Ɛksodɔs 38:1 - EBƆRƐ BE KAWƆL

¹ Kede be kaman b daŋ naŋ ta akasiadibi nna n lɔŋɛ bɔrɛsure n shin nɛ kumo be nteŋ to nɛ mparto kikɛ sasa nsaa la ayadra ashunu nɛ bargato, nɛ kumo be jeŋgreŋ malɛ la ayadra ana nɛ bargato.

Ɛksodɔs 38:1 ပူးပေါင်းရင်းမြစ်များ

2 Kronikɛls 1:5

Danyaŋ be bɔrɛsure nɛ Yuri pibinyɛn Bezalɛl nɛ e la Hur mo nanabi daŋ lɔŋɛ na gba daa yil Enyɛnpe Ebɔrɛ be wajɛbu na be anishito nna ashi Gibiɔn. Ewura Sɔlɔmɔn nɛ basa na kikɛ daŋ yɔ ndoŋ nna n ya bunyaŋ Enyɛnpe Ebɔrɛ.

2 Kronikɛls 4:1

Ewura Sɔlɔmɔn daŋ shin nɛ b lɔŋɛ danyaŋ be bɔrɛsure nɛ kumo be nteŋ daa la ayadra adesa nɛ kumo be mpar gba la ayadra adesa nɛ kumo be jeŋgreŋ malɛ la ayadra kuduanu nna.

Ɛksodɔs 25:5

nɛ kpakpa be kawɔl nɛ b nyɔɔ kepeper nɛ churu be kawɔl nɛ b gbiti nɛnɛ nɛ kedibi nɛ baa tre akasia na

Ɛksodɔs 30:17

Ade kikɛ be kaman nɛ Enyɛnpe Ebɔrɛ naŋ kaŋɛ Mosis le:

Ɛksodɔs 31:9

nɛ bɔrɛsure nɛ baa lara esarga chɔɔso kumo so na nɛ kumo be asɔwurbi kikɛ nɛ katishaŋgboŋ nɛ kumo be ketɔl na

Ɛksodɔs 38:2

B daŋ wora kumo be esoso be abonfu ana na nɛ a du fanɛ alambɛ nna nseŋ shin nɛ bɔrɛsure na nɛ alambɛ na kikɛ chɔga abar so a la kukoŋwule. Kumo be kaman nɛ b ta danyaŋ m mata bɔrɛsure na kikɛ so.

Ɛksodɔs 40:29

E daŋ ta bɔrɛsure nɛ baa chɔɔ sarga kumo so na nna n yili Enyɛnpe Ebɔrɛ be wajɛbu na be kabuna to be anishito to nseŋ lara esarga chɔɔso nɛ ajibi be esarga kumo so fanɛ kananɛ Enyɛnpe Ebɔrɛ kaŋɛ mo na.

Ɛksodɔs 40:6

Kumo alɛ be kaman nɛ fo ta bɔrɛsure nɛ baa chɔɔ sarga kumo so na n yili Enyɛnpe Ebɔrɛ be wajɛbu na be kabuna to be anishito.

Baru lela nɛ Jɔn kute na 6:37

Esa kama nɛ n Tuto na ta m bɔɔ ma enɔ beeŋ ba ŋ kutɔ nɛ ekama malɛ nɛ e ba ŋ kutɔ, m maaŋ ju mo n lɛ kikɛ.

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

Hibruwebi 13:10

An kɔ anyi be bɔrɛsure mo nɛ bumo nɛ baa shuŋ wajɛlambu na akpa na maŋ kɔ ekpa nɛ b ji bɔrɛsure na so be sargajibi na.

Hibruwebi 13:8

Ndere nɛ kabre nɛ saŋkikɛ, Yesu Kristo wɔ ŋkpa to nna mbaanaayɔ. E maa chɛrga kikɛ.

Hibruwebi 3:1

Amoso, n niopibi larasoana nɛ men la bumo nɛ Ebɔrɛ tre a yɔ ebɔrɛso na, men ta menyi be anishi n yuu Yesu nɛ e la anyi be yirda ere be eshuŋipo nɛ bɔrɛmatapo nimuso na so ŋ keni kananɛ e du.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

Kelaraŋŋini 21:16

Kade na kikɛ daŋ bonte nna a dese nɛ kumo be nteŋ nɛ mparto kikɛ sasa. Malaika na ka ta mbe kekpabi na ŋ karga kade na, kumo be nteŋ daa wɔ emayɛl kagboŋ nɛ alfa anu nɛ kumo be mparto nɛ kumo be jeŋgreŋ malɛ gba kikɛ daa sa loŋ.