɛfa bekama nɛ b shuli fanɛ bumo ere beeŋ yɔ Jerusalɛm n ya chena na.

Nshɛ 104:31

An Nyɛnpe Ebɔrɛ, anyee kule nna fanɛ fo kemaŋkura e baa wɔtɔ mbaanaayɔ; saŋɛ na so, fo kagbene beeŋ baa fuli kusɔ kama nɛ fo wora so.

Nshɛ 19:11

Enyɛnpe be mbra na bee kpele basa kusoe nna. Basa nɛ baa bɛ amo so bee nya tɔnɔ gboŋgboŋi nna.

Ɛksodɔs 12:28

Kumo be kaman nɛ Israɛlebi na yɔ n ya wora asɔ nɛ Enyɛnpe Ebɔrɛ daŋ kaŋɛ Mosis nɛ Ɛɛrɔn na kikɛ chap.

Ɛksodɔs 25:9

A daga fanɛ men yuu kumo nseŋ lɔŋɛ kumo kananɛ meeŋ ŋini fo na gbagba chap.”

Ɛksodɔs 39:42

Kananɛ Enyɛnpe Ebɔrɛ daŋ kaŋɛ Mosis na nɛ Israɛlebi wora kushuŋ na kikɛ.

Ɛksodɔs 40:1

Ndoŋ nna nɛ Enyɛnpe Ebɔrɛ kaŋɛ Mosis le:

Ɛksodɔs 40:25

nseŋ chɔɔ efitila na so fanɛ kananɛ Enyɛnpe Ebɔrɛ kaŋɛ mo na gbagba.

Ɛksodɔs 7:6

Ndoŋ nna nɛ Mosis nɛ Ɛɛrɔn wora kananɛ Enyɛnpe baŋ ŋini bumo na gbagba chap.

Jɛremaya 13:5

Nɛ n ta kumo n ya ŋana m mata Yufreetes be Lɔrgboŋ na ase nseŋ bɛta n yɔ epe.

Levitikɔs 16:34

Mbraana ere wɔtɔ nna mbaanaayɔ nɛ b baa bɛ amo so jemanɛ kikɛ. Alubi be keyigempaŋ be sarga ere daga kelara kela koŋwule kafɛ kikɛ nna nɛ Israɛlebi na e baa nya bumo be alubi be ketampaŋ.” Ndoŋ nna nɛ Mosis wora kusɔ nɛ Enyɛnpe Ebɔrɛ na kaŋɛ mo na kikɛ.

Joshuwa 22:6

Kumo be kaman nɛ Joshuwa nɛfa bumo nseŋ ta le kubɔya n sa bumo fanɛ b yɔ epe: “Menyee bɛta a yɔ epe nɛ kedamaya nɛ asɔbɔya nɛ gbiti nɛ shuwa nɛ ntishaŋ peper nɛ abɛlso nɛ asɔbuuso damta. Men ya sa men braana asɔ nɛ men sɔ men doŋana kutɔ na be ako.” Nɛ b lar n yɔ. Mosis e daŋ sa Manase be yiri to ebi be bargato kasawule ashi Jɔɔdan be lɔr na be epeŋilarkpa nɛ Joshuwa malɛ sa yiri na be bargato nɛ k ka na nɛ eyiri nɛ a ti so na kasawule ashi Jɔɔdan be lɔr na be epeŋitɔrkpa be kaba so.