Ɛksodɔs 37:9 - EBƆRƐ BE KAWƆL

⁹ Chɛrubim na daŋ kilgi anishito nna n shoŋi abar nseŋ parga atɛ to m buu deka na be buuso na so.

Ɛksodɔs 37:9 ပူးပေါင်းရင်းမြစ်များ

Jɛnesis 28:12

Edi na to nɛ e ku edare n wu kasakpar ka yili kasawule n ya fo ebɔrɛso nɛ Ebɔrɛ be emalaika wɔtɔ a dii kumo a gbelge.

Jɛnesis 3:24

Ebɔrɛ ka ju Adam nɛ mbe eche ashi kudɔbi na to n loge nɛ e shin nɛ emalaika nɛ baa tre chɛrubim na ba kudɔbi na be epeŋipetekpa m baa kaa keni kumo so, nɛ tokobi nɛ k bee suse edɛ bee filito a yɔ a ba, saŋɛ na so ekama maaŋ tiŋ n yɔ kedibi nɛ k bee sa ŋkpa na ase.

1 Bewura 6:27

B daŋ ta amo nna n yili acheembiana to be kakpa cheembi na nɛ amo be kekama parga aba to nɛ keba ko bee chute ebu na be kaba ko be egbal nɛ kuko malɛ bee chute kumo barkasa be keba ashi ebu na be nferinto.

Ɛksodɔs 25:20

nɛ chɛrubim na e parga bumo be atɛ to m buu deka na be buuso na so nseŋ kilgi anishito n shoŋi abar ŋ keni kuwɔr be kakpa.

Ɛksodɔs 37:10

Kumo be kaman nɛ b ta akasiadibi n lɔŋɛ teebɔl nɛ kumo be nteŋ to la ayadra asa nɛ mparto la keyadra koŋwule nɛ bargato, nɛ jeŋgreŋ malɛ la ayadra anyɔ,

Ɛksodɔs 37:8

E lɔŋɛ chɛrubim anyɔ na nna nɛ amo nɛ buuso na kikɛ la kukoŋwule.

Aizaaya 6:2

Nɛ asɔbɔya keniso nɛ baa suse so fanɛ edɛ be adondulombi na yili ŋ kulti mo. Bumo be ekama daa kɔ mbuibi be aba ashe nna. Asɔbɔya na be ekama daŋ ta mbe mbuibi be aba anyɔ nna m buu mbe anishiakpa so nseŋ ta anyɔ m buu mbe eyur so nseŋ ta anyɔ nɛ a ka na a firgi.

Baru lela nɛ Jɔn kute na 1:51

Kumo be kaman nɛ e kaŋɛ bumo kikɛ: “Kashenteŋ nɛ mee kaŋɛ menyi na fanɛ menyeeŋ wu ebɔrɛso ka bugi nɛ Ebɔrɛ be emalaika bee dii a gbelge a ba ma, Nyiŋgbasa Pibinyɛn so.”

2 Kɔrintebi 3:18

Ama anyi ere kikɛ ka maŋ kɔ kusɔ kuŋso nɛ k buu anyi be anishiakpaana so nsaa nyaŋɛ Enyɛnpe be kemaŋkura be kefulto na a ŋini basa na bee chɛrga nna a duli mo a ti so a nya kemaŋkura nɛ k bee wora keshi a ti so. Kesheŋ ere shi Enyɛnpe nɛ e la Kiyoyu na kutɔ nna.

Ɛfesesebi 3:10

Saŋɛ na so e beeŋ bɔla asɔriebi na to n shin nɛ mbe kashennyi damta e dii efuli n sa esoso be kenimujipoana nɛ bejuŋkparpo ashi ebɔrɛso.

Filipaiebi 3:8

Kashenteŋto, naniere shɛŋ maŋ naa kɔ tɔnɔ ma anishito ŋkpal kebaanyi Kristo Yesu n Nyɛnpe na ka chɔ kusɔ kikɛ na so. Mo so nɛ m paŋ asɔ kikɛ nseŋ naa ta kusɔ kama fanɛ asɔ fuloŋ ŋkpal kananɛ meeŋ wora n nya Kristo na so nɛ n tiŋ n nya a wɔ mo to.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

Hibruwebi 1:14

To, kananɛ emalaika be asheŋ du Ebɔrɛ be anishito nna na. Bumo kikɛ la ayoyu nna a shuŋ Ebɔrɛ nɛ e bee shuŋi bumo nɛ baa chɛ bumo nɛ baaŋ nya kumɔlga na to.

1 Pita 1:12

Ebɔrɛ daŋ lara nna ŋ ŋini anebiana na fanɛ mannɛ bumo gbagba so nɛ b daa shuŋ, ama menyi so nɛ b daŋ shuŋ fanɛ kananɛ b daŋ malga asheŋ nɛ naniere menyee nu Baru Lela na be mbɔ ka kɔ Kiyoyu Cheeŋ nɛ b shi ebɔrɛso n shuŋi na be eleŋ a bɔ kubɔya na. Le be asheŋ ere la asɔ nɛ emalaika gba daa beeŋ baa sha kepinto nna.