Ɛksodɔs 38:21 - EBƆRƐ BE KAWƆL

^21-23 Besalɛl nɛ e la Uri pibinyɛn nseŋ naa la Hur nɛ e shi Juda be kanaŋ to na mo nanabi na e wora kusɔ kama nɛ Enyɛnpe Ebɔrɛ kaŋɛ Mosis na kikɛ. Esa nɛ e daŋ chɛ mo to e daa la Oholiab nɛ e la Ahisamak nɛ e shi Dan be kanaŋ to na pibinyɛn nɛ e kɔ enɔ to be kushuŋ be kenyi a tiŋ a ta ago be ejese lela nɛ ejese buru nɛ apeper kpaw nɛ apeper kunɔkunɔ a lue ŋko a jɔ. Asɔ nɛ b daŋ ta n lɔŋɛ Ebɔrɛ be wajɛbu nɛ kɔnɔkoŋwule be ŋkre be deka na nɛ asɔ nɛ a daa wɔ kumo to na be kananɛ a sa nde. Mosis e daŋ bɔla Itama nɛ e la bɔrɛmatapo Ɛɛrɔn pibinyɛn na so n shin nɛ Livaiebi sibɛ amo be egbɛ nɛ kananɛ a sa.

Ɛksodɔs 38:21 ပူးပေါင်းရင်းမြစ်များ

1 Kronikɛls 6:3

Amram malɛ daa kɔ mbinyɛnsobi anyɔ nna. Bumo e la: Ɛɛrɔn nɛ Mosis nɛ ebicheso nɛ baa tre mo Miriam. Ɛɛrɔn daa kɔ mbinyɛnsobi ana nna. Bumo e la Nadab nɛ Abihu nɛ Eliaza nɛ Itama.

2 Kronikɛls 24:6

Amoso e daŋ shuŋi nna n tre Jehowada nɛ e la bɔrɛmatapo nimuso na m bishi mo le: “Manɛ nna nɛ fo maŋ shin nɛ Livaiebi na sɔ lampo ashi Juda nɛ Jerusalɛm be basa na kutɔ fanɛ kananɛ Enyɛnpe Ebɔrɛ be kenya Mosis daŋ shin nɛ baa ka nɛ baa ta a chɛ Enyɛnpe be Nshɛr be wajɛbu na be kushuŋ to na?”

Job be kawɔl 11:4

Fee ta fo kumu fanɛ fo maŋ wora kulubi kikɛ nsaa ji emɔrɔ a kaŋɛ fanɛ fo ere be asheŋ woraso kikɛ bee par Ebɔrɛ nna.

Job be kawɔl 22:23

Nɛ fo baŋ bɛta m ba Ebɔrɛ kutɔ nseŋ lar alubi to, asheŋ beeŋ nite nɛnɛ n sa fo.

Job be kawɔl 26:1

Ndoŋ nna nɛ Job malɛ kaŋɛ mo nekpa Bildad le:

Nshɛ 15:1

Enyɛnpe Ebɔrɛ, wanɛ e naŋ nya ekpa a wɔ fo bɔrɛlambu na to? Wanɛ e naŋ chena fo kebee cheembi na so?

Ɛksodɔs 25:16

B kaŋ lɔŋɛ deka na n loge nɛ fo ta ajembu pantraŋ pantrambi nɛ ma mbraana deŋi so nɛ meeŋ ta n sa fo ere n wɔtɔ kumo to.

Ɛksodɔs 26:33

Kumo be kaman nɛ men ta patisa na ŋ kuŋ to nɛ k barga acheembiana to be kakpa cheembi na ashi kakpa cheembi na to nseŋ ta kɔnɔkoŋwule be ŋkre be deka na n yili patisa na be kaman

Ɛksodɔs 38:20

Danyaŋ nɛ b daŋ ta n lɔŋɛ Ebɔrɛ be wajɛbu na nɛ kelɔnɛ na kikɛ be ayir.

Ɛksodɔs 40:3

nseŋ ta kɔnɔkoŋwule be ŋkre be deka nɛ mbra kudu na wɔtɔ na n yili kumo to n ta patisa kuŋso na ŋ kuŋ kumo so.

Ɛksodɔs 6:23

Nɛ Ɛɛrɔn malɛ ta Elisheba nɛ e daa la Aminadab pibiche nsaa la Nashɔn malɛ mo sipoche na ŋ ki mbe eche nɛ mo nɛ mo kurge Nadab nɛ Abihu nɛ Eleazar nɛ Itama.

Nɔmbɛs 1:50

Shin nɛ Livaiebi na e baa keni Enyɛnpe be wajɛbu na nɛ asɔ nɛ a wɔ kumo to kikɛ so. Bumo e naŋ baa sulɔ kumo nɛ asɔ nɛ a wɔ kumo to na kikɛ, nsaa keni kumo so, a yuu kumo nsaa yuu bumo be ewajɛbu a chena a kulti kumo saŋkama nɛ b wora keeyito popɔr.

Nɔmbɛs 1:53

Ama Livaiebi na bre beeŋ yuu bumo be ewajɛbuana n chena ŋ kulti Enyɛnpe be wajɛbu na a kuŋ kumo, saŋɛ na so, esa kama maaŋ taga kumo to n shin nɛ n nya agbo ga n wɔtɔ Israɛlebi kikɛ.”

Nɔmbɛs 10:11

Israɛlebi na ka lar Ijipt be kasawule so be kafɛ nyɔsopo to be kufɔl nyɔsopo to be kachɛ adunyɔsopo na nɛ kuwɔlpa nɛ k buu Enyɛnpe Ebɔrɛ be wajɛbu na so na tia a yɔ,

Nɔmbɛs 18:2

Fo kurgepoana Livaiebi na e naaŋ baa chɛ fo nɛ fo mbinyɛnsobi to a shuŋ wajɛbu na to.

Nɔmbɛs 24:5

Israɛlebi, men be ewajɛbu na walɛ pasaa!

Nɔmbɛs 9:15

Kachɛ nɛ b yuu Enyɛnpe be wajɛbu na, awɔlpa daŋ ba buu kumo kikɛ so nna a wɔ ndoŋ. Kanyɛ baŋ biri kuwɔlpa na bee kilgi nna n duli fanɛ edɛ na.

Matiu 17:4

Ndoŋ nna nɛ Pita kaŋɛ Yesu: “Enyɛnpe, anyi be kebaawɔ nfe ere nyalɛ ga. Nɛ fee sha, meeŋ yuu abuu asa nfe nɛ kukoŋwule e baa la feya nɛ kukoŋwule e baa la Mosis peya nɛ kukoŋwule malɛ e baa la Elaija peya.”

Ashuŋ Shunso 7:44

Ebɔrɛ be wajɛbu nɛ k daa ŋini fanɛ Ebɔrɛ wɔ an nanaana kutɔ na nɛ bumo e daa la kiyi to. Kananɛ Ebɔrɛ daŋ ŋini Mosis fanɛ e wora kumo na gbagba chap nɛ e daŋ wora kumo.

2 Kɔrintebi 5:1

Ŋkpal manɛ so, an baa nyi fanɛ eyur mo nɛ k du fanɛ wajɛbu nɛ an wɔ kumo to durnya ere to ere baŋ jija, an kɔ kowu ashi Ebɔrɛ kutɔ, ebu nɛ b maŋ ta enɔ m pɔr kumo nɛ k wɔ ebɔrɛso mbaanaayɔ.

Hibruwebi 8:2

Mo koŋwule na e naa shuŋ mbe kabɔrɛmata be kushuŋ ashi mboŋ cheembiana to be kakpa cheembi to na, ndoŋ e la kashenteŋ be wajɛlambu nɛ Enyɛnpe gbagba yuu na. Mannɛ nyiŋgbasa gbagba e ta enɔ n wora kumo.

Hibruwebi 9:11

Ama naniere bre Kristo ki alelasheŋ nɛ a ba na be bɔrɛmatapo nimuso nna. E bɔla lambu nɛ k shibi a chɔ wajɛlambu dra na to nna m ba. Kede bre, mannɛ nyiŋgbasa e pɔr kumo, kumo e la fanɛ mannɛ durnya ere to be kusɔ e la kumo.

2 Pita 1:13

Ŋkpal manɛ so, mee fɛ fanɛ ŋ ka kraa wɔ eyur ere to ere bre, a daga fanɛ m baa nyiŋi menyi asheŋ na kikɛ a leŋ menyi to.

Kelaraŋŋini 11:19

Ndoŋ nna nɛ Ebɔrɛ be lambu nɛ k wɔ ebɔrɛso na bugi nɛ an wu mbe kɔnɔkoŋwule be ŋkre be deka ashi mbe lambu na to. Nɛ bɔrɛ nyɛkpɛ palpal m ponte to ŋ gbri n wɔtɔ nɛ kasawule gbuŋgbuŋ to nɛ abɔrɛjembubi gbɛgbɛsoana ko ba tɔr.

Kelaraŋŋini 15:5

Kede be kaman nɛ ŋ keni n wu shɛda be wajɛbu na be bɔrɛlambu ka bugi a yil ebɔrɛso.

Kelaraŋŋini 21:3

Kumo be kaman nɛ n nu ebɔl ko awɔrso ka shi kuwurputi na akpa ŋ kaŋɛ: “Naniere bre, basa to e ki kakpa nɛ Ebɔrɛ ba nɛ e ba kaa wɔ. Mo nɛ basa beeŋ ba kaa wɔtɔ nɛ b baa la mbe basa. Ebɔrɛ gbagba e naaŋ ba kaa wɔ bumo to a la bumo be Ebɔrɛ.