Ɛksodɔs 39:1 - EBƆRƐ BE KAWƆL

¹ Ejese buru nɛ apeper kpaw nɛ apeper kunɔkunɔ nɛ b lue m baa bɔrɛmatapoana be asɔbuuso n sa Ɛɛrɔn nɛ e baa buu a luri Ebɔrɛ be wajɛbu na to a shuŋ fanɛ kananɛ Enyɛnpe Ebɔrɛ daŋ kaŋɛ Mosis na.

Ɛksodɔs 39:1 ပူးပေါင်းရင်းမြစ်များ

Nshɛ 93:5

O Enyɛnpe Ebɔrɛ, fo mbraana wɔtɔ nna mbaanaayɔ, jemanɛ kikɛ fo bɔrɛlambu na du cheembi nna nsaa walɛ kebita.

Ɛksodɔs 25:4

nɛ ago lela nɛ afuibi nɛ b nyɔɔ buru ŋko kepeper kpaw nɛ wajɛchɛbi fuful nɛ wajɛ nɛ b ta kaboe be afuibi n lue

Ɛksodɔs 26:1

“Le e daga fanɛ men lɔŋɛ Ebɔrɛ be wajɛbu na, men ta ago be ejese lela mɔlmɔlbi nɛ ejese nɛ a la buru nɛ kepeper kpaw n lue epatisa kudu nseŋ shin nɛ esa nɛ e nyi kajɔ e ta kebasibi nɛ jese n jɔ chɛrubim be kaduli n deŋi n deŋi epatisa na so.

Ɛksodɔs 28:5

Shin nɛ enyipo e chaŋɛ shuwa fanɛ ejese n wea ejese buru nɛ apeper kpaw nɛ apeper kunɔkunɔ nɛ ago be ejese lela mɔlmɔlbi to n lue m baa asɔbuuso na.

Ɛksodɔs 31:10

nɛ bɔrɛmatapo nimuso Ɛɛrɔn nɛ mbe bibinyɛn be asɔbuuso cheembi nɛ baa buu saŋkama a shuŋ kabɔrɛmata be kushuŋ na

Ɛksodɔs 35:19

nɛ epiŋi lueso lela cheembi nɛ bɔrɛmatapo nimuso Ɛɛrɔn nɛ mbe bibinyɛn beeŋ baa buu saŋɛ nɛ baa shuŋ wajɛbu cheembi na to na.”

Ɛksodɔs 35:23

Bumo to be ekama nɛ e daa kɔ ago be jese lela nɛ buru be jese nɛ jese peper kpaw nɛ ejese peper kunɔkunɔ nɛ ago be wajɛchɛbi mɔlmɔlbi nɛ kaboe be afuibi be wajɛ nɛ kpakpa be kawɔl nɛ b nyɔɔ kepeper nɛ churu be kawɔl daŋ bar kumo nna.

Ɛksodɔs 38:31

Amo be ako nɛ b daŋ ta n lɔŋɛ ndibi yuuso na be atɔl nɛ ayir kikɛ.

Ɛksodɔs 39:41

B daŋ ta asɔbuuso lueso nɛ bɔrɛmatapoana bee buu a shuŋ Ebɔrɛ be wajɛbu na to na n ti so.

Ezikɛl 42:14

Bɔrɛmatapoana na baa sha kelar bɔrɛlambu na to n yɔ kowushina be kelɔnɛ na so, a daga fanɛ b bɔla ebuana na ere to n lara bumo be asɔbuuso nɛ b buu n yɔ Enyɛnpe Ebɔrɛ na be anishito na n nase ndoŋ pɔɛŋ nseŋ ta asɔbuuso pɔtɛ m buu n lar.”

Ezikɛl 43:12

Mbra nɛ k dese a laŋɛ bɔrɛlambu na be kaplɛa so e la fanɛ, kaboŋ nɛ k kulti kumo ashi kebee na be awɔlto na kikɛ la kakpa cheembi gbagba nna.”

Hibruwebi 9:12

E ka daŋ luri lambu na to kela koŋwule pati na, mannɛ mboe nɛ anabi be ŋklaŋ nɛ e daŋ ta n luri ndoŋ. Mo gbagba be ŋklaŋ nɛ e daŋ ta n luri acheembiana to be kakpa cheembi na to n ya nya kesɔnyige be kebaawɔtɔ nɛ k maŋ kɔ ekar na n sa anyi.

Hibruwebi 9:25

Mo nawule e maŋ du fanɛ bɔrɛmatapo nimusoana nɛ b daa ta ŋklaŋ nɛ a maŋ la bumo gbagba peyaana a luri acheembiana to be kakpa cheembi kafɛ kafɛ a lar na. Mo ere daa maŋ luri n ta mbe kumu n lara sarga ale damta.