Ɛksodɔs 38:20 - EBƆRƐ BE KAWƆL

²⁰ Danyaŋ nɛ b daŋ ta n lɔŋɛ Ebɔrɛ be wajɛbu na nɛ kelɔnɛ na kikɛ be ayir.

Ɛksodɔs 38:20 ပူးပေါင်းရင်းမြစ်များ

2 Kronikɛls 3:9

Shuwa nɛ amo be egbɛ sa fanɛ kilo be bargato nɛ b ta n lɔŋɛ kumo be anyembi nseŋ ta shuwa m mata m mata kumo be esoso be ebuana na be egbalana so.

Ɛzra 9:8

Ama, O Enyɛnpe anyi be Ebɔrɛ, jemanɛ gbrɛbi nɛ k choŋ ere fo wu anyi kuwɔr nseŋ shin nɛ anyi be beko kra wɔ ŋkpa to ashi fo kakpa cheembi ere. Fo lara anyi kenyaya to nseŋ sa anyi ŋkpa popɔr.

Ɛksodɔs 27:19

nɛ asɔ nɛ b kɔ a shuŋ Ebɔrɛ be wajɛbu na to nɛ kelɔnɛ na so nɛ ayir nɛ b yuu ŋ kulti kumo na kikɛ nyam.

Ɛksodɔs 38:19

Ndibi yuuso ana na daa kɔ danyaŋ be atɔl ana nɛ gbiti be akɔltobi nɛ ayir nna, nɛ b ta gbiti m mata ndibi yuuso na be esoso.

Ɛksodɔs 38:21

Besalɛl nɛ e la Uri pibinyɛn nseŋ naa la Hur nɛ e shi Juda be kanaŋ to na mo nanabi na e wora kusɔ kama nɛ Enyɛnpe Ebɔrɛ kaŋɛ Mosis na kikɛ. Esa nɛ e daŋ chɛ mo to e daa la Oholiab nɛ e la Ahisamak nɛ e shi Dan be kanaŋ to na pibinyɛn nɛ e kɔ enɔ to be kushuŋ be kenyi a tiŋ a ta ago be ejese lela nɛ ejese buru nɛ apeper kpaw nɛ apeper kunɔkunɔ a lue ŋko a jɔ. Asɔ nɛ b daŋ ta n lɔŋɛ Ebɔrɛ be wajɛbu nɛ kɔnɔkoŋwule be ŋkre be deka na nɛ asɔ nɛ a daa wɔ kumo to na be kananɛ a sa nde. Mosis e daŋ bɔla Itama nɛ e la bɔrɛmatapo Ɛɛrɔn pibinyɛn na so n shin nɛ Livaiebi sibɛ amo be egbɛ nɛ kananɛ a sa.

Kaŋinichiŋgeliŋ 12:11

Enyiashempo na be mmalga na du fanɛ mbolpɔkpapo be kekpabi nɛ e kɔ a kpa mbe mbolpɔ nna nɛ aŋasa na malɛ du fanɛ ayir nɛ e gbir nɛnɛ nna. Mmalga na shi Ebɔrɛ nɛ e la anyi kikɛ be ekpapo na kutɔ nna.

Aizaaya 22:23

Meeŋ shin nɛ e baa yil to kpakpa fanɛ b ka gbir keyir kasawule to na. E beeŋ baa la esa nɛ mbe kanaŋ to ebi kikɛ beeŋ bɔla so n nya kemaŋkura.

Aizaaya 33:20

Men to anishi ŋ keni Zayɔn be kebee nɛ anyee ji anyi be nchɛgboŋ kumo so na. Menyeeŋ wu fanɛ Jerusalɛm la kakpa nɛ anyi beeŋ tiŋ n nya anyi be amu a wɔtɔ nna. K du fanɛ wajɛbu nɛ k yil a maa gbuŋgbuŋ nna. Kumo be ayir maa tia nɛ kumo be efɔlana malɛ gba maa tuge to kikɛ.

Kɔlɔsiebi 2:19

Mo alɛ nɛ Yesu Kristo nɛ e la an be enimu na maŋ la kukoŋwule. Yesu Kristo na e la an be enimu a shin nɛ Ebɔrɛ be basa bee nya Ebɔrɛ be kenyi a ti so a du kananɛ Ebɔrɛ bee sha a wɔ abar so fanɛ kananɛ awibichɛkpa nɛ achin bee pɛ esa be eyur a kukwe abar so na.