Ɛksodɔs 38:8 - EBƆRƐ BE KAWƆL

⁸ B daŋ ŋalga beche nɛ baa shuŋ Enyɛnpe be wajɛbu na be kabuna to be danyaŋ be edigi nna n lɔŋɛ katishaŋgboŋ na nɛ kumo be ketɔl.

Ɛksodɔs 38:8 ပူးပေါင်းရင်းမြစ်များ

1 Bewura 7:38

Huram malɛ gba daŋ naŋ ta danyaŋ n lɔŋɛ ntishaŋ kudu, turko kama nɛ kumo peya. Kusɔ nɛ baa ta asɔ a bɛ so kama nɛ kumo peya. Ntishaŋgboŋ na be kekama be kpaŋgelaŋ daa sa fanɛ ayadra ashe nna, nɛ amo be kekama beeŋ tiŋ n sɔ nchu egalɔn alfa anyɔ nɛ adesa.

2 Kronikɛls 4:2

E daŋ lɔŋɛ danyaŋ be katishaŋgboŋ kulkulso nɛ baa tre Teku nna nɛ kumo be mpar daa sa fanɛ ayadra kuduanu, nɛ kumo be chuŋguluŋ malɛ daa sa fanɛ ayadra ashunu nɛ bargato nɛ kumo be kɔnɔkarso ŋ kulti daa la ayadra adena nɛ anu.

Nshɛ 26:6

Enyɛnpe Ebɔrɛ, n fɔr ma enɔ n lar, nsaa kulti fo bɔrɛsure a bunyaŋ fo,

Ɛksodɔs 30:17

Ade kikɛ be kaman nɛ Enyɛnpe Ebɔrɛ naŋ kaŋɛ Mosis le:

Ɛksodɔs 31:9

nɛ bɔrɛsure nɛ baa lara esarga chɔɔso kumo so na nɛ kumo be asɔwurbi kikɛ nɛ katishaŋgboŋ nɛ kumo be ketɔl na

Ɛksodɔs 38:7

B daa ta amo nna a yisi n wɔtɔ bɔrɛsure na be akel to be mpinibi anyɔ na to a ta kumo. B daŋ ta ndibi peŋgeleŋ peŋgeleŋ nna n lɔŋɛ bɔrɛsure na nɛ k kɔ kelaŋ kumo to.

Ɛksodɔs 40:7

Kede be kaman nɛ fo ta katishaŋgboŋ na n yili wajɛbu na nɛ bɔrɛsure na be kefɛato nseŋ wɔtɔ kumo nchu.

Aŋasa 8:34

Bekama nɛ baa ba ma laŋ to m ba kaa chena ma kabuna to, a jo a nu ma mmalga na be ŋgbene beeŋ fuli bumo.

Zakareya 13:1

Nɛ Enyɛnpetale Ebɔrɛ naŋ kaŋɛ: “Jemanɛ ko bee ba nɛ kebuye ko e ba kaa bul nchu n fɔr ewura Deevid be kaman to ebi nɛ Jerusalɛm to be basa be alubi nɛ eyurpisheŋ kikɛ n lɛ.

Matiu 26:69

Pita ka daa tase laŋ na be epunto na nɛ bɔrɛmatapo nimuso na be kebita ko ba mo kutɔ m ba kaŋɛ mo le: “Fo alɛ gba nɛ Galili be Yesu na e daa la.”

Luuk 2:37

E ka daŋ kil kumo be kafɛ shunusopo to nɛ mo kul wu ŋ ka mo nɛ e wɔtɔ loŋ n ya ji nfɛ aduburwa nɛ ana. E daa sha bɔrɛlambu na to ga nseŋ daa wɔtɔ a kule Ebɔrɛ nsaa kishi a bunyaŋ mo saŋkama.

Baru lela nɛ Jɔn kute na 13:10

Nɛ Yesu kaŋɛ mo: “Esa nɛ e teŋ bɛr nchu maŋ naa bɛr ai, she mbe aya nawule nɛ e beeŋ fɔr so. Menyi alɛ nyalɛ so nna, ama mannɛ menyi kikɛ nyam bre e nyalɛ so.”

Baru lela nɛ Jɔn kute na 18:16

Ama Pita bre daŋ shir a yil kabuna to nna ashi kowu. Ndoŋ nna nɛ ebɛsopo nɛ mo nɛ bɔrɛmatapo nimuso na nyi abar na naŋ lar kowu n ya malga kebichebi nɛ e daa yil kabuna to a de so na kutɔ nseŋ keta Pita n luri laŋ na to.

1 Timoti 5:5

Ekulpoche gbagba nɛ e maŋ kɔ esa kikɛ nɛ e bee keni mo so be tama wɔ Ebɔrɛ so nna fanɛ e baa chɛ mo to. Mo alɛ baa wɔtɔ nna a kule Ebɔrɛ kapa nɛ kanyɛ fanɛ Ebɔrɛ e chɛ mo to.

Hibruwebi 9:10

Asɔ na be asheŋ la asɔ jiso nɛ asɔ nuusoana nɛ daŋkare be eyurana so be kefɔr nna. Amo alɛ nseŋ naa la eyur so be atande nɛ a baa wɔtɔ n ya fo jemanɛ nɛ Ebɔrɛ beeŋ shin nɛ asɔ kikɛ e naŋ bɔla ekpa na.

1 Jɔn 3:7

Ma mbi shasoana, men sa maŋ shin nɛ esa kikɛ e shin nɛ men foe ekpa. Ekama nɛ e bee wora asheŋ nɛ a niŋi la esa niŋiso nna ashi Ebɔrɛ be anishito fanɛ kananɛ Kristo niŋi na.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

1 Samuɛl 2:22

Eli daŋ bel ga, mo alɛ nsaa nu kusɔ nɛ mbe mbinyɛnsobi na kɔ a ŋini Israɛlebi na hale n nu fanɛ mbia na bee tu beche nɛ baa shuŋ Enyɛnpe Ebɔrɛ be Nshɛr be wajɛbu na be kabuna to na nna a di keche nɛ kenyɛn.